Kanguva: తమిళ స్టార్ హీర్ సూర్య నటించిన కంగువా సినిమా నవంబర్ 14న విడుదల కానుంది. అయితే సినిమా కొత్త చిక్కులో పడింది. దీంతో అనుకున్న టైమ్ రిలీజ్ అవుతుందా? అనే చర్చ మొదలైంది.
తమిళ స్టార్ సూర్య నటించిన ప్రతిష్టాత్మక యాక్షన్ ఫాంటసీ డ్రామా, భారీ బడ్జెట్ మూవీ కంగువకు కొత్త కష్టాలు వచ్చిపడ్డాయి. ఈ మూవీ కోసం సినీ లవర్స్ ఎంతగానో ఎదురుచూస్తున్నారు. ఇదే క్రమంలో మరో ట్రైలర్ ను ఆదివారం రాత్రి విడుదల చేయగా సూపర్ రెస్పాన్స్ వస్తోంది.
ట్రైలర్ అభిమానులు, సినీ ప్రేక్షకులలో సంచలనం సృష్టించింది. థ్రిల్లింగ్ సినిమాటిక్ జర్నీలో ప్రేక్షకులను తీసుకెళ్తానని హామీ ఇచ్చే ద్విపాత్రాభినయంలో సూర్యను చూపుతూ సాగిన ట్రైలర్ అంచనాలను మరింతగా పెంచింది.
సూర్య నటించిన కంగువా సినిమా ప్రకటించినప్పటి నుంచి భారీ అంచనాలు ఉన్నాయి. ట్రైలర్లు మరింత హైప్ ను పెంచాయి. దర్శకుడు శిరుతై శివ ఇప్పటికే అజిత్, రజినీకాంత్ లాంటి స్టార్లతో పనిచేసి సూపర్ హిట్ గుర్తింపు సాధించాడు. సూర్యతో మొదటిసారి కలిసి స్టూడియో గ్రీన్ పతాకంపై జ్ఞానవేల్ రాజా కంగువ సినిమాను నిర్మించారు. కంగువ బడ్జెట్ 300 కోట్లుకు పైనే.
ఈ చిత్రంలో సూర్యతో పాటు నట్టి నటరాజ్, బాలీవుడ్ నటుడు బాబీ డియోల్, నటి దిశా పటాని, నటుడు కరుణాస్ వంటి భారీ తారాగణం నటించింది. ఈ చిత్రానికి దేవి శ్రీ ప్రసాద్ సంగీతం అందించారు.
కంగువాలో సూర్య ద్విపాత్రాభినయం చేశారు. కంగువా అనేది పాతకాలం పేరు, ఫ్రాన్సిస్ అనేది కొత్తకాలం పేరు. ఫ్రాన్సిస్ పాత్ర అరగంటే ఉంటుందనీ, మిగతా రెండు గంటలు చారిత్రక కథగా ఉండనుందని సినీ వర్గాల టాక్.
ఈ సినిమాను పూర్తిగా చూసిన గీత రచయిత మదన్ కార్కి తన మొదటి రివ్యూని ఇచ్చారు. డబ్బింగ్ చేసేటప్పుడు చూసిన దానికంటే ప్రతి సీన్ తెరపై వంద రెట్లు బాగుంటుందనీ, ప్రతిసారి చూసినప్పుడు దాని ప్రభావం పెరుగుతూనే ఉందని పేర్కొన్నాడు.
గంగువ చిత్రం తమిళం, తెలుగు, హిందీ, మలయాళం, కన్నడ భాషలతో సహా 10కి పైగా భాషల్లో విడుదకానుంది. ఈ సినిమా విడుదల దగ్గర పడుతుండటంతో నటుడు సూర్య ప్రమోషన్స్‌లో బిజీగా ఉన్నాడు. తమిళనాడు మాత్రమే కాదు, కర్ణాటక, ఆంధ్రప్రదేశ్, తెలంగాణ, కేరళ, మహారాష్ట్ర, ఢిల్లీ వంటి వివిధ రాష్ట్రాల్లో సూర్య నాన్‌స్టాప్‌గా ప్రమోట్ చేస్తున్నాడు.
అయితే, రిలీజ్ కి మూడు రోజుల ముందు కంగువా కొత్త చిక్కులో పడింది. 75-25 షేరింగ్ కి థియేటర్ యజమానులు ఒప్పుకోలేదు. దీంతో టికెట్ల అమ్మకాలు ఆగిపోయాయి. ఈ సమస్య బుధవారం వరకూ ఉంటుందనీ, వసూళ్లపై ప్రభావం చూపుతుందని అంటున్నారు. శివకార్తికేయన్ అమరన్ సినిమా బాగా ఆడుతుండటంతో కంగువాకి థియేటర్లు దొరుకుతాయా అనేది సందేహమే. సూర్య కంగువాకు థియేటర్ కష్టాలు రావడంతో అనుకున్న టైమ్ సినిమా రిలీజ్ అవుతుందా? అనే చర్చ మొదలైంది.
సూర్య కంగువ ను నవంబర్ 14న సిల్వర్ స్క్రీన్ పై కనిపించనుంది. ముందుగా ఈ చిత్రాన్ని అక్టోబర్ 10న రజనీకాంత్ వేట్టైయాన్‌తో పాటు విడుదల చేయాలని నిర్ణయించారు. అయితే థియేటర్ల గొడవ జరగకుండా ఉండేందుకు కంగువ నిర్మాతలు విడుదలను వాయిదా వేశారు. నవంబర్ 14న తమిళనాడులో సోలోగా విడుదల కానుంది. ఈ చిత్రం ప్రపంచవ్యాప్తంగా 11,000 స్క్రీన్లలో, తమిళం, మలయాళం, తెలుగు, కన్నడ, హిందీ, ఇంగ్లీష్, ఫ్రెంచ్, స్పానిష్ సహా 10 భాషల్లో విడుదల కానుంది.
ఈ చిత్రం U/A సెన్సార్ సర్టిఫికేట్ ను అందుకుంది. దీంతో పిల్లలు, పెద్దలు సహా కుటుంబం మొత్తం కలిసి చూడవచ్చు. సూర్య నటన గురించి ప్రత్యేకంగా చెప్పాల్సిన పనిలేదు. ఎందుకంటే ఇప్పటికే విభిన్న పాత్రల్లో తనదైన నటనతో ప్రత్యేక గుర్తింపు సాధించారు. మరోసారి కంగువ సినిమాతో వెండితెరమై సూర్య నటవిశ్వరూపాన్ని చూడవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి