హీరో నారా రోహిత్ త్వరలో ఓ ఇంటివాడు కాబోతున్నాడు. ఎట్టకేలకు నాలుగు పదుల వయసులో పెళ్లి పీటలు ఎక్కేందుకు రోహిత్ అంగీకరించాడు. ఏపీ ముఖ్యమంత్రి చంద్రబాబు తమ్ముడు కొడుకే నారా రోహిత్.
హీరో నారా రోహిత్ త్వరలో ఓ ఇంటివాడు కాబోతున్నాడు. ఎట్టకేలకు నాలుగు పదుల వయసులో పెళ్లి పీటలు ఎక్కేందుకు రోహిత్ అంగీకరించాడు. ఏపీ ముఖ్యమంత్రి చంద్రబాబు తమ్ముడు కొడుకే నారా రోహిత్. చాలా కాలంగా సినిమాల్లో ఉంటున్నాడు రోహిత్. ఇటీవల గ్యాప్ తీసుకుని ప్రతినిధి 2 చిత్రం చేశాడు. అయితే ఆ మూవీ ఆశించిన స్థాయిలో వర్కౌట్ కాలేదు.
ఇదిలా ఉండగా నారా రోహిత్ ఎంగేజ్మెంట్ డేట్ ఫిక్స్ అయినట్లు విశ్వసనీయ వర్గాల సమాచారం. అక్టోబర్ 13న నారా రోహిత్ ఎంగేజ్మెంట్ జరగబోతున్నట్లు తెలుస్తోంది. నారా రోహిత్ కి కాబోయే భార్య ఎవరో కాదు ప్రతినిధి 2 చిత్రంలో హీరోయిన్ గా నటించిన సిరి లేళ్ల అంటూ ప్రచారం జరుగుతోంది.
అయితే ఇది పెద్దలు కుదిర్చిన వివాహం అంటూ కూడా వార్తలు వస్తున్నాయి. నారా ఫ్యామిలీ నుంచి ఎలాంటి ప్రకటన రాలేదు కానీ.. నిశ్చితార్థానికి ఏర్పాట్లు జరుగుతున్నాయట. ఈ సంబంధం కుదరడంతో చంద్రబాబు సతీమణి నారా భువనేశ్వరి కీలక పాత్ర వహించినట్లు కూడా ప్రచారం జరుగుతోంది.
హైదరాబాద్ లో గ్రాండ్ గా జరిగే నిశ్చితార్థానికి చంద్రబాబు ఫ్యామిలీ, నందమూరి బాలకృష్ణ ఫ్యామిలీ హాజరవుతాయట. ప్రస్తుతం నారా రోహిత్ సుందరకాండ అనే చిత్రంలో నటిస్తున్నాడు. ఈ చిత్రం త్వరలో రిలీజ్ కి సిద్ధం అవుతోంది. ఇటీవల టీజర్ కూడా విడుదలయింది.