మెగాస్టార్ చిరంజీవి కెరీర్ తడబడుతున్న సమయంలో ఒక దశలో గ్యాప్ తీసుకున్నారు. ఎస్పీ పరుశురాం, మెకానిక్ అల్లుడు, బిగ్ బాస్ లాంటి చిత్రాలు వరుసగా ఫ్లాప్ కావడంతో చిరంజీవి కాస్త బ్రేక్ తీసుకోక తప్పలేదు.
మెగాస్టార్ చిరంజీవి కెరీర్ తడబడుతున్న సమయంలో ఒక దశలో గ్యాప్ తీసుకున్నారు. ఎస్పీ పరుశురాం, మెకానిక్ అల్లుడు, బిగ్ బాస్ లాంటి చిత్రాలు వరుసగా ఫ్లాప్ కావడంతో చిరంజీవి కాస్త బ్రేక్ తీసుకోక తప్పలేదు. కొంత కాలం గ్యాప్ తర్వాత చిరంజీవి హిట్లర్ చిత్రంలో నటించారు. ఇది మలయాళీ చిత్రానికి రీమేక్.
అయితే సెంటిమెంట్ పాళ్ళు ఎక్కువగా ఉన్న ఈ చిత్రానికి కరెక్ట్ దర్శకుడు ఎవరని వెతుకుతున్న సమయంలో ముత్యాల సుబ్బయ్య కనిపించారు. ఆటైం ఆయన ఎక్కువగా సెంటిమెంట్ చిత్రాలు చేస్తున్నారు. పవిత్రబంధం, గోకులంలో సీత, హిట్లర్, అన్నయ్య లాంటి హిట్ చిత్రాలన్నీ ముత్యాల సుబ్బయ్య దర్శకత్వంలోనే వచ్చాయి.
హిట్లర్ సినిమాకి తానే డైరెక్టర్ అని తెలియగానే ముత్యాల సుబ్బయ్య ఎగిరి గంతేశారట. చిరంజీవిని డైరెక్టర్ చేయడమే తన అదృష్టంగా భావించినట్లు ముత్యాల సుబ్బయ్య తెలిపారు. ఈ చిత్రంలో చాలా సవాళ్లు ఎదురైనట్లు ముత్యాల సుబ్బయ్య తెలిపారు.
చిరంజీవి విపరీతమైన మాస్ ఫాలోయింగ్ ఉన్న హీరో. అలాంటి హీరోకి ఐదుగురు చెల్లెళ్ళు ఏంటి అని షూటింగ్ దశలోకి చాలా మంది విమర్శించారట. అది చాలదు అన్నట్లు రెండు తీవ్రమైన ఎమోషనల్ సాంగ్స్ ఉంటాయి. కన్నీళ్లు పెట్టించే పాటలు అవి.
ఈ విషయం తీసుకున్న కొందరు ప్రముఖులు.. ఎంత ధైర్యం అయ్యా మీకు.. చిరంజీవిని హీరోగా పెట్టి అసలేం చేస్తున్నారు మీరు.. ఈ సినిమా ఆడుతుందా అంటూ భయపెట్టడం మొదలు పెట్టారట. కానీ ముత్యాల సుబ్బయ్య ఎలాంటి కంగారుకి గురి కాలేదు.
ఎమోషనల్ సాంగ్స్ కి కనీసం కొరియోగ్రాఫర్ ని కూడా పెట్టుకోలేదట. పాటలు తాను అనుకుననట్లే రావాలని స్వయంగా ఆయనే చిత్రీకరించారట. సాంగ్స్ సూపర్ హిట్ అయ్యాయి. ఎమోషనల్ సీన్స్ మాత్రమే కాదు.. కామెడీ సీన్స్ కూడా అదరగోట్టాయి. తనని భయపెట్టిన వారే మూవీ రిలీజ్ అయ్యాక మెచ్చుకున్నట్లు ముత్యాల సుబ్బయ్య తెలిపారు. గ్యాంగ్ లీడర్ తర్వాత చిరంజీవి ధరించిన చొక్కాలకు మళ్ళీ హిట్లర్ చిత్రంతో మంచి క్రేజ్ వచ్చింది. హిట్లర్ సినిమాలో చిరంజీవి చొక్కాలు అంటూ విపరీతంగా అమ్ముడయ్యాయి అని ముత్యాల సుబ్బయ్య అన్నారు.