Karthika Deepam: దుర్గ ఇంట్లో లేడా మోనిత నాతో ప్రేమగా మాట్లాడుతున్నావ్.. మాటలతోనే ప్రాణం తీస్తున్న డాక్టర్ బాబ

Karthika deepam:బుల్లితెరపై ప్రసారమవుతున్న కార్తీకదీపం సీరియల్,కుటుంబ కథా నేపథ్యంతో కొనసాగుతూ ప్రేక్షకుల్ని బాగా ఆకట్టుకుంటుంది. ఇక ఈరోజు నవంబర్ 8వ తేదీన ఏం జరుగుతుందో తెలుసుకుందాం.  

ఈరోజు ఎపిసోడ్ ప్రారంభంలోనే.. మోనిత కార్తీక్ గురించి టెన్షన్ పడుతుండగా అప్పుడే కార్తీక్ ఇంటికి వస్తాడు. ఎక్కడికి వెళ్ళావు కార్తీక్? ఫోన్ ఎందుకు లిఫ్ట్ చెయ్యడం లేదు అంటే.. దుర్గ గారు ఇంట్లో లేరా మోనిత నాపై ఇంత ప్రేమ చూపిస్తున్నావు.. నీ ప్రేమ నిజం కాదని తెలిశాక నువ్వు నటించాల్సిన పని లేదంటూ చెప్పి వెళ్తాడు.. నా ప్రేమ నిజం కదా ఆలా ఎలా అంటావ్ కార్తీక్ అని నీకు గతం గుర్తొచ్చిన గుర్తు రాకపోయినా నాకు సంబంధం లేదు నా పంతం చూపిస్తాను అంటూ మోనిత నిర్ణయం తీసుకుంటుంది. 

ఆతర్వాత సీన్ లో డాక్టర్ బాబు, వంటలక్క ఇద్దరు ఇంద్రుడు ఇంటికి వస్తారు. అక్కడ ఆ ఇంటికి టూలేట్ బోర్డు చూసి హడలిపోతారు. ఏమైంది అని ఇంటి ఓనర్ ని అడిగితే రాత్రికి రాత్రే ఇల్లు కాళీ చేసి వెళ్లిపోయారు.. మీరు ఇంటికి కోసం వచ్చారా ఒకసారి చూసి రండీ.. అద్దె గురించి మాట్లాడదాం అని ఇంటి ఓనర్ వెళ్ళిపోతాడు.. ఇంకా వంటలక్క ఏడుపు మొదలెడుతుంది.. వాళ్ళు శౌర్యని ఎక్కడ ఇవ్వాలో అని ఇల్లు ఖాళీ చేసి వెళ్లిపోయారు అని లబోదిబో అని ఏడుస్తుంది. కార్తీక్ ఇల్లు చూద్దాం పద ఏదైనా ఆచూకీ దొరుకుతుందేమో అని లోపలికి వెళ్తారు. 

మనం వస్తామని తెలిసే రాత్రికి రాత్రి వెళ్లిపోయారు డాక్టర్ బాబు అంటూ ఇల్లు అంత వెతుకుతారు.. అక్కడే శౌర్య మెచ్యూర్ ఫంక్షన్ ఫోటో చూసి షాక్ అవుతారు. నా శౌర్య డాక్టర్ బాబు ఇక్కడే ఉందని చెప్పను కదా అని వంటలక్క కన్నీళ్లు పెడుతుంది. ఆ మాటలు విన్న డాక్టర్ బాబు గతంలో జరిగినవి అన్ని గుర్తు చేసుకుంటారు. నువ్వు బట్టలు నగలు కొనిచ్చేసరికి వాళ్ళు శౌర్యను తీసుకెళ్లిపోయారు అని డాక్టర్ బాబు అంటాడు. వంటలక్క ఆగకుండా కన్నీళ్లు పెడుతూ ఇంద్రుడు, చంద్రమ్మ చేసిన పనులు గుర్తు తెచ్చుకొని తప్పు చేశానంటూ బాధ పడుతుంది. 

నువ్వు ఏం తప్పు చెయ్యలేదు.. డాక్టర్ బాబు దైర్యం చెప్తాడు. ఇప్పుడు వాళ్ళను ఎక్కడని వెతకాలి అని బాధ పడితే నేను తీసుకొస్తాను శౌర్యను నువ్వు ఏడవకు అని చెప్తాడు. తర్వాత సీన్ లో ఇంద్రుడు, చంద్రమ్మ, శౌర్య ముగ్గురు ఆటోలో వెళ్తారు. అమ్మానాన్నను వెతుకుతాం కదా అని శౌర్య అంటే ఖచ్చితంగా వెతుకుతాం అని అంటారు. మరో సీన్ లో వంటలక్క గుడిలో ఇంద్రుడు, చంద్రమ్మ సీన్స్ అన్ని గుర్తు తెచ్చుకొని గుడిలో గంటలు కొడుతూనే ఉంటుంది. ఇంటికి పద దీప అని డాక్టర్ బాబు చెప్పిన నేను తప్పు చేశాను డాక్టర్ బాబు అంటూ కన్నీళ్లు పెడుతుంది. దాదాపు ఒక పదినిమిషాలు పాటు అవే సీన్స్, అవే ఏడుపులు. 

అప్పుడే డాక్టర్ బాబు శౌర్య ఇక్కడ ఉందంటే హిమ ఎక్కడుంది.. శౌర్య ఎందుకు వీళ్ళ దగ్గర ఉంది అని ఆలోచిస్తాడు. అమ్మానాన్నలను కలిస్తే ఏదొక విషయం తెలుస్తుంది కానీ మోనిత సమస్య పరిష్కారం చెయ్యాలి అని అనుకుంటాడు. మరో సీన్ లో ఇంద్రుడు, చంద్రమ్మతో శౌర్య గుడికి వెళుతుంది. తల్లితండ్రుల పేర్లు చెప్పమని అడిగితే శౌర్య వాళ్ళ అమ్మానాన్న పేర్లు చెప్పే టైమ్ లో చంద్రుడు వాళ్ళ ఇద్దరి పేర్లు చెప్తారు. అలా చెప్పడంతో శౌర్య వాళ్ళను సీరియస్ గా చూడటంతో ఇంద్రుడు వివరిస్తుండగా ఈరోజు ఎపిసోడ్ పూర్తవుతుంది. మరి రేపటి ఎపిసోడ్ లో ఏం జరుగుతుందో చూడాలి.