సాధారణంగా హీరోలు షూటింగ్‌లకు లేట్‌గా వస్తారు. కానీ ఓ హీరోయిన్‌ మాత్రం ఎప్పుడూ లేట్‌గానే వచ్చేదట. కింగ్‌ నాగార్జున ఓ హీరోయిన్‌ గురించి కంప్లెయింట్‌ ఇచ్చారు.
నాగార్జున తన కెరీర్‌లో ఎంతో మంది హీరోయిన్లతో వర్క్ చేశాడు. ఎంతో మంది హీరోయిన్లని వెండితెరకు పరిచయం చేశాడు. వాళ్లని స్టార్లని చేయడంలోనూ తన పాత్ర చాలా ఉంది. అనుష్క శెట్టి అలానే వచ్చింది. వీరితోపాటు చాలా మంది హీరోయిన్లున్నారు.
అయితే పెద్ద హీరోలున్నప్పుడు, వారితో సినిమాలు చేసేటప్పుడు హీరోయిన్లు భయంగానే ఉంటారు. కాస్త జాగ్రత్తగా ఉంటారు. ముందే సెట్‌లో ఉంటారు. కానీ నాగార్జునని మాత్రం ఓ హీరోయిన్‌ బాగా ఇబ్బంది పెట్టిందట. చాలా సార్లు చిరాకు తెప్పించిందట.
బిగ్ బాస్ తెలుగు 8 ఇంట్రెస్టింగ్ అప్ డేట్స్ కోసం ఇక్కడ క్లిక్ చేయండి.
నాగ్‌ని డిస్టర్బ్ చేసింది ఎవరో కాదు ఒకప్పటి స్టార్‌ హీరోయిన్‌ శ్రియా. ప్రస్తుతం ఆమె పెద్దగా సినిమాలు చేయడం లేదు. ఒకటి అర సినిమాలతో మెరుస్తుంది. కానీ షూటింగ్‌లకు లేట్‌ గా వచ్చేదట. చాలా సార్లు ఆమె కోసం వెయిట్‌ చేయాల్సి వచ్చిందట. నాగార్జున స్వయంగా ఈ విషయాన్ని తెలిపారు.
జయప్రద హోస్ట్ గా చేసిన `జయప్రదం` టాక్‌ షోలో ఈ విషయాన్ని వెల్లడించడం విశేషం. ఇందులో జయప్రద హీరోయిన్ల గురించి ప్రశ్న అడిగింది. బాగా మాట్లాడే హీరోయిన్‌ ఎవరు అని అడిగితే, రమ్యకృష్ణ పేరు చెప్పారు. ఆమె వాగుడు కాయ అని, తనతో చేసిన హీరోయిన్‌ కావడంతో ఆ ఫ్రీనెస్‌తో ఎప్పుడూ మాట్లాడుతూనే ఉంటుందన్నారు నాగార్జున.
బాగా లేజీ హీరోయిన్‌ ఎవరనేది ప్రశ్నించగా, శ్రియా పేరు చెప్పాడు నాగార్జున. ఆ అమ్మాయి చాలా లేజీ అని, షూటింగ్‌లకు ఎప్పుడూ లేట్‌గా వస్తుందని, దీంతో చాలా సార్లు ఇబ్బంది పడ్డట్టు తెలిపారు నాగార్జున. అంతేకాదు తాను పక్కనే కూర్చోబెట్టుకుని క్లాస్‌ పీకుతుండేవాట. ఎప్పుడూ ఈ విషయాన్ని చెబుతుంటానని, కానీ ఆమె మాత్రం తరచూ లేట్‌గానే వస్తుందని తెలిపారు నాగ్‌. ఈ లెక్కన తాను నాగ్‌ని బాగానే వెయిట్‌ చేయించిందని చెప్పొచ్చు.
నాగార్జున, శ్రియా కలిసి `సంతోషం`, `బాస్`, `నేనున్నాను`, `మనం` సినిమాలు చేశారు. ఇందులో `బాస్` సినిమా పెద్దగా ఆడలేదు. మిగిలిన మూవీ సినిమాలు బాగా ఆడాయి. `మనం` క్లాసికల్‌గా నిలిచింది. ఇప్పుడు శ్రియా సినిమాలు తగ్గించింది. అంటే ఆమెకి అవకాశలు పెద్దగా రావడం లేదు. గతేడాది `మ్యూజిక్‌ స్కూల్‌` సినిమాలో మెరిసింది.
దీంతోపాటు హిందీలో `షో టైమ్‌` అనే టీవీ సిరీస్‌లో మెరిసింది. ప్రస్తుతం ఆమె సూర్యతో ఓ సినిమా చేస్తూ బిజీగా ఉంది. ఇక నాగార్జున మల్టీస్టారర్లతో బిజీగా ఉన్నాడు. రజనీకాంత్‌తో `కూలీ`, ధనుష్‌తో `కుబేర` సినిమాలు చేస్తున్నాడు. మరోవైపు బిగ్ బాస్ తెలుగు 8కి హోస్ట్ గా చేస్తున్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి