నటి మేఘా ఆకాష్ ఈ ఏడాది సెప్టెంబర్‌లో వితన ప్రియుడిని వివాహం చేసుకోబోతోంది. ఈ నేపథ్యంలో ఆమె సూపర్ స్టార్ రజినీకాంత్‌ను కలిసి పెళ్లికి ఇన్వైట్ చేసింది.
కోలీవుడ్‌లో యువ నటిగా రాణిస్తున్నారు మేఘా ఆకాష్. ఆమె తమిళంలో ఎన్నై నోకి పాయుమ్ తోటా, పేట, యాదుమ్ ఊరే యావరుమ్ కేళిర్ వంటి చిత్రాల్లో నటించారు. ఆమె తమిళంతో పాటు తెలుగు చిత్రాల్లో కూడా నటిస్తున్నారు. ఆమె గత ఆరు సంవత్సరాలుగా సాయి విష్ణు అనే వ్యక్తితో ప్రేమలో ఉన్నారు. ఆమె సీక్రెట్ ప్రేమ వ్యవహారం ఇప్పుడు బయటపడింది.
మేఘా ఆకాష్ ప్రియుడు మరెవరో కాదు, తమిళనాడు కాంగ్రెస్ పార్టీ మాజీ అధ్యక్షుడు తిరునవుక్కరసు కుమారుడు సాయి విష్ణు. వీరిద్దరికీ 9 ఏళ్లుగా పరిచయం ఉంది. మొదట స్నేహితులుగా ఉన్న వీరిద్దరూ గత 6 ఏళ్లుగా ప్రేమలో ఉన్నారు. వీరి ప్రేమకు ఇరు కుటుంబ సభ్యులు గ్రీన్ సిగ్నల్ ఇవ్వడంతో పెళ్లికి సిద్ధమవుతున్నారు.
మేఘా ఆకాష్ - సాయి విష్ణుల వివాహం ఈ ఏడాది సెప్టెంబర్ 15, 16 తేదీల్లో జరగనుంది. వీరి వివాహ ఏర్పాట్లు ప్రస్తుతం ఘనంగా జరుగుతున్నాయి. ఈ నేపథ్యంలో నటి మేఘా ఆకాష్ తన కాబోయే భర్తతో కలిసి సూపర్ స్టార్ రజినీకాంత్‌ను ఆయన నివాసంలో కలిసి వివాహ ఆహ్వానం అందజేశారు.
మేఘా ఆకాష్ - సాయి విష్ణు జంటను ఆశీర్వదించిన రజినీకాంత్ వారితో కలిసి ఫోటోలు దిగారు. అనంతరం కాసేపు వారితో ముచ్చటించి అక్కడి నుంచి బయలుదేరి వెళ్లారు. రజినీతో పేట సినిమాలో నటించిన మేఘా ఆకాష్ తాను ఎప్పటికీ రజినీ అభిమానినని తన ఇన్‌స్టాగ్రామ్‌లో పోస్ట్ చేశారు. తెలుగులో మేఘా ఆకాష్ నితిన్ తో కలసి లై, చల్ మోహన్ రంగ అనే చిత్రంలో నటించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి