`సలార్‌`లో తండ్రికొడుకులుగా ప్రభాస్‌.. వెయ్యిమందితో ఫైట్‌ సీన్‌ సినిమాకే హైలైట్.. ఫ్యాన్స్ కి పూనకాలే!

`సలార్‌` సినిమా నుంచి మరో సంచలన అప్‌డేట్‌ బయటకొచ్చింది. ఫ్యాన్స్ ఊగిపోయే అప్‌డేట్‌ నెట్టింట వైరల్‌ అవుతుంది. `సలార్‌` పాన్‌ వరల్డ్ మూవీ కాబోతుందట. ఫ్యాన్స్ కి పూనకాలు తెప్పించే సినిమా అవుతుందట.   

పాన్ ఇండియా ఇమేజ్‌ని దాటుకుని గ్లోబల్‌ స్టార్‌గా వెలుగుతున్న ప్రభాస్‌.. ఇప్పుడు రెండు భారీ సినిమాల(సలార్‌, కల్కి)తో రాబోతున్నారు. అందులో `సలార్‌` వచ్చే నెలలోనే రిలీజ్ కాబోతుంది. దీంతో ఈ సినిమాపై భారీ అంచనాలు నెలకొన్నాయి. అయితే తాజాగా ఈ సినిమా నుంచి మరో సంచలన అప్‌డేట్‌ బయటకొచ్చింది. ఫ్యాన్స్ ఊగిపోయే అప్‌డేట్‌ నెట్టింట వైరల్‌ అవుతుంది. `సలార్‌` పాన్‌ వరల్డ్ మూవీ కాబోతుందట. ఫ్యాన్స్ కి పూనకాలు తెప్పించే సినిమా అవుతుందట, అంతేకాదు, ఇప్పటి వరకు ప్రభాస్‌ ది ఒక్క లెక్క, ఇకపై మరో లెక్క అంటున్నారు. 

`కేజీఎఫ్‌` వంటి సంచలన మూవీ తర్వాత ప్రశాంత్‌ నీల్‌ దర్శకత్వంలో ప్రభాస్‌ `సలార్‌` చిత్రంలో నటిస్తున్నారు. భారీ బడ్జెట్‌తో, భారీ స్కేల్‌లో ఈ సినిమాని తెరకెక్కిస్తున్నారు. మలయాళ నటుడు పృథ్వీరాజ్‌ సుకుమార్‌ విలన్‌గా నటిస్తున్న ఈ సినిమలో శృతి హాసన్‌ కథానాయికగా నటిస్తుంది. వచ్చే నెల(సెప్టెంబర్‌) 28న ఈ సినిమా ప్రపంచ వ్యాప్తంగా విడుదల కాబోతుంది.  ఇటీవల విడుదలైన గ్లింప్స్ ఆద్యంతం ఆకట్టుకుంది. గ్లింప్స్ అత్యధిక వ్యూస్‌తో రికార్డు క్రియేట్‌ చేసింది. సినిమాపై భారీ అంచనాలను పెంచేసింది. 

అయితే ఈ సినిమా నుంచి ఓ క్రేజీ లీక్‌ నెట్టింట రచ్చ చేస్తుంది. ఇందులో ప్రభాస్‌ ద్విపాత్రాభినయం చేయబోతున్నారట.  తండ్రి కొడుకులుగా కనిపిస్తారని సమాచారం. తండ్రి సలార్‌ అని తెలుస్తుంది. అంతేకాదు సినిమాలో ఓ అదిరిపోయే సీన్‌ ఉందట. యుద్ధభూమిలో వెయ్యి మంది విలన్లు ప్రభాస్‌ని చుట్టుముడితే అప్పుడు అసలైన సలార్‌ దిగుతాడని, అప్పుడు వచ్చే సీన్‌ సంచలనాత్మకంగా ఉంటుందని, ఆ సీన్‌ నెక్ట్స్ లెవల్‌ అని ఓ అభిమాని వెల్లడించారు. `సలార్‌` సెట్‌లో తాను చూసి విషయాన్ని ఆయన ఇలా లీక్‌ చేశాడు. దాని కోసం కోట్లు ఖర్చు చేస్తున్నారట. 

Salaar Part 1

సినిమా మొత్తంలో అది హైలైట్‌ ఎపిసోడ్‌ అని, ఆ సీన్‌కి థియేటర్లలో ఫ్యాన్స్, ఆడియెన్స్ సీట్లో కూర్చొరని, పూనకాలతో ఊగిపోతారని అంటున్నారు. ప్రభాస్‌ ఫ్యాన్స్ ఊగిపోవాల్సిందే అని చెబుతున్నారు. సినిమాని దర్శకుడు ప్రశాంత్‌ నీల్‌ రాజీపడకుండా భారీ స్కేల్‌లో తెరకెక్కిస్తున్నారు. `కేజీఎఫ్‌`ని మించిన ఈ సినిమా ఉండబోతుందని అంటున్నారు. ఇది పాన్‌ ఇండియా సినిమా కాదు, గ్లోబల్‌ రికార్డులను షేక్‌ చేసే మూవీ అని చెబుతున్నారు. `సలార్‌`పై భారీ హైప్‌ని పెంచే ప్రయత్నం చేస్తున్నారు. మరి ఇందులో నిజమెంతా అనేది తెలియాల్సి ఉంది. 

salaar Movie Teaser

దీంతోపాటు మరో లీక్‌ నెట్టింట చక్కర్లు కొడుతుంది. ఇది `ఉగ్రం` చిత్రాన్ని పోలి ఉంటుందని సమాచారం. `కేజీఎఫ్‌`కి ముందు దర్శకుడు ప్రశాంత్‌ నీల్‌ కన్నడలో `ఉగ్రం` అనే మూవీ చేశాడు. ఇది మంచి విజయం సాధించింది. మొదట ఈ సినిమాని ప్రభాస్‌తో చేయాలనుకున్నారు. కానీ అప్పుడు వర్కౌట్‌ కాలేదు. దీంతో ఇప్పుడు ప్రభాస్‌తో చేస్తున్న `సలార్‌` అటు ఇటుగా `ఉగ్రం`ని పోలీ ఉంటుందట. అందులో ఫ్రెండ్స్ మధ్య ఎమోషన్స్ తో సినిమాని నడిపించాడు, ఇందులో తండ్రి కొడుకులుగా మార్చారట. 

ప్రశాంత్‌ నీల్‌ సినిమాలో భారీ యాక్షన్‌, డ్రామాతోపాటు అంతర్లీనంగా మంచి ఎమోషన్స్, సెంటిమెంట్‌ ఉంటుంది. `ఉగ్రం`లో ఫ్రెండ్స్ ఎమోషన్‌ అయితే, `కేజీఎఫ్‌`లో అమ్మ సెంటిమెంట్‌ని తీసుకున్నారు, `సలార్‌`లో తండ్రి కొడుకుల సెంటిమెంట్‌ హైలైట్‌గా ఉంటుందని తెలుస్తుంది. దీంతో ఇది సినిమాపై హైప్‌ని మరింత పెంచుతుంది. మరి ఇందులో నిజానిజాలేంటనేది తెలియాల్సి ఉంది. ఇక `సలార్‌` రెండు భాగాలుగా రాబోతుంది. మొదటి భాగం `సలార్‌ః సీజ్‌ ఫైర్‌` సెప్టెంబర్‌లో రాబోతుండగా, రెండో భాగం వచ్చే ఏడాది సమ్మర్‌లో విడుదల కానుంది.