NTR-Prashanth Neel movie: ఎన్టీఆర్‌-నీల్‌ మూవీ ఆర్టిస్ట్ లు, టెక్నీషియన్లు డిటేయిల్స్, మొత్తం వాళ్లే?

ntr Prashanth neel movie cast and crew: ఎన్టీఆర్‌, ప్రశాంత్‌ నీల్‌ కాంబినేషన్‌లో సినిమా త్వరలో ప్రారంభం కాబోతుంది. ఈ మూవీకి సంబంధించిన కాస్ట్ అండ్‌ క్రూ డిటెయిల్స్ ఇప్పుడు నెట్టింట చక్కర్లు కొడుతున్నాయి. 

ntr Prashanth neel movie cast and crew: ఎన్టీఆర్‌ చివరగా `దేవర` చిత్రంలో నటించారు. ఇప్పుడు ప్రశాంత్‌ నీల్‌ దర్శకత్వంలో సినిమా కోసం రెడీ అవుతున్నారు. ఇది త్వరలోనే ప్రారంభం కాబోతుంది. ఈ నేపథ్యంలో ఈ మూవీ షూటింగ్‌, ఆర్టిస్టులు, టెక్నీషియన్లకి సంబంధించిన డిటెయిల్స్ సోషల్‌ మీడియాలో వైరల్‌ అవుతున్నాయి. మరి ఇందులో కనిపించే కాస్ట్ అండ్‌ క్రూ డిటెయిల్స్ పై ఓ లుక్కేద్దాం. 

ఎన్టీఆర్‌ `దేవర` చిత్రంతో తన రేంజ్‌ ఏంటో చూపించారు. ఈ మూవీకి నెగటివ్‌ టాక్‌ వచ్చినా, బాక్సాఫీసు వద్ద మాత్రం మంచి కలెక్షన్లని వసూలు చేసింది. ముఖ్యంగా నార్త్‌ లో బాగా ఆడింది. దీంతో తారక్‌కి ధైర్యాన్ని, బూస్ట్ ని ఇచ్చింది.

అదే సమయంలో యాక్షన్‌ చిత్రాలను ఆడియెన్స్ ఇష్టపడుతున్నారనేది మరోసారి స్పష్టమైంది. ఈ క్రమంలో మరో యాక్షన్‌ మూవీతో రాబోతున్నారు తారక్‌. ప్రస్తుతం ఆయన ప్రశాంత్‌ నీల్‌తో సినిమా చేయబోతున్న విషయం తెలిసిందే. 

ఈ మూవీ చాలా రోజుల క్రితమే పూజా కార్యక్రమాలు జరుపుకుంది. కానీ ఇంకా షూటింగ్‌ ప్రారంభం కాలేదు. తారక్‌ `వార్‌ 2`లో బిజీగా ఉండటం వల్ల డిలే అవుతున్నట్టు తెలుస్తుంది. ఈ క్రమంలో షూటింగ్‌ ప్రారంభానికి సంబంధించిన అప్‌ డేట్‌ వచ్చింది. వచ్చే నెలలో అంటే ఫిబ్రవరిలో షూటింగ్‌ ప్రారంభం కాబోతుందట.

అయితే ఇప్పటికే ఇందులో నటించే కాస్ట్ అండ్‌ క్రూ కూడా ఫైనల్‌ అయ్యిందని తెలుస్తుంది. ఈ సినిమాలో తారక్‌ కి జోడీగా కన్నడ భామ రుక్మిణి వసంత్‌ హీరోయిన్‌గా నటిస్తుందట. అలాగే మలయాళ నటులు టోవినో థామస్‌, బీజు మీనన్‌ కీలక పాత్రలు పోషిస్తున్నారట. 

ఇక టెక్నీషియన్ల విషయానికి వస్తే.. ప్రశాంత్‌ నీల్‌ దర్శకుడు కాగా, రవి బన్సూర్‌ సంగీతం అందించబోతున్నారు. భువన్‌ గౌడ కెమెరామెన్‌గా, టీఎల్‌ వెంకట చలపతి ఆర్ట్ డైరెక్టర్‌గా వర్క్ చేస్తున్నారట. ఉజ్వల్‌ కులకర్ణి ఎడిటర్‌గా, చేతన్‌ డిసౌజా స్టంట్స్ కొరియోగ్రాఫర్‌గా వర్క్ చేయబోతున్నట్టు తెలుస్తుంది.

ప్రస్తుతం ఈ టీమ్‌కి సంబంధించిన డిటెయిల్స్ నెట్టింట చక్కర్లు కొడుతున్నాయి. ఇందులో ఎంత వరకు నిజం ఉంది?ఎవరు కన్ఫమ్‌ అయ్యారనేది మాత్రం సస్పెన్స్. దీనిపై టీమ్‌ క్లారిటీ ఇవ్వాల్సి ఉంది.  వినిపిస్తున్న పేర్లలో ఎక్కువగా కన్నడ, మలయాళానికి చెందిన వారే ఉండటం గమనార్హం. 

ఇక ప్రస్తుతం ఎన్టీఆర్‌.. బాలీవుడ్‌లోకి ఎంట్రీ ఇస్తూ `వార్‌ 2` చిత్రంలో నటిస్తున్న విషయం తెలిసిందే. అయాన్‌ ముఖర్జీ దర్శకత్వం వహిస్తున్న ఈ మూవీలో హృతిక్‌ రోషన్‌ మరో హీరోగా నటిస్తున్నారు. యాక్షన్‌ స్పై థ్రిల్లర్‌గా ఈ మూవీ రూపొందుతుంది. ఈ షూటింగ్‌ పూర్తయిన తర్వాత ప్రశాంత్‌ నీల్‌ మూవీలో పాల్గొంటారు తారక్‌. అయితే అది ఈ ఫిబ్రవరి నుంచే అని టాక్‌.