Patas Praveen: ఫైమాతో లవ్‌ బ్రేకప్‌పై ఓపెన్‌ అయిన పటాస్‌ ప్రవీణ్‌.. దిమ్మతిరిగే ఆన్సర్‌ ఇచ్చిన జబర్దస్త్ కమెడియన్‌

జబర్దస్త్ లేడీ కమెడియన్‌ ఫైమాతో లవ్‌ బ్రేకప్‌పై స్పందించాడు పటాస్‌ ప్రవీణ్‌. జబర్దస్త్ వర్షతో ఓపెన్ గా చెప్పాడు. అయితే ప్రేమ సెట్‌ కానంత మాత్రాన విడిపోవాల్సిన పనిలేదన్నాడు. 

పటాస్‌ ప్రవీణ్‌తో ఫైమా లవ్‌ స్టోరీ

జబర్దస్త్ కమెడియన్లు పటాస్‌ ప్రవీణ్‌, ఫైమా ప్రేమించుకున్న విషయం తెలిసిందే. `పటాస్‌` ప్రోగ్రామ్‌ నుంచి వీరిద్దరు కలిసి జర్నీ చేశారు. జబర్దస్త్ లోకి వచ్చాక తమ మధ్య బాండింగ్‌ బాగా పెరిగింది. ప్రేమలో పడ్డారు. ఫైమా.. బిగ్‌ బాస్‌ షోలోకి వచ్చినప్పుడు కూడా ప్రవీణ్‌తో ప్రేమలో ఉన్నట్టు తెలిపింది. ఆయనతో పలు తీపిగుర్తులను గుర్తు చేసుకుంది.

ప్రవీణ్‌తో ఫైమా బ్రేకప్‌

బిగ్‌ బాస్‌ షో నుంచి బయటకు వెళ్లాక వీరిద్దరి మధ్య ఆ బాండింగ్‌ సరిగా లేదని తెలిసింది. ఆ తర్వాత కొన్ని రోజులకే వీరిద్దరు బ్రేకప్‌ చెప్పుకున్నారనే వార్తలు వచ్చాయి. బ్రేకప్‌ కారణాలు తెలియకపోయినా, ఇద్దరి మధ్య అండర్‌స్టాండింగ్‌ సమస్య ఉన్నట్టు తెలిసింది. ప్రవీణ్‌కి, తనకు వ్యక్తిగత సమస్యలున్నాయని, అవి బయటకు చెప్పుకోలేం అని, అందుకే దూరం కావాల్సి వచ్చిందని ఫైమా ఓ ఇంటర్వ్యూలో తెలిపింది. తన వద్దకు వచ్చి పర్సనల్‌గా మాట్లాడితే బాగుండేదని ఫైమా చెప్పింది.

ఫైమాతో బ్రేకప్‌పై పటాస్‌ ప్రవీణ్‌ రియాక్షన్‌

దీనిపై తాజాగా పటాస్‌ ప్రవీణ్‌ రియాక్ట్ అయ్యాడు. జబర్దస్త్ వర్ష నిర్వహిస్తున్న కిస్సిక్‌ టాక్‌ షోలో పాల్గొన్న ప్రవీణ్‌.. తన బ్రేకప్‌ గురించి నీకు కూడా తెలుసు అని చెప్పాడు. `నేను నిన్ను ఇష్టపడ్డాను, నువ్వు నన్ను ఇష్టపడు, పడకపో, నువ్వు ఒక క్లారిటీతో ఉన్నావు, నేను కూడా ఒక క్లారిటీతో ఉంటే అయిపోతుంది కదా. బెస్ట్ ఫ్రెండ్‌లా ఉండొచ్చు. మంచి సపోర్ట్ దొరుకుతుంది. నేను దానిమీదనే ఉన్నాను, ఇప్పుడు మేమిద్దరం బాగానే ఉన్నాం` అని తెలిపారు పటాస్‌ ప్రవీణ్‌. ఫైమాతో తాను బాగానే ఉన్నానని, కానీ తమ మధ్య ప్రేమ లేదని ఆయన చెప్పకనే చెప్పాడు.

వంశీతతో పటాస్‌ ప్రవీణ్‌ మ్యారేజ్‌

ప్రేమ స్నేహం నుంచే స్టార్ట్ అవుతుంది, ఫ్రెండ్‌ లవర్‌ అయినప్పుడు లవర్‌ ఫ్రెండ్‌ ఎందుకు కాకూడదు అని తెలిపారు ప్రవీణ్‌. అమ్మాయితో బ్రేకప్‌ అయ్యిందంటే ఆ అమ్మాయితో నీకు సెట్‌ కాదు అని దేవుడు హింట్‌ ఇస్తున్నట్టే లెక్క. అమ్మాయి మైండ్‌ సెట్‌, నీ మైండ్‌ సెట్‌ ఒక్కటి కాదు, విడిపోతేనే బెటర్‌ అని చెప్పినట్టు లెక్క. అలా అనుకుంటే అంతా హ్యాపీ అని తెలిపాడు ప్రవీణ్‌. ప్రస్తుతం ప్రవీణ్‌ జబర్దస్త్ షోతోపాటు శ్రీదేవి డ్రామా కంపెనీలో చేస్తూ బిజీగా ఉన్నాడు. అంతేకాదు సినిమా అవకాశాలు కూడా వస్తున్నాయట. ఇదిలా ఉంటే ఈ నెలలోనే ప్రవీణ్‌.. కడెం వంశితని పెళ్లి చేసుకున్నాడు.