మెగా ఫ్యామిలీలో పెళ్లి బాజాలు మెగబోతున్నాయా..? అవుననే సంకేతాలే వస్తున్నాయి. మెగా ప్రిన్స్ వరుణ్ తేజ్ పెళ్ళి కొడుకు అవుతున్నాడట. అది కూడా స్టార్ హీరో అల్లుడిగా అడుగుపెట్టబోతున్నాడట. మరి ఇందులో నిజమెంత..? ఎవరా స్టార్ హీరో.
టాలీవుడ్ లో వరుసగా పెళ్లి బాజాలు మోగుతున్నాయి. యంగ్ స్టార్స్ చాలా మంది ఒక ఇంటివారు అవుతున్నారు. ఈరెండు మూడు ఏళ్లలో నిఖిల్, నితిన్ లాంటి హీరోలతో పాటు రీసెంట్ గా యంగ్ హీరో నాగశౌర్య కూడా ఒక ఇంటివాడు అయ్యాడు. ఈక్రమంలో మోస్ట్ ఎలిజిబుల్ బ్యాచిలర్లుగా ఉన్న శర్వానంద్, వరుణ్ తేజ్ లు కూడా త్వరలో తమ తమ లైఫ్ పార్ట్ మెడలో మూడు మూళ్లు వేయబోతున్నారట.
వరుణ్ తేజ్ పెళ్లి గురించి చాలా కాలంగా రకరకాల రూమర్స్ వినిపిస్తూనే ఉన్నాయి. ఎప్పుడో ఒక సారి నాగబాబును అడిగితే.. పిల్లల మనసులునొచ్చుకోకుండా నచ్చినవారితో పెళ్లి చేస్తానన్నారు. సరిగ్గా అప్పుడే లావణ్య త్రిపాఠిని వరుణ్ తేజ్ ప్రేమిస్తున్నాడని. పెళ్లి కూడా చేసుకోబోతున్నాడన్న రూమర్స్ బయటకు వచ్చాయి.
ఈ క్రమంలోనే నాగబాబు కూడా వరుణ్ కు సీరియస్ వార్నింగ్ ఇచ్చినట్టు రూమర్స్ బయటకు వచ్చాయి. ఈ వార్త మీద ఫిల్మ్ సర్కిల్ లో పెద్ద చర్చ నడిచింది. దాంతో వరుణ్ తేజ్ కు త్వరగా పెళ్లి చేసేయాలి అని నిర్ణయించుకున్నాడట నాగబాబు.
ఎలాగో ఇంటి ఆడపిల్ల నిహారిక పెళ్ళి జరిగిపోయింది. వరుణ్ తేజ్ పెళ్ళి మాత్రం కొన్ని రోజులు ఆపాలకున్నారు. కాని ఈ పరిస్థితుల్లో వెంటనే వరుణ్ తేజ్ కు పెళ్లి చేయాలని ఆలోచిస్తున్నాడంట నాగబాబు.
ఇందుకోసం ఇప్పటికే చాలా పెద్ద పెద్ద సంబంధాలను లైన్ లో పెడుతున్నాడంట. అయితే తమ కుటుంబానికి అత్యంత సన్నిహితులుగా ఉండే దగ్గుబాటి కుటుంబంతో వియ్యం అందుకోవాలని నాగబాబు ఆశిస్తున్నాడంట. ఇందులో భాగంగానే వెంకటేష్ చిన్న కూతురు హయావాహినితో వరుణ్ తేజ్ పెళ్లి చేయాలని అనుకుంటున్నాడంట.
ఇప్పటికే ఇరుకుటుంబాలు దీనిపై చర్చలు జరుపుతున్నట్టు తెలుస్తోంది. వెంకటేష్ తో నాగబాబు మాట్లాడటం కూడా అయిపోయినట్టు సమాచారం. మరి ఫైనల్ గా ఏం తేల్చారో తెలియదు కాని... దీనిపై త్వరలోనే ఒక క్లారిటీ వచ్చే అవకాశం కనిపిస్తోంది. ది.