మోహన్ బాబు ప్రస్తుతం విలన్ గా `పారడైజ్` చిత్రంలో నటిస్తున్న విషయం తెలిసిందే. అయితే ఈ చిత్రానికిగానూ మోహన్ బాబు తన కెరీర్లోనే అత్యధిక పారితోషికం తీసుకుంటున్నాడట.
విలక్షణ నటుడు, కలెక్షన్ కింగ్ మోహన్ బాబు ఇటీవల కాలంలో చాలా సెలక్టీవ్గా మూవీస్ చేస్తున్నారు. చాలా వరకు ఆయన చేస్తే సొంత సినిమాలు, లేదంటే మూవీస్కి దూరంగానే ఉంటున్నారు. చివరగా ఆయన `కన్నప్ప` చిత్రంలో మెరిసిన విషయం తెలిసిందే. మంచు విష్ణు హీరోగా వచ్చిన చిత్రమిది. మంచు మోహన్ బాబునే దీనికి నిర్మాత. ఆ తర్వాత `దక్ష` అనే చిత్రంలో మెరిశారు. మంచులక్ష్మి నటించిన చిత్రమిది. కానీ ఇప్పుడు బయట మూవీస్ చేసేందుకు రెడీ అయ్యారు.
24
ది పారడైజ్లో విలన్గా మోహన్ బాబు
మోహన్ బాబు ఇతర హీరోల్లో చిత్రాల్లో నటించేందుకు సిద్ధమవుతున్నారు. చాలా ఏళ్ల క్రితం నుంచే మోహన్ బాబు ఇలా ఇతర హీరోల సినిమాల్లో అడపాదడపా చేస్తూనే ఉన్నారు. కాకపోతే చాలా సెలక్టీవ్గా చేస్తున్నారు. ఇప్పుడు నాని సినిమాలో నటిస్తున్నారు. నాని ప్రస్తుతం `పారడైజ్` చిత్రంలో నటిస్తున్నారు. శ్రీకాంత్ ఓడెల దర్శకత్వంలో రూపొందుతున్న చిత్రమిది. ఊరమాస్, యాక్షన్ కథతో దీన్ని తెరకెక్కిస్తున్నారు.
34
పారడైజ్లో విలన్గా మోహన్ బాబు
ఈ మూవీలో మోహన్ బాబు విలన్ రోల్ చేస్తున్నారు. ఆ మధ్య మోహన్ బాబు పాత్రని పరిచయం చేస్తూ ఫస్ట్ లుక్ విడుదల చేశారు. ఇందులో షికంజా మాలిక్ పాత్రలో మోహన్ బాబు కనిపిస్తారు. ఆయన గన్ పట్టుకుని చుట్ట తాగుతూ నడుస్తూ వచ్చే లుక్, అలాగే షర్ట్ లేకుండా ఊర మాస్ లో ఉన్న మరో లుక్ గూస్ బంమ్స్ తెప్పించాయి. మోహన్ బాబుని గతంలో ఎప్పుడూ ఈ రేంజ్లో చూసి ఉండరు అనేలా ఆ లుక్ ఉండటం విశేషం.
సమ్మర్ స్పెషల్గా మార్చిలో విడుదల కావాల్సిన ఈ మూవీ వాయిదా పడుతుందని సమాచారం. షూటింగ్ పూర్తి కాకపోవడంతో రిలీజ్ పోస్ట్ పోన్ అవుతుందని, మే, జూన్కి వెళ్లే ఛాన్స్ ఉందని అంటున్నారు. ఇదిలా ఉంటే `ది పారడైజ్` మూవీకి మోహన్ బాబు పారితోషికం ఇప్పుడు చర్చనీయాంశంగా మారింది. ఈ చిత్రానికిగానూ ఆయనకు ఏకంా రూ.5కోట్లు పారితోషికంగా అందిస్తున్నారట. ఇది మోహన్ బాబు కెరీర్ లోనే అత్యధికం కావడం విశేషం. హీరోగా చేసినప్పుడు కూడా మోహన్ బాబు ఈ స్థాయిలో పారితోషికం తీసుకోలేదని చెప్పొచ్చు. ఒకప్పుడు అంత పారితోషికాలు కూడా లేవు. కానీ ఇప్పుడు ఊహించని విధంగా మోహన్ బాబుకి భారీ స్థాయిలో పారితోషికం దక్కడం విశేషం. ఇది ఆయన రేంజ్ని సూచిస్తుంది. అదేసమయంలో `పారడైజ్` హిట్ అయి మోహన్ బాబు పాత్రకి పేరొస్తే మాత్రం నెక్ట్స్ బిజీ యాక్టర్ అయిపోతారని చెప్పొచ్చు.
