ప్రేమ విషయం చెప్పనందుకు మంచు విష్ణుపైకి వెళ్లిన మోహన్‌బాబు.. సీన్‌లోకి స్టార్‌ డైరెక్టర్‌ భార్య, ఏంటి కథ?

మంచు విష్ణు, విరానిక లవ్‌ ట్రాక్‌ విషయంలో మోహన్‌ బాబు చాలా సీరియస్‌ అయ్యాడట. ఆయన కంట్రోల్‌ తప్పిన పరిస్థితిలో ఓ స్టార్‌ డైరెక్టర్‌ వైఫ్‌ ఎంట్రీ ఇచ్చిందట. 

మంచు విష్ణు.. వైఎస్‌ విరానికి పెళ్లి చేసుకున్న విషయం తెలిసిందే. అరెంజ్‌ మ్యారేజ్‌ అనేది అందరికి తెలిసిన స్టోరీ. కానీ తెరవెనుక లవ్‌ స్టోరీ ఉందట. ఈ విషయంలో మోహన్‌బాబు చాలా సీరియస్‌ అయ్యాడట. కొన్నాళ్లపాటు వాళ్లింట్లో పెద్ద ఇష్యూ అయ్యింది. మంచు విష్ణుపై, వాళ్లమ్మపై మోహన్‌బాబు ఫైర్‌ అవుతున్నాడు. ఓ సారి డైరెక్ట్ గా కలిశారు. దీంతో ఆ సిచ్చువేషన్‌లో ఏం జరిగిందనేది బయటపెట్టాడు మంచు విష్ణు. ఆసక్తికర విషయాలను వెల్లడించారు. 
బిగ్‌ బాస్‌ తెలుగు 8 ఇంట్రెస్టింగ్‌ అప్‌ డేట్స్ కోసం ఇక్కడ క్లిక్ చేయండి.

విరానికతో తొలి చూపులోనే ప్రేమలో పడ్డాడు మంచు విష్ణు విష్ణు. దాదాపు నెల రోజుల్లోనే ఇద్దరు క్లోజ్‌ అయ్యారట. తమ ప్రేమని కూడా ఎక్స్ ప్రెస్‌ చేసుకున్నారట. విరానిక కోసం షూటింగ్‌ మధ్యలో బ్యాంకాక్‌ నుంచి హైదరాబాద్‌ వచ్చి, ఆమెకి లవ్‌ ప్రపోజ్‌ చేసి డిన్నర్‌ చేసి మళ్లీ అదే రోజు బ్యాంకాక్ వెళ్లిపోయాడట మంచు విష్ణు ఈ విషయం ఇప్పటి వరకు ఎవరికీ తెలియదని వెల్లడించారు. అయితే తమ విషయంలో విరానిక ఫ్యామిలీకి తెలుసు. కానీ మోహన్‌బాబు కి తెలియదు. ఓ రోజు ప్రముఖ ఇంగ్లీష్‌ పేపర్‌లో ఈ వార్త వచ్చింది. 

ఇది చూసిన మోహన్‌బాబు ఊగిపోయాడట. తనకు తెలియకుండా ఇంత నడిపిస్తున్నారా? తనని మోసం చేస్తున్నారా? అంటూ అందరిపై ఫైర్‌ అయ్యాడట. చాలా రోజులు ఎవరితోనూ మోహన్‌బాబు మాట్లాడటలేదట. అంతేకాదు ఈ విషయంలో పెద్ద పెద్ద వాళ్లు ఇన్‌వాల్వ్ అయ్యారట. ఈ ప్రేమ విషయం తెలిసి,

ఇలా మోహన్‌బాబు ఫైర్‌ అవుతున్నాడని తెలిసి బ్రహ్మానందం, మాజీ జస్టీస్‌ చలమేశ్వర్‌ ఇంకా చాలా మంది వచ్చి మోహన్‌బాబుతో మాట్లాడుతున్నారట. కానీ ఆయన కోపం తగ్గడం లేదు. అమెరికా నుంచి ఇంటికొచ్చి మంచు విష్ణుపై ఫైర్‌ అవుతున్నాడట. మోహన్‌బాబులో అంతటి కోపం ఎప్పుడూ చూడలేదు. 

దీంతో వాళ్లమ్మ కూడా భయపడిపోయిందట. నాన్న అంతగా ఫైర్‌ అవుతుంటూ మంచు విష్ణు సైతం భయపడుతున్నాడట. కొడతాడేమో అనేలా ఆయన రియాక్షన్‌ ఉందట. వామ్మో పరిస్థితి కంట్రోల్‌ తప్పుతుందని భావించిన విష్ణు అమ్మ వెంటనే దాసరి నారాయణరావు కి ఫోన్‌ చేశారట. దాసరి మోహన్‌బాబు ఫ్యామిలీకి చాలా క్లోజ్‌. ఆయన్ని గురువుగా భావిస్తారు. అంతేకాదు దాసరి చెబితేనే మోహన్‌బాబు కంట్రోల్‌ అవుతాడు.

దీంతో వాళ్లమ్మ వెంటనే దాసరికి ఫోన్‌ చేస్తే, ఆ క్షణంలోనే ఎంట్రీ ఇచ్చింది దాసరి భార్య పద్మ. ఆమె వచ్చి మోహన్‌బాబుకి సర్ది చెప్పి కూల్‌ చేసిందట. ఆ తర్వాత విష్ణు వద్దకు వచ్చి మీ నాన్న అంతే, అవన్నీ పట్టించుకోకు, కూల్‌గా డీల్‌ చేయాలని చెప్పి మ్యాటర్‌ని కూల్‌ చేసిందట. ఆ సిచ్చువేషన్‌ నుంచి మోహన్‌బాబు కూల్‌ అయ్యారట. 

కానీ ఈ పెళ్లికి, ఈ సంబంధానికి ఆయన సుముఖంగా లేరు. తనకు చెప్పలేదనే కోపం ఆయనకు ఎక్కువగా ఉందని, తానంటే లెక్క లేదా అనే భావనలో ఉన్నారట. ఓ వైపు మంచులక్ష్మి, వాళ్ల బావ, ఇతర పెద్దలు, దాసరి చెప్పడంతో ఆలోచనలో పడ్డారట మోహన్‌బాబు. ఓ రోజు రాత్రి మంచు మనోజ్‌ వెళ్లి మోహన్‌బాబు గుండెలపై పడుకుని ఒప్పుకోవచ్చు కదా నాన్న, వదిన చాలా మంచిది అన్నాడట.

అంతే ఆ దెబ్బతో వాళ్లని పిలిపించమని చెప్పాడట. ఆ వెంటనే విరానిక ఫ్యామిలీ రావడం, సంబంధంఓకే చేయడం చేశారట. ఈ విషయాన్ని మంచు విష్ణు ఓపెన్ హార్ట్ విత్‌ ఆర్కే టాక్‌ షోలో తెలిపారు. 2006 నుంచి మూడేళ్లపాటు వీళ్ల ప్రేమ వ్యవహారం నడించింది. 2009లో మ్యారేజ్‌ చేసుకున్నారు. విరానికి మాజీ సీఎం వైఎస్‌ రాజశేఖర్‌ రెడ్డి కజిన్‌ కూతురు కావడం విశేషం. మంచు విష్ణు, విరానికకి ముగ్గురు కూతుళ్లు, ఒక కొడుకు ఉన్నారు.