Ennenno Janmala Bandham: యష్ ను ఇరకాటంలో పెట్టిన వసంత్.. అభిని కాపాడిన నీలాంబరి ఎవరు?

Ennenno Janmala Bandham: స్టార్ మాలో ప్రసారమవుతున్న ఎన్నెన్నో జన్మల బంధం సీరియల్ మంచి కంటెంట్ తో మంచి రేటింగ్ ని సంపాదించుకుంటుంది. పెళ్లి చేసుకునే వాడిని కాదని మరొక వ్యక్తితో వెళ్లిపోయి జీవితం నాశనం చేసుకున్న ఒక ఆడదాని కథ ఈ సీరియల్. ఇక ఈరోజు మే 25 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో పూలని ఏమి చెయ్యొద్దు అంటాడు యష్. చూశారా.. మీరు మా ఆయనని ఎంత ఇబ్బంది పెట్టినా ఆయన మిమ్మల్ని ఏమీ అనొద్దు అంటున్నారు అలాంటి మంచి మనిషిని మీరు ఇబ్బంది పెట్టారు అని పూలతో మాట్లాడుతుంది వేద. ఆ మాటలకి నవ్వుకుంటాడు యష్. నీలో మంచి కవి దాగి ఉంది ఏది నా మీద మంచి కవిత్వం చెప్పు అంటాడు.

సిగ్గుపడుతూ కవిత్వం చెప్తుంది వేద. ఇద్దరూ కాసేపు నవ్వుకుంటారు. ఆ తరువాత మాలిని వాళ్ళు వసంత్ దంపతులకు బట్టలు పెడతారు. సర్ప్రైజ్ గిఫ్ట్ అంటూ వసంత్ చేతిలో పేపర్స్ పెడతాడు యష్. ఏంటది అని అందరూ ఆశ్చర్యంగా అడుగుతారు. ఏమీ లేదు వసంత్ వాళ్ళని మన కంపెనీ షేర్ హోల్డర్స్ ని చేస్తూ కొన్ని షేర్స్ వాళ్ల పేరు మీద మార్చాను అంటాడు యష్.

ఎందుకు యష్ ఇదంతా.. చూపిస్తున్న అభిమానం చాలదనా మళ్లీ ఆస్తులు ఇస్తున్నావు అంటాడు వసంత్. అదేమీ కాదు వసంత్.. ఎప్పటినుంచో ఇద్దాం అనుకుంటున్నాను కానీ మంచి అకేషన్ కోసం వెయిట్ చేశాను. అందుకే ఇప్పుడు ఇస్తున్నాను అంటాడు యష్. నాది కూడా ఒక సర్ప్రైజ్ గిఫ్ట్ అంటూ చిత్ర చేతిలో కవర్ పెడుతుంది వేద. ఏంటది అని అందరూ అడుగుతారు.

వాళ్ళిద్దరు హనీమూన్ కి ఫ్లైట్ టికెట్స్ అంటుంది వేద. ఏదో గుర్తొచ్చిన వాడిలాగా వసంత్ యష్ ని పక్కకు తీసుకువెళ్లి నిన్నకాక మొన్న పెళ్లి అయిన మా హనీమూన్ గురించి మాట్లాడుతున్నారు కానీ ఎప్పుడో పెళ్లయిన మీ హనీమూన్ గురించి మాట్లాడట్లేదు ముందు మీరు ప్లాన్ చేయండి ఆ తరువాతే మేము అంటాడు వసంత్. ఆ మాటలకి సిగ్గు పడిపోతాడు యష్. నేను ప్లాన్ చేస్తాలే కానీ వేదకి చెప్పకు అంటాడు.

