`వారణాసి` సినిమా విషయంలో రాజమౌళి `బాహబలి` స్ట్రాటజీనే ఫాలో అవుతున్నారట. ఈ మూవీని కూడా రెండు పార్ట్ లుగా తీసుకురాబోతున్నారట. ఇదే ఇప్పుడు చర్చనీయాంశం అవుతుంది.
సూపర్ స్టార్ మహేష్ బాబు హీరోగా రాజమౌళి దర్శకత్వంలో `వారణాసి` మూవీ రూపొందుతుంది. భారీ ఫాంటసీ యాక్షన్ అడ్వెంచరస్గా ఈ మూవీని రూపొందిస్తున్నారు దర్శకధీరుడు. విజువల్ వండర్గా దీన్ని తెరమీదకు తీసుకురాబోతున్నారు. దాదాపు నాలుగైదు కాలాలను టచ్ చేస్తూ ఈ మూవీ సాగబోతుందని ఆ మధ్య విడుదల చేసిన టీజర్లో వెల్లడించారు. అన్ని కాలాల్లోకి హీరో ప్రయాణించడమే ఇందులో హైలైట్గా నిలవబోతుంది.
25
రాముడిగా కనిపించబోతున్న మహేష్ బాబు
రాజమౌళి ఈ మూవీని మొదట్నుంచి గ్లోబల్ ట్రోటర్గా చెబుతూ వచ్చారు. ప్రపంచ అన్వేషకుడి అర్థంలో ఈ టైటిల్ని వాడతారు. ఇందులో హీరో పాత్ర ప్రపంచ అన్వేషకుడిగా ఉండబోతుందట. ఆ జర్నీనే ఈ సినిమా అని, ఆ జర్నీని తెరపై మ్యాజికల్గా ఆవిష్కరించబోతున్నారట రాజమౌళి. అంతేకాదు ఇందులో రామాయణం పార్ట్ ని కూడా చూపించబోతున్నారు. లంక దహనాన్ని చూపించనున్నట్టు రాజమౌళినే తెలిపారు. ఇందులో రాముడిగా మహేష్ బాబు కనిపించబోతున్నారు. మొదటిసారి ఆయన పౌరాణిక పాత్ర పోషిస్తున్నారు. రాముడిగా మహేష్ ఎలా ఉంటారనేది చూసేందుకు అభిమానులు, సాధారణ ఆడియెన్స్ ఆతృతగా ఉన్నారు.
35
`బాహుబలి` స్ట్రాటజీ ఫాలో అవుతున్న రాజమౌళి
ఇదిలా ఉంటే ఈ మూవీకి సంబంధించి ఊహించని ట్విస్ట్ ఇచ్చాడు రాజమౌళి. ఏదైతే అభిమానులు వద్దు అని కోరుకుంటారో అదే చేస్తున్నారు. `బాహుబలి` స్ట్రాటజీని ఫాలో అవుతున్నారు. `వారణాసి` మూవీని కూడా రెండు భాగాలుగా తెరకెక్కించబోతున్నారట. ఇదే ఇప్పుడు హాట్ టాపిక్గా మారింది. ఇది చాలా పెద్ద స్టోరీ అని, ఒక్క పార్ట్ లో చెప్పడం చాలా కష్టం. వివిధ కాలాలు, ప్రాంతాల్లో సినిమా సాగుతుంది. వాటిని ఒక్క సినిమాలో చూపించడం కష్టమని భావించిన జక్కన్న ఈ సినిమాని కూడా రెండు భాగాలుగా తీసుకురావాలని ప్లాన్ చేస్తున్నారట. ఈ వార్త సోషల్ మీడియాలో వైరల్ అవుతుంది.
అంతేకాదు `వారణాసి` రెండు పార్ట్ లకు సంబంధించిన టైటిల్స్ కూడా ఫిక్స్ అయినట్టు ప్రచారం జరుగుతుంది. `వారణాసి` మూవీ కాన్సెప్ట్ టీజర్ విడుదల చేసినప్పుడే రాజమౌళి రెండు టైటిల్స్ రివీల్ చేశారు. ఒకటి మొదట్నుంచి చెబుతున్నట్టుగా `వారణాసిః గ్లోబల్ ట్రోటర్` అని, రెండోది టైమ్ ట్రావెల్ని ప్రతిబింబించేలా `వారణాసిః టైమ్ ట్రోటర్` అని సమాచారం. ఇలా రెండు పార్ట్ లకు ఈ టైటిల్స్ ని ఫిక్స్ చేశారని అంటున్నారు. మొదటి పార్ట్ 2027 సమ్మర్లో ఏప్రిల్ 9న, రెండో పార్ట్ 2029 సమ్మర్లో రానుందని సమాచారం. ఇందులో నిజమెంతా అనేది తెలియాల్సి ఉంది.
55
రూ.1200కోట్ల బడ్జెట్తో `వారణాసి`
ఇక మహేష్ బాబు హీరోగా రూపొందుతున్న `వారణాసి` చిత్రంలో ప్రియాంక చోప్రా కీలక పాత్ర పోషిస్తుంది. ఆమె మందాకిని పాత్రలో కనిపించబోతున్నారట. పాత్ర కీలకంగానే ఉంటుందని, కాకపోతే కొన్ని సీన్లలో మహేష్ కి లవ్ ఇంట్రెస్ట్ గా కనిపిస్తుందని సమాచారం. అలాగే విలన్ గా పృథ్వీరాజ్ సుకుమార్ పోషిస్తున్నారు. ఆయన `కుంభ` పాత్రలో కనిపించనున్నారు. రుద్రగా మహేష్ కనిపిస్తారు. శ్రీ దుర్గ ఆర్ట్స్ పతాకంపై కేఎల్ నారాయణ ఈ చిత్రాన్ని నిర్మిస్తున్నారు. సుమారు రూ.1200కోట్ల బడ్జెట్తో దీన్ని తెరకెక్కిస్తున్నారు రాజమౌళి. ఐమాక్స్ ఫార్మాట్లో సినిమాని రూపొందిస్తుండటం విశేషం.
