నేచురల్ స్టార్ నాని నిర్మాతగా విశ్వక్ సేన్ నటించిన హిట్ చిత్రం గుర్తుందిగా.. ఆ మూవీ మంచి విజయం సాధించింది. క్రైమ్ థ్రిల్లర్ గా తెరకెక్కిన హిట్ చిత్రానికి ఇప్పుడు సీక్వెల్ వచ్చేసింది . సీక్వెల్ హిట్ 2గా తెరెకెక్కింది.
నేచురల్ స్టార్ నాని నిర్మాతగా విశ్వక్ సేన్ నటించిన హిట్ చిత్రం గుర్తుందిగా.. ఆ మూవీ మంచి విజయం సాధించింది. క్రైమ్ థ్రిల్లర్ గా తెరకెక్కిన హిట్ చిత్రానికి ఇప్పుడు సీక్వెల్ వచ్చేసింది . సీక్వెల్ హిట్ 2గా తెరెకెక్కింది. హిట్ 2లో అడివి శేష్ హీరోగా నటించారు. ఇటీవల విడుదలైన టీజర్, ట్రైలర్స్ కి అదిరిపోయే రెస్పాన్స్ వచ్చింది. ప్రచార కార్యక్రమాలు కూడా హోరెత్తించారు.
దీనితో సినిమాపై భారీ అంచనాలు ఏర్పడ్డాయి. అడివి శేష్ కి జోడిగా అందాల మెరుపుతీగ మీనాక్షి చౌదరి హీరోయిన్ గా నటించింది. ఈ తెల్లవారు జాము నుంచే హిట్ 2 ప్రీమియర్ షోల సందడి మొదలైంది. క్రైమ్ థ్రిల్లర్ గా తెరకెక్కిన ఈ చిత్రం ఆకట్టుకునే విధంగానే ఉందంటూ ప్రేక్షకుల నుంచి రెస్పాన్స్ వస్తోంది. దీనితో హిట్ ప్రాంచైజీ సక్సెస్ ఫుల్ రన్ కొనసాగినట్లు అయింది.
క్రైమ్ మూవీ అంటే థ్రిల్లర్ జోనర్ చిత్రాలని ఇష్టపడే ప్రేక్షకులకు పండగే. వారిని ఏమాత్రం నిరాశపరచకుండా ఎంగేజింగ్ గా దర్శకుడు శైలేష్ కొలను రూపిందించినట్లు టాక్ వస్తోంది. సినిమాలో విశేషాలు ఒక్కొక్కటిగా బయటకి వస్తున్నాయి. అసలైన ట్విస్ట్ లు రివీల్ చేయడం లేదు కానీ.. ఒక అదిరిపోయే అప్డేట్ అందరిలో ఆసక్తి పెంచేస్తోంది.
హిట్ 2 క్లైమాక్స్ లో హిట్ 3 చిత్రానికి సంబంధించిన అదిరిపోయే ట్విస్ట్ అందించారు. హిట్ 2తో అడివి శేష్ పాత్ర ముగుస్తుంది. దీనితో తదుపరి పోలీస్ ఆఫీసర్ గా నాని ఛార్జ్ తీసుకుంటాడు. దీనితో హిట్ 3లో హీరో నాని అని రివీల్ అవుతుంది. హిట్ ప్రాంచైజీకి క్రమంగా క్రేజ్ పెరుగుతోంది. ఇప్పటికే ఈ సిరీస్ కి పాన్ ఇండియా స్థాయిలో ప్రచారం దొరికింది.
ఇక హిట్ 3 కోసం ఏకంగా నాని రంగంలోకి దిగుతుండడంతో ఆ ప్రాజెక్టు ఏ స్థాయిలో ఉండబోతోందో ఊహించుకోవచ్చు. నాని బాలీవుడ్ ఎంట్రీ మూవీ హిట్ 3 ఖరారైంది. హిట్ 3 చిత్రాన్ని భారీ బడ్జెట్ లో పాన్ ఇండియా స్థాయిలో అన్ని ప్రధాన భాషల్లో రిలీజ్ చేయనున్నారు.
రానున్న రోజుల్లో నాని స్వయంగా దీనికి సంబంధించిన వివరాలు ప్రకటించనున్నారు. హిట్ 2 చిత్రం మొత్తం అడివి శేష్ షోగా అభివర్ణిస్తున్నారు. ఇలాంటి కాప్ రోల్స్ కి అడివి శేష్ పర్ఫెక్ట్ గా ఫిట్ అవుతాడు. ఆ సంగతి మరోసారి ప్రూవ్ అయింది. మరి నాని పోలీస్ అధికారిగా ఎలా ఉండబోతున్నాడు ? హిట్ 3 కి సంబంధించిన మరిన్ని విశేషాలు ఏంటి అనే వివరాలు తెలియాలంటే కొన్ని రోజులు ఆగాల్సిందే.