సరే ఎవరికి చెప్పను అంటూ మళ్ళీ అందరి దగ్గరికి వస్తారు. ఏం మాట్లాడుకున్నారు అని అందరూ అడుగుతారు. ఏం లేదు అంటూ మాట దాట వేస్తారు ఇద్దరూ. సీన్ కట్ చేస్తే భ్రమరాంబిక తన తమ్ముడిని విడిపించడం కోసం లాయర్ ని ఏర్పాటు చేస్తుంది. కానీ అతని ప్రయత్నం విఫలం కావడంతో నా వల్ల కాదంటూ చేతులెత్తేస్తాడు. ఏం చేస్తే మా తమ్ముడు బయటకు వస్తాడు అంటూ ఆలోచనలో పడుతుంది భ్రమరాంబిక. ఇంతలో ఒక కారు తన పక్కన ఆగుతుంది.

అందులోంచి లాయర్ దిగి మీతో నీలాంబరి గారు మాట్లాడతారంట మీ తమ్ముడిని విడిపిస్తారట అని చెప్తాడు. ఆవిడ ఎవరు? అయినా మా తమ్ముడిని విడిపించడమేమిటి అంటూ ఆశ్చర్య పోతుంది. మళ్లీ తనే సర్దుకొని ఎవరైతే ఏంటి నా తమ్ముడు బయటికి రావడం ముఖ్యం అనుకుంటూ నీలాంబరి దగ్గరికి వెళ్లి మాట్లాడుతుంది. ఇద్దరూ కలిసి అభిని విడుదల చేయిస్తారు.

నన్ను బయటకు తీసుకొచ్చినందుకు థాంక్స్ అక్క అంటాడు అభి. తీసుకొచ్చింది నేను కాదు అంటూ నీలాంబరిని చూపిస్తుంది భ్రమరాంబిక. ఉత్తి థాంక్స్ సరిపోదు నాకు కావలసింది ఇవ్వండి అంటుంది నీలాంబరి. ఏంటది అంటాడు అభి. ఏదైతేనేమి మనల్ని కాపాడింది కదా అలాంటామెకి ఏమిచ్చినా తక్కువే అంటుంది భ్రమరాంబిక. మరోవైపు హనీమూన్ కి బయలుదేరుతారు వసంత్ దంపతులు.

వసంత్ యష్ ని పక్కకు తీసుకువెళ్లి మీ కోసం రూమ్ బుక్ చేశాను అంటూ రిసిప్ట్ ఇస్తాడు. కంగారుగా దాన్ని జేబులో పెట్టేస్తాడు యష్. ఏంటది అని అందరూ అడుగుతారు కానీ అబద్ధం చెప్తారు ఇద్దరూ. వసంత్ వాళ్ళు హనీమూన్ కి వెళ్ళిపోతారు. ఇక పేపర్ నాకు ఇవ్వండి అంటుంది వేద. వద్దు ఆఫీసుకు సంబంధించింది కదా నేను చూసుకుంటాను అని మాట దాటవేస్తాడు యష్. ఆ తర్వాత వేద ని గుడికి తీసుకెళ్తాను అని సులోచన, షాపింగ్ తీసుకెళ్తాను అని మాలిని, హాస్పిటల్ కి తీసుకు వెళ్తాను అని రత్నం ముగ్గురు గొడవ పడతారు. 

 వీళ్ళ కాంపిటీషన్తో నేను తనని బయటికి తీసుకెళ్లలేను అనుకుంటాడు యష్. ఇంతలో ఖుషి వచ్చి అమ్మ మీ ఎవరితోని రాదు అంటూ వేద దగ్గరికి వెళ్లి నీకు నాలుగు ఆప్షన్స్ ఇస్తున్నాను అందులో ఒకటి సెలెక్ట్ చేసుకో అంటుంది. ఏంటది అని అడుగుతుంది వేద. మాలిని వాళ్ళ గొడవ గురించి చెప్తుంది ఖుషి. నాన్న మాత్రం నిన్ను పార్కు తీసుకు వెళ్లాలనుకుంటున్నాడు అంటుంది. తరువాయి భాగంలో పెళ్లి చేసుకుని వచ్చిన అభి ని చూసి షాకైపోతుంది మాళవిక.