Folk Song: టాలీవుడ్ స్టార్ సింగర్, ఆస్కార్ విన్నర్ రాహుల్ సిప్లిగంజ్ తాజాగా ఓ ఫోక్ సాంగ్ తో అభిమానుల మందుకు వచ్చాడు. ఈ పాట ప్రస్తుతం యూట్యూబ్ లో సెన్సేషన్ గా మారింది.
టాలీవుడ్ సింగర్ రాహుల్ సిప్లిగంజ్ కి ప్రత్యేకంగా పరిచయం అవసరం లేదు. ఆర్ఆర్ఆర్ సినిమాలో ‘నాటు నాటు’ పాట పాడి ప్రపంచ వ్యాప్తంగా గుర్తింపు సాధించడమే కాకుండా ఆస్కార్ గెలుచుకున్నాడు. రాహుల్ ఇప్పటి వరకు చాలా సినిమాల్లో పాటలు పాడాడు. అయితే.. సినిమా పాటలతో పాటు.. యూట్యూబ్ లోనూ రాహుల్ కి స్పెషల్ ఫ్యాన్ బేస్ ఉంది. సినిమాల్లో పాటలు పాడటం కంటే ముందు నుంచే.. స్పెషల్ ఆల్బమ్ సాంగ్స్ తో.. గుర్తింపు తెచ్చుకున్నాడు. ఇప్పటి వరకు రాహుల్ జాబితాలో.. మిలియన్లు దాటిన సాంగ్స్ చాలానే ఉన్నాయి. కాగా.. తాజాగా.. మరోసారి ఫోక్ సాంగ్ తో యూట్యూబ్ లో తన అభిమానుల ముందుకు వచ్చాడు.
24
యూట్యూబ్ లో అదరగొడుతున్న ‘సర్పంచ్ కూతురా’
‘సర్పంచ్ కూతురా.. సర్పంచ్ కూతురా నిన్ను ఇడిచి నేనుండలేనే..నిన్ను ఎక్కించి తిప్పుతా, ఎక్కించి తిప్పుతా.. నేను కొన్న కొత్త బైకు పైనే’ అంటూ తెలంగాణ ఫోక్ సాంగ్ తో మన ముందుకు వచ్చాడు. ఈ పాటను స్వయంగా రాహుల్ పాడి.. అందులో హీరోగా కూడా తనే నటించడం విశేషం. సర్పంచ్ కూతురుగా.. యూట్యూబర్ సిరి రాశి నటించారు. ఈ పాటకు ఎం.ఎం.కీరవాణి మ్యూజిక్ అందించగా, సాహిత్యం చంద్రబోస్ అందించారు. ఈ పాటకు ఎస్ఎస్ కాంచి దర్శకత్వం వహించారు. ఈ పాటను రాహుల్ తన యూట్యూబ్ ఛానెల్ ద్వారా కాకుండా.. లెథోవిస్ అనే యూట్యూబ్ ఛానెల్ ద్వారా విడుదల చేశారు.పాట విడుదల చేసిన 24 గంటల్లోనే మిలియన్ వ్యూస్ రావడం విశేషం.
34
పాట అదరగొట్టిన రాహుల్..
ఈ పాటలో భార్యపై తనకు ఉన్న ప్రేమను ఓ కుర్రాడు చెబుతున్నట్లుగా సాగుతుంది. సర్పంచ్ కూతురిని ప్రేమించి ధూమ్ ధామ్ గా పెళ్లి చేసుకున్న కుర్రాడు... పెళ్లి తర్వాత పెండ్లాన్ని ఎంత ప్రేమగా, అపురూపంగా చూసుకుంటాడో.. పాటలో లిరిక్స్ ద్వారా అర్థవంతంగా చెప్పారు. ఇక.. రాహుల్, సిరి యాక్టింగ్ కూడా చాలా నేచురల్ గా ఉంది.
భార్య కొంగు పట్టుకొని తిరిగే భర్తలాగా.. భార్యకు చిన్న ఇబ్బంది కలగకుండా చూసుకునే యువకుడి పాత్రలో రాహుల్ చాలా అద్భుతంగా నటించారు. ఇక, పెళ్లి కాకముందు తల్లి కొంగు పట్టుకొని తిరిగి, పెళ్లి తర్వాత కొడుకు మారిపోయాడని తల్లడిల్లే పాత్రలో బాంబే పద్మ నటించారు. పాట బీట్ ఎంత బాగుందో.. పాటకు తగినట్లు పల్లెటూరి వాతావరణం, ఆ డ్యాన్స్ మూమెంట్స్ కూడా అంతే బాగున్నాయి. ఈ పాట అద్భుతంగా ఉందని కచ్చితంగా 100మిలియన్స్ కొడుతుంది అంటూ.. ఫ్యాన్స్ కామెంట్స్ చేస్తున్నారు. కాగా.. ఈ పాటకు.. రీల్స్ చేసి తనను ట్యాగ్ చేయమని రాహుల్ సిప్లింగంజ్ తన ఫ్యాన్స్ కి పిలుపునిచ్చారు. కాగా.. ఈ పాట అలా విడుదలైందో లేదో.. యూట్యూబర్ మెహబూబ్ ఈ పాటకు తన స్టైల్ లో స్టెప్స్ వేయడం విశేషం. ఈ రీల్ కూడా ఇప్పుడు వైరల్ అవుతోంది.
