ఈవారం ఓటీటీ చిత్రాలు, వెబ్ సిరీస్ లు..మజా ఇచ్చే యాక్షన్ థ్రిల్లర్స్ రెడీ, నితిన్ కష్టానికి మరో ఛాన్స్

నితిన్ తమ్ముడు చిత్రంతో పాటు మరికొన్ని హాలీవుడ్ థ్రిల్లర్ చిత్రాలు, వెబ్ సిరీస్ లు ఈవారం ఓటీటీలో రిలీజ్ కానున్నాయి. 

ఈ వారం ఓటీటీ చిత్రాలు, వెబ్ సిరీస్ లు

ఈ వారం ఓటీటీ ప్లాట్‌ఫామ్స్‌పై ప్రేక్షకులను అలరించేందుకు పలు ఆసక్తికర సినిమాలు, వెబ్ సిరీస్‌లు సిద్ధంగా ఉన్నాయి. నెట్‌ఫ్లిక్స్, జియో హాట్‌స్టార్, ప్రైమ్ వీడియో, జీ 5, సోనీ లివ్ లాంటి ప్రముఖ స్ట్రీమింగ్ ప్లాట్‌ఫామ్స్‌ కొత్త చిత్రాలు, సిరీస్ లు స్ట్రీమింగ్ కానున్నాయి. థ్రిల్లర్, డ్రామా, యాక్షన్, మిస్టరీ, కామెడీ, ఫ్యామిలీ డ్రామాలు ఇలా వివిధ జోనర్లకు చెందిన కంటెంట్ ఓటీటీ ప్రియులకు వినోదం అందించనుంది. ఈ వారం ఓటీటీ లో విడుదలయ్యే సినిమాలు, సిరీస్ ల వివరాలు ఇప్పుడు చూద్దాం. 

నెట్‌ఫ్లిక్స్‌ లో రిలీజ్ కానున్నవి

తమ్ముడు(Thammudu)

నితిన్, లయ, వర్ష బొల్లమ్మ, సప్తమి గౌడ ప్రధాన పాత్రల్లో నటించిన ఈ యాక్షన్ అడ్వెంచర్ మూవీ థియేటర్లలో విడుదలై నిరాశపరిచింది. ఒక తమ్ముడు తన అక్కకి ఇచ్చిన మాటని ఎలా నిలబెట్టుకున్నాడు అనేది ఈ చిత్ర కథ. నితిన్ కష్టపడి ఈ చిత్రం కోసం వర్క్ చేసినా ఫలితం దక్కలేదు. అయితే ప్రేక్షకులని ఆకట్టుకునేందుకు తమ్ముడు చిత్రానికి ఓటీటీ రూపంలో మరో అవకాశం దక్కింది. 

రిలీజ్ తేదీ: ఆగస్టు 1

బియాండ్ ది బార్ (Beyond The Bar)

ఒక న్యాయవాది తన న్యాయ వ్యవస్థలోని విలువల కోసం పోరాడుతూ, తన మెంటార్‌కి ఎదురయ్యే సవాళ్లను ఎలా ఎదుర్కొన్నాడో చూపే కొరియన్ డ్రామా సిరీస్ ఇది.

రిలీజ్ తేదీ: ఆగస్టు 2

జియో హాట్‌స్టార్ లో రిలీజ్ కానున్నవి

అడ్డా ఎక్స్‌ట్రీమ్ బ్యాటిల్ (Adda Extreme Battle)

ఎల్విష్ యాదవ్ హోస్ట్‌గా చేస్తున్న ఈ రియాలిటీ షోలో సెలబ్రిటీలు, ఇన్‌ఫ్లుయెన్సర్లు పాల్గొని సందడి చేయనున్నారు. వివిధ గేమ్స్, టాస్క్ లతో ఈ షో ఉత్కంఠభరితంగా ఉంటుంది. 

రిలీజ్ తేదీ: జూలై 28

బ్లాక్ బ్యాగ్ (Black Bag)

స్టీవెన్ సోడర్‌బర్గ్ దర్శకత్వంలో తెరకెక్కిన స్పై థ్రిల్లర్ చిత్రం ఇది. దేశ ద్రోహం కేసులో అనుమానితురాలైన భార్యపై నమ్మకమా? లేక దేశ భద్రతపై విధేయతా? అనే రెండు అంశాల మధ్య నలిగే జార్జ్ వుడ్‌హౌస్ కథగా ఈ చిత్రం రూపొందింది. మైఖేల్ ఫాస్‌బెండర్, కేట్ బ్లాంచెట్, నావోమీ హ్యారిస్ ప్రధాన పాత్రల్లో నటించారు. రిలీజ్ తేదీ: జూలై 28

క్యూకీ సాస్ భీ కభీ బహు థీ సీజన్ 2 (Kyunki Saas Bhi Kabhi Bahu Thi Season 2)

రాజకీయ నాయకురాలు, మాజీ కేంద్ర మంత్రి స్మృతి ఇరానీ మళ్లీ తులసి విరాణీగా ఈ సీజన్‌లో కనపించనున్నారు. ఆధునిక తరం పిల్లలతో బంధాలు ఎలా ఎదుర్కొనాలో తులసి ఎలా నేర్పుతుందనేది ఈ సిరీస్ కథ.

రిలీజ్ తేదీ: జూలై 29

పతి పత్నీ ఔర్ పంగా (Pati Patni Aur Panga)

జంటలు ఒకరికొకరు వినోదభరితమైన సవాళ్లు విసురుతూ తమ బంధాన్ని పరీక్షించుకునే ఎంటర్టైనింగ్ రియాలిటీ షో ఇది.

రిలీజ్ తేదీ: ఆగస్టు 2

ప్రైమ్ వీడియోలో రిలీజ్ కానున్నవి

హౌస్‌ఫుల్ 5 (Housefull 5)

హౌస్ ఫుల్ ప్రాంఛైజీలో వచ్చిన మరో చితం హౌస్ ఫుల్ 5. అక్షయ్ కుమార్, అభిషేక్ బచ్చన్, ఫర్దీన్ ఖాన్, నానా పాటేకర్, రితేష్ దేశ్‌ముఖ్, చిత్రాంగదా సింగ్ తదితరులు కీలక పాత్రల్లో నటించారు. 

రిలీజ్ తేదీ: ఆగస్టు 1

ZEE5 లో రిలీజ్ కానున్నవి

బకాయితీ (Bakaiti)

ఓ పాత కాలం గాజియాబాద్ నేపథ్యములో నడిచే ఈ హృద్యమైన ఫ్యామిలీ డ్రామా. ఆర్థిక ఇబ్బందులతో బాధపడే కటారియా కుటుంబంలో జరిగే సంఘర్షణల చుట్టూ ఈ సిరీస్ కథ తిరుగుతుంది.

రిలీజ్ తేదీ: ఆగస్టు 1

సోనీ లివ్ లో రిలీజ్ కానున్నవి

ట్విస్టెడ్ మెటల్ సీజన్ 2 (Twisted Metal Season 2)

వీడియో గేమ్ ఆధారంగా రూపొందిన ఈ యాక్షన్ సిరీస్‌లో ఓ డెజర్ట్ మిల్క్‌మ్యాన్ తన జీవితం కోసం పోరాడతాడు. డేంజరస్ వెహికల్స్, పోటీలు, జీవన పోరాటం అన్నీ ఇందులో ఉంటాయి.

రిలీజ్ తేదీ: ఆగస్టు 1