మెగా డాటర్‌ నిహారిక ఇంట్లో గొడవ రోడ్డున పడింది. ప్రస్తుతం టాలీవుడ్‌లో హాట్‌ టాపిక్‌ అవుతుంది. నిహారిక భర్త చైతన్య చేసే న్యూసెన్స్ పోలీస్‌ స్టేషన్‌ వరకు వెళ్లింది. ఈ న్యూస్‌ తెలుగు రాష్ట్రాల్లో హల్‌చల్‌ చేస్తుంది.
నటుడు నాగబాబు కుమార్తె, నటి నిహారిక వివాహం గతేడాది డిసెంబర్‌లో గుంటూరుకి చెందిన ఐటీ ప్రభాకర్‌రావు కుమారుడు చైతన్య జొన్నలగడ్డతో రాజస్థాన్‌లోని ఉదయపూర్‌ ఉదయ్ విలాస్‌ వివాహం అంగరంగ వైభవంగా జరిగింది. ఈ పెళ్లి వేడుకల్లో మెగా కుటుంబంతో పాటు సన్నిహితులు, పలువురు సినీ ప్రముఖులు హాజరయ్యారు.
నిహారిక పెళ్లికి ముందు పలు సినిమాలతో పాటు బుల్లితెరపై యాంకర్‌గానూ మెరిసింది. తాను నటించిన సినిమాలన్నీ ఆశించినంత ఫలితాన్ని ఇవ్వకపోవడంతో పెళ్లి చేసుకొని సెటిల్ అయింది. పెళ్లి తర్వాత కూడా వెబ్‌ సిరీస్‌లు నిర్మించే పనిలో ఉంది. ప్రస్తుతం ఈ పనులు జరుగుతున్నాయి.
తాజాగా నిహారిక- చైతన్య నివసిస్తున్న అపార్ట్ మెంట్ గొడవ దుమారం రేపుతుంది. చైతన్య అర్థరాత్రి రోజూ చేస్తున్న న్యూసెన్స్ కారణంగా అపార్ట్ మెంట్ వాసులు బంజరాహిల్స్ పోలీస్‌ స్టేషన్‌లో గురువారం ఫిర్యాదు చేశారు. దీంతో చైతన్య సైతం అపార్ట్ మెంట్ వాసులపై ఫిర్యాదు చేశారు. ఇరు వర్గాల ఫిర్యాదులు స్వీకరించిన పోలీసులు విచారణ చేపట్టాయి.
అయితే నిహారిక, చైతన్య ప్రముఖుల ఫ్యామిలీకి చెందిన వాళ్లు కావడంతో ఇష్యూ పెద్దది కాకుండా ఉండేందుకు పోలీసులు చర్యలు చేపట్టారు. ఇరు వర్గాలను పిలిపించి మాట్లాడారు. వారికి కౌన్సిలింగ్‌ ఇచ్చి ఇద్దరి మధ్య రాజీ కుదిర్చినట్టు వార్తలొస్తున్నాయి. దీంతో ఈ సమస్య క్లోజ్‌ అయ్యిందని తెలుస్తుంది.
అయితే చైతన్య చేసే న్యూసెన్స్ ఏంటి? అపార్ట్ మెంట్ వాసులతో ఆయనకు గొడవేంటి? అర్థరాత్రి సమయంలో చేసే రచ్చేంటనేది ఇప్పుడు అందరిలోనూ ఆసక్తిని, సస్పెన్స్ ని క్రియేట్‌ చేస్తుంది. తాజాగా దీనికి సంబంధించిన ఓ ఆసక్తికర విషయం ఇప్పుడు నెట్టింట వైరల్‌ అవుతుంది.
ప్రతి రోజు నిహారిక భర్త చైతన్య తన ఫ్లాట్‌కి యువకులను తీసుకొచ్చుకుని అర్థరాత్రి వరకు మద్యం సేవించి నానా హంగామా చేస్తుంటారట. వీరి గోల మరీ మితిమీరిపోయిందని, దాన్ని భరించలేక ఇన్నాళ్లు ఓపిక పట్టిన అపార్ట్ మెంట్ వాసులు ఆయనతో వాగ్వాదానికి కూడా దిగారట. ఈ గొడవ తీవ్ర స్థాయిలో జరిగిందని, దీంతో అపార్ట్ మెంట్ వాసులు చైతన్యపై పోలీసులకు ఫిర్యాదు చేసినట్టు తెలుస్తుంది.
మరి ఇందులో నిజమెంతా అనేది తెలియాల్సి ఉంది. కానీ నిహారిక భర్త చైతన్య ఇలా ఫ్రెండ్స్ తో రాత్రి సమయంలో డ్రింక్‌ తీసుకుంటూ ఇలా రచ్చ చేస్తున్నారనే విషయం మాత్రం వివాదాస్పదంగా మారింది. వారి ఇమేజ్‌ని డ్యామేజ్‌ చేస్తుంది. దీనిపై నిహారిక ఫ్యామిలీ ఎలా స్పందిస్తుందో చూడాలి. ఈ సమస్య ఇంతటితో క్లోజ్‌ అవుతుందా? మున్ముందు మళ్లీ రిపీట్‌ అవుతుందా? అనేది కూడా ఆసక్తికరంగా మారింది.