నితిన్ సినిమా చూసి నారా లోకేష్ ని హీరో చేయాలనుకున్నారా.. అదే టైంలో ఎన్టీఆర్..

ప్రస్తుత తమిళనాడు ముఖ్యమంత్రి స్టాలిన్ కుమారుడు ఉదయనిధి స్టాలిన్ హీరోగా రాణిస్తున్నారు. కర్ణాటక మాజీ సీఎం కుమారస్వామి తనయుడు నిఖిల్ గౌడ కూడా హీరోగా మారాడు. 

దశాబ్దాల నుంచి సినిమాకు, రాజకీయాలకు బలమైన కనెక్షన్ ఉంది. వెండితెర వేల్పులుగా వెలిగిన ఎన్టీఆర్, ఎంజీఆర్, జయలలిత లాంటి వారంతా రాజకీయాల్లో సైతం జయకేతనం ఎగురవేశారు. చిరంజీవి, కమల్ హాసన్ పాలిటిక్స్ ని టచ్ చేశారు. ప్రముఖ రాజకీయ నేతల వారసులు సినిమాల్లోకి ఎంట్రీ ఇచ్చిన సంగతి తెలిసిందే. 

ప్రస్తుత తమిళనాడు ముఖ్యమంత్రి స్టాలిన్ కుమారుడు ఉదయనిధి స్టాలిన్ హీరోగా రాణిస్తున్నారు. కర్ణాటక మాజీ సీఎం కుమారస్వామి తనయుడు నిఖిల్ గౌడ కూడా హీరోగా మారాడు. 

ప్రస్తుతం రాజకీయంగా పోరాటం చేస్తున్న మాజీ సీఎం చంద్రబాబు తనయుడు నారా లోకేష్ కూడా వెండితెరపై మెరవాల్సింది. కానీ ఆ ఛాన్స్ మిస్ అయింది. లోకేష్ ని హీరో చేసేందుకు అప్పట్లో ప్రయత్నాలు జరిగిన సంగతి చాలా తక్కువమందికే తెలిసి ఉంటుంది. 

అప్పట్లో నారా లోకేష్ వెండితెర ఎంట్రీ గురించి మీడియాలో వార్తలు కూడా వచ్చాయి. ప్రస్తుతం ఈ న్యూస్ మరోసారి వైరల్ గా మారింది. ఎర్లీ 2000లో నారా లోకేష్ 17,18 ఏళ్ల టీనేజ్ యువకుడు. ఆ టైంలో ప్రేమ కథల జోరు టాలీవుడ్ లో ఎక్కువగా ఉంది. 

నితిన్ హీరోగా తేజ దర్శకత్వంలో తెరకెక్కిన జయం చిత్రం బ్లాక్ బస్టర్ హిట్. ఆ టైంలోనే లోకేష్ ని హీరోగా పరిచయం చేయాలని చంద్రబాబు మనసులో ఆలోచన వచ్చిందట. తేజని దర్శకుడిగా కూడా అనుకున్నారు. ఈ మేరకు 'ముఖ్యమంత్రి తనయుడు హీరోగా తేజ చిత్రం' అంటూ పత్రికల్లో కథనాలు వెలువడ్డాయి. 

కానీ చంద్రబాబు ఆ ఆలోచనని ఆచరణలో పెట్టలేదు. చివరకు లోకేష్ రాజకీయాలకు మాత్రమే పరిమితం అయ్యారు. అదే సమయంలో ఎన్టీఆర్ టాలీవుడ్ లోకి ఎంట్రీ ఇచ్చిన సంగతి తెలిసిందే. లోకేష్, జూ.ఎన్టీఆర్ ఇద్దరూ సమ వయస్కులు. పైగా ఒకే కుటుంబ నేపథ్యం. అలాంటిది లోకేష్ కూడా సినిమాల్లోకి ఎంట్రీ ఇచ్చి ఉంటే ఎలా ఉండేదో ఊహించుకోవచ్చు.