దాసరి నారాయణరావు తాను దిగ్గజ దర్శకుడిగా, ఒక లెజెండరీగా ఎదిగారు. కానీ తన వారసులను మాత్రం నిలబెట్టలేకపోయారు. అయితే ఈ విషయంలో నాగార్జున చేసిన త్యాగం బూడిదలో పోసిన పన్నీరులా మారింది.
దర్శకరత్న దాసరి నారాయణరావు.. లెజెండరీ దర్శకుడిగా రాణించారు. ఆయన అత్యధిక సినిమాలు రూపొందించిన దర్శకుడిగా రికార్డు సృష్టించారు. అదే సమయంలో టాలీవుడ్లో ఇండస్ట్రీ పెద్దగా ఉన్నారు. చాలా మందిచేత గురువుగా కీర్తించబడ్డారు. ఇప్పుడు ఆయన మన మధ్య లేకపోయినా, ఆయన్ని గురువుగానే భావించే వాళ్లు చాలానే ఉన్నాయి. అయితే దాసరి ఎంత గొప్పగా ఎదిగినా, వాళ్ల పిల్లలు మాత్రం తన పేరుని చెడగొడుతున్నారనే కామెంట్ ఉంది. ఎవరూ ఇండస్ట్రీలో రాణించలేకపోయారు. దీనికితోడు ఆస్తుల కోసం గొడవలు పడి రోడ్డుమీదకు రావడంతో దాసరిగారి పరువు పోయినంత పని అయ్యింది.
24
కొడుకులను సెట్ చేయలేకపోయినా దాసరి
ఇదిలా ఉంటే తన పిల్లలు సరైన దారిలోకి రాకపోవడానికి దాసరి నారాయణరావు తప్పు కూడా ఉందని అంటుంటారు. ఆయన దర్శకుడిగా బిజీగా ఉండటంతో, పిల్లలకు టైమ్ ఇవ్వలేకపోయారని, వారిని సరైన దారిలో పెట్టలేకపోయారని పలువురు విశ్లేషకులు చెబుతుంటారు. పిల్లల్ని తన కంట్రోల్లో పెట్టుకొని, మంచి చెడు చెబితే బాగుండేదనేది చాలా మంది అభిప్రాయం. మొత్తంగా దాసరి, ఆయన భార్య మరణంతో వారి కుటుంబం విచ్చిన్నమైంది. ఇప్పుడు ఎవరు ఎక్కడున్నారో, ఏం చేస్తున్నారో కూడా తెలియదు. ఆ మధ్య కోర్ట్ లు, కేసులు అంటూ కనిపించారు తప్పితే, ఇంకా ఎప్పుడూ కనిపించలేదు.
34
కొడుకు అరుణ్ హీరోగా గ్రీకువీరుడు మూవీ
ఈ క్రమంలో కొడుకు అరుణ్ హీరోగా కెరీర్ గాడి తప్పడానికి కూడా దాసరి చేసిన మిస్టేక్ ఉందని తాజాగా రైటర్ చిన్నకృష్ణ వెల్లడించారు. దాసరి నారాయణరావు తన కొడుకు అరుణ్ ని హీరోగా పరిచయం చేస్తూ, `గ్రీకువీరుడు` అనే మూవీని రూపొందించారు. కానీ ఈ సినిమా ఆడలేదు. డిజాస్టర్గా నిలిచింది. ఆ తర్వాత ఆయన నటించిన మూవీస్ కూడా ఏమాత్రం ఆకట్టుకోలేకపోయాయి. అయితే `గ్రీకువీరుడు` విషయంలో ఒక ఆసక్తికర సంఘటన చోటు చేసుకుందట. అరుణ్ హీరోగా ఈ కథ అనుకున్నప్పుడు చిన్నకృష్ణకి అది నచ్చలేదట. ఆ విషయాన్ని దాసరికే స్వయంగా చెప్పాడట. ఇది కాకుండా మరో ఇతర భాషా సినిమాని థియేటర్లో చూపించాడట. అది చూసి దాసరి కన్నీళ్లు పెట్టుకున్నారట. దీని రీమేక్ రైట్స్ కొని అరుణ్తో చేయాలని చెప్పాడట.
కానీ దాసరి నారాయణరావు వినలేదు. మొదట అనుకున్న కథనే ఎంచుకున్నాడు, దానికోసం పది మంది రైటర్లు కూడా పనిచేశారట. అయితే టైటిల్ విషయంలో గమ్మత్తు జరిగింది. `గ్రీకువీరుడు` టైటిల్ నాగార్జున రిజిస్టర్ చేయించుకున్నాడట. తాను హీరోగా ఆ మూవీ టైటిల్తో సినిమా చేయాలనుకున్నారట. కానీ దాసరి రిక్వెస్ట్ చేయడంతో ఆయనపై గౌరవంతో వెంటనే మరో మాట లేకుండా అరుణ్ కోసం ఇచ్చేశాడట. ఆ టైటిల్ వచ్చినందుకే దాసరి సెలబ్రేట్ చేశారట. కానీ మొదట అనుకున్న కథతోనే ఈ మూవీని చేశారట. తాను చెప్పినా కూడా ఆయన వినలేదని, ఆ సినిమా ఆడదని తెలిసీ కూడా ఆయన తప్పు చేశాడని, `గ్రీకు వీరుడు` రిజల్ట్ ఏం జరిగిందో అందరికి తెలిసిందే అని వెల్లడించాడు చిన్నికృష్ణ. ఎంట్రీ మూవీనే తేడా కొట్టడం, ఆ తర్వాత సరైన మూవీస్ రాకపోవడం, వచ్చినవి ఆడకపోవడంతో అరుణ్ హీరోగా సక్సెస్ కాలేకపోయాడు. దీంతో ఇండస్ట్రీకి దూరమయ్యాడు. అదే చిన్న కృష్ణ మాట విని ఉంటే, మంచి సక్సెస్ఫుల్ ఎంట్రీ ఉండి ఉంటే ఇప్పుడు అరుణ్ కెరీర్ వేరేలా ఉండేదని చెప్పొచ్చు.
