'దసరా' లో రామాయణ, మహాభారతాలు,ఏ సీన్స్ లో అంటే...

నాని తాజా చిత్రం  'దసరా'  లో కథ లేదంటూనే ... రామాయణ,మహాభారతాలతో పోలుస్తున్నారు. ఆ ఇతిహాస,పురాణాల్లోని అంశాలు కథలో ఉంటున్నాయంటున్నరు.. అదెలాగంటే..

నాని హీరోగా దర్శకుడు శ్రీకాంత్ ఓదెలా రూపొందించిన చిత్రం 'దసరా'.  సుధాకర్ చెరుకూరి నిర్మించిన ఈ సినిమా, భారీ అంచనాల మధ్య నిన్ననే థియేటర్స్ కి వచ్చింది. తొలి ఆటతోనే ఈ సినిమా పాజిటివ్ టాక్ ను సొంతం చేసుకుంది. ప్రపంచవ్యాప్తంగా ఐదు భాషల్లో విడుదలైన ఈ సినిమా, నిన్న ఒక్క రోజులోనే 38 కోట్లకి పైగా వసూళ్లను రాబట్టింది. ఇంతవరకూ తాను కనిపించిన దానికి భిన్నంగా .. తనకి గల క్రేజ్ కి భిన్నంగా ఈ సినిమాలో నాని కనిపించాడు. కీర్తి సురేశ్  హీరోయిన్ గా నటించిన ఈ సినిమాలో, దీక్షిత్ శెట్టి కీలకమైన పాత్రను పోషించాడు. ఇక ఈ చిత్రంలో కథ లేదంటూనే ... రామాయణ,మహాభారతాలో ఉన్న కొన్ని ఎలిమెంట్స్ ని తీసుకుని చేసారంటున్నారు.  అదెలాగంటే..

ఈ చిత్రంలో కథలో విలన్ ని  రావణాసుడుతో పోల్చి చూపిస్తారు. ఓ ఆడదానికి కోసం పది తలలు ఉన్న రావణాసురుడు కూడా ఒక్క తల ఉన్న శ్రీరాముడు చేతిలో చచ్చిపోయాడు అనే డైలాగు చెప్పిస్తారు సముద్ర ఖని చేత... విలన్ ని ఉద్దేశించి. అలాగే విలన్ పాత్ర సైతం హీరోయిన్ ని కబలించాలని ఎత్తులు వేస్తూ హీరోని ఇబ్బందులు పెట్టేదే. చివర్లో హీరో చేతిలో చనిపోయేదే.  కాబట్టి ఈ స్టోరీ లైన్ ఓవరాల్ గా రామాయణం  పోలి ఉందంటున్నారు.

Dasara Deekshith shetty

అలాగే ఈ చిత్రం క్లైమాక్స్ లో మహాభారతంలోని ఆయుధాలు జమ్మి చెట్టు దగ్గర దాచే సీన్ ని గుర్తు చేస్తారు. హీరో తమ టీమ్ ఆయుధాలు అన్నిటినీ ఊరు చివర దాస్తాడు. విలన్ మనుష్యులతో తలపడేటప్పుడు ఆ ఆయుధాలను బయిటకు తీస్తారు. ఆ విధంగా ఆ క్లైమాక్స్ ఘట్టం మహా భారతం ను గుర్తు చేస్తుంది. ఆ సీన్ బాగా పండింది.

ఇలా రామాయణ, మహాభారతాల నుంచి తీసుకున్న ఈ కథ ,సన్నివేశాలు జనాలను ఓ రేంజిలో ఆకట్టుకుంటున్నాయి. జనాలు థియేటర్స్ దగ్గర క్యూలు కడుతున్నారు. సినిమాకు ఓ రేంజిలో ఓపినింగ్స్ వచ్చాయి. ఫస్ట్ డే కలెక్షన్స్ సైతం మతిపోయేలా వచ్చాయి. 

ఇక నానీ ఇంట్రడక్షన్ .. ఇంటర్వెల్ బ్యాంగ్ .. క్లైమాక్స్ ఫైట్ ఈ సినిమా హైలైట్స్ లో కనిపిస్తాయి. దగ్గర్లో పెద్ద సినిమాలేం లేకపోవడం 'దసరా'కి మరింత కలిసొచ్చే అంశం. ప్రపంచవ్యాప్తంగా ఐదు భాషల్లో విడుదలైన ఈ సినిమా, నిన్న ఒక్క రోజులోనే 38 కోట్లకి పైగా వసూళ్లను రాబట్టింది.  ఈ విషయాన్ని తెలియజేస్తూ ఈ సినిమా టీమ్ అధికారిక పోస్టర్ ను రిలీజ్ చేసింది. వీకెండ్ ముగిసే నాటికి ఈ సినిమా 100 కోట్ల క్లబ్ లోకి చేరిపోతుందేమో చూడాలి. 

ఇక నాని ఇంతవరకూ యూత్ తో పాటు ఫ్యామిలీ ఆడియన్స్ ను ఆకట్టుకునే కథలను .. పాత్రలను చేస్తూ వచ్చాడు. మాస్ టచ్ ఉన్న పాత్రలను కూడా చేశాడుగానీ, ఆ పాత్రలపై ఆ ప్రభావం పరిమితిగానే ఉండేది. ఈ సారి అలా కాకుండా ఫస్టు ఫ్రేమ్ నుంచి చివరివరకూ పూర్తి మాస్ లుక్ తో ఆయన చేసిన సినిమానే 'దసరా'. ఆయన కెరియర్లో ఫస్టు పాన్ ఇండియా సినిమా ఇదే. అలాంటి ఈ సినిమా ఈ రోజునే థియేటర్లకు వచ్చింది. తన ఇమేజ్ కి భిన్నంగా నాని చేసిన ఈ సినిమా ఓ రేంజిలో  ప్రేక్షకులను మెప్పించింది.

కథ ప్రధానంగా నాని .. కీర్తి సురేశ్ .. దీక్షిత్ చుట్టూ తిరుగుతుంది. రెండో వరుసలో సముద్రఖని .. పూర్ణ .. షైన్ టామ్ చాకో కనిపిస్తారు. ఈ సినిమాకి వెళ్లాడనికి ముందు వరకూ ఇది బొగ్గు గనుల నేపథ్యంలోని ఒక ఊరు .. అక్కడి పెత్తందారితనం .. దానిని హీరో ఎదిరించే తీరు అనుకుంటారు. కానీ అందుకు పూర్తి భిన్నంగా ఈ కథ నడుస్తుంది. స్నేహం .. ప్రేమ .. ప్రతీకారం అనే ఈ మూడు అంశాలను దసరా పండుగతో పాటు కలుపుకుంటూ కథా ముందుకు వెళుతుంది. 

ఈ సినిమా చూస్తున్నంత సేపు ధరణి పాత్ర తప్ప నాని ఎక్కడా కనిపించడు. కథా నేపథ్యంలో .. గ్రామీణ వాతావరణంలో ఇమిడిపోయాడు. ఇక కీర్తి సురేశ్ నటన నెక్స్ట్ లెవెల్లో కనిపిస్తుంది. పాట మధ్యలో ఆమె ఇంట్రడక్షన్ కొత్తగా అనిపిస్తుంది. గ్రామీణ ప్రాంతాల్లో పెళ్లి సంబరంలో పెళ్లి కూతురు కూడా మాస్ డాన్సులు చేయడం జరుగుతుంటుంది. అలా కీర్తి సురేశ్ వేసిన స్టెప్పులకి  విజిల్స్ వర్షం కురుస్తోంది.