మిషన్‌ ఇంపాజిబుల్‌లా ఎన్టీఆర్‌ `శక్తి` తీయాలనుకున్నా.. అంతా ఆయనే చేశాడు.. తెరవెనుక కథ చెప్పిన మెహర్‌ రమేష్‌

ఎన్టీఆర్‌తో చేసిన `శక్తి` సినిమా డిజాస్టర్‌ అయిన విషయం తెలిసిందే. అయితే మొదట అనుకున్న కథ అది కాదట. దర్శకుడు మెహర్‌ రమేష్‌ తెర వెనుక కథని బయటపెట్టాడు.   

ఎన్టీఆర్‌ హీరోగా మెహర్‌ రమేష్‌ దర్శకత్వంలో వచ్చని `శక్తి` సినిమా బాక్సాఫీసు వద్ద బిగ్గెస్ట్ డిజాస్టర్‌ అయ్యింది. భారీ హైప్‌తో వచ్చిన ఈ మూవీ ఆడియెన్స్ తీవ్రంగా నిరాశ పరిచింది. సినిమాని నిర్మించిన అశ్వనీదత్‌ భారీగా నష్టపోయారు. కోట్లలో నష్టం వాటిళ్లింది. ఈ దెబ్బకి నిర్మాత కొంత కాలం సినిమాలు మానేయాల్సిన పరిస్థితి వచ్చింది. 

అయితే ఈ మూవీ ఫ్లాప్‌ కావడానికి కారణం చెప్పాడు దర్శకుడు మెహర్‌ రమేష్‌. తెరవెనుక జరిగిన కథ చెప్పాడు. ఆ మధ్య ఓ ఇంటర్వ్యూలో ఆయన మాట్లాడుతూ ఈ విషయాన్ని రివీల్‌ చేశాడు. తాజాగా ఆ వీడియో క్లిప్‌ ఇప్పుడు సోషల్‌ మీడియాలో వైరల్‌ అవుతుంది. ఇందులో దర్శకుడు మెహర్‌ రమేష్‌ చెబుతూ తాను మొదట అనుకున్న కథ వేరే అని తెలిపారు. 

తాను మిషన్‌ ఇంపాజిబుల్ తరహాలో ఓ కథని అనుకున్నానని తెలిపారు. మొదటి కథలో ఒక గైడ్‌ ఉంటాడు. అతను హోంమినిస్టర్‌ కూతురుని కాపాడతాడు. తీరా చూస్తే అతను గైడ్‌ కాదు, ఎన్‌ఎస్‌జీ కమాండో అని తెలుస్తుంది. ఆ సమయంలోనే హీరోహీరోయిన్ల మధ్య మంచి లవ్‌ ట్రాక్‌ ఉంటుందని తెలిపారు మెహర్‌ రమేష్‌. 

కానీ నిర్మాత ఐశ్వనీదత్‌ ఈ కథని మార్చేశారని తెలిపారు. ఆ సినిమా సమయంలో ఎన్టీఆర్‌ `బృందావనం` చేస్తున్నాడు. దీంతో తమ `శక్తి` మూవీకి గ్యాప్‌ వచ్చిందట. ఆ సమయంలోనే నిర్మాత మార్పులు చెప్పారట. సెకండాఫ్‌లో సోషియో ఫాంటసీ ఎలిమెంట్లని యాడ్‌ చేద్దామన్నాడని, ఆయన మాట కాదనలేక వాటిని యాడ్‌ చేసినట్టు తెలిపారు. అందుకోసం యండమూరి వీరేంద్రనాథ్‌ వంటి ఇద్దరు ముగ్గురు పండిత రైటర్లని అందించాడని, కానీ ఆ తర్వాత ఆ ఎలిమెంట్లు తనకే అర్థం కాలేదని తెలిపారు. 

ఈ విషయాన్ని నిర్మాత దత్‌కి చెప్పాడట. ముందు అనుకున్న కథని అలానే ఉంచి, వేరే కథతో సినిమా చేద్దామని అడిగాడట. లేదు ఈ ఎలిమెంట్లు బాగా వర్కౌట్‌ అవుతాయని వాళ్లు చెప్పడంతో తీయాల్సి వచ్చిందన్నారు. అయితే ఆడియెన్స్ కి సినిమా ఎక్కకపోయినా విజువల్‌గా ఆ మూవీ ది బెస్ట్ అని తెలిపారు మెహర్‌ రమేష్‌. అంతేకాదు బడ్జెట్‌ వైజ్‌గా ఈ మూవీ నిర్మాతకి బాగా వర్కౌట్‌ అయిన మూవీగా మెహర్‌ రమేష్‌ చెప్పడం గమనార్హం. 

ఎన్టీఆర్‌, ఇలియానా జంటగా, సోనూసూద్‌ విలన్‌ పాత్రలో నటించిన ఈ మూవీ 2011లో విడుదలైంది. భారీ డిజాస్టర్ గా నిలిచింది. ఈ మూవీకి నిర్మాతకి ముప్పైకోట్లకుపైగా నష్టాలను తెచ్చిందనే ప్రచారం జరుగుతుంది. కానీ ఈ ఇంటర్వ్యూలో దర్శకుడు మెహర్‌ రమేష్‌.. నిర్మాతకి బాగా వర్కౌట్‌ అయిన సినిమాగా చెప్పడం గమనార్హం. 

దర్శకుడు మెహర్‌ రమేష్‌ ఇటీవల చిరంజీవితో `భోళా శంకర్‌` మూవీని రూపొందించారు. ఇది పెద్ద డిజాస్టర్‌ అయ్యింది. ఇది తమిళంలో హిట్‌ అయితే `వేదాళం`కి రీమేక్‌. మరోవైపు ఆయన `శక్తి`తోపాటు ముందు చేసిన `కంత్రి`, `బిల్లా`, ఆ తర్వాత చేసిన `షాడో` చిత్రాలు కూడా పరాజయం చెందిన విషయం తెలిసిందే.