శాకుంతలం లుక్ పై ఇంట్రెస్టింగ్ డిటైల్స్... ఆ జ్యువెలరీ సంస్థ సమంతను అద్భుతంగా మార్చేశారట! 

శాకుంతలం చిత్రాన్ని అన్ని విధాలా క్యాష్ చేసుకుంటున్నారు టీం. సినిమాలో సమంత ధరించిన నగలు డిజైన్ చేసింది ఓ డైమండ్ జ్యువెలరీ సంస్థ అట. సదరు సంస్థను ప్రోమోట్ చేస్తూ ఓ పోస్టర్ వదిలారు.   

పౌరాణిక లుక్ కోసం సమంత చాలా కష్టపడ్డారు. శకుంతల మేనరిజం సాధించేందుకు ఎక్స్పర్ట్స్ పర్యవేక్షణలో సమంత శిక్షణ తీసుకున్నారు. ఇక శకుంతలగా సమంత అందాన్ని ఇనుమడింప చేసిన నగల వెనుక ఓ సంస్థ ఉందట. వసుధార జువెలర్ బ్రాండ్ శాకుంతలం నగలను డిజైన్ చేశారట. ఈ విషయాన్ని తెలియజేస్తూ ఓ పోస్టర్ విడుదల చేశారు. 

కాగా లేడీ ఓరియెంటెడ్ చిత్రాలు భారీ బడ్జెట్ తో తెరకెక్కించడం చాలా రిస్క్ తో కూడుకున్న వ్యవహారం. సినిమాకు బ్లాక్ బస్టర్ టాక్ వస్తేనే వసూళ్లు సాధ్యం అవుతాయి. సమంతకు మార్కెట్ కి రెండు రెట్లు అధిక బడ్జెట్ తో శాకుంతలం తెరకెక్కిస్తున్నారు. సమంత ఫేమ్, గుణశేఖర్ టేకింగ్ మాత్రమే శాకుంతలం చిత్రాన్ని విజయ తీరాలకు చేర్చాల్సి ఉంటుంది. 

శాకుంతలం ఒక పౌరాణిక చిత్రం.  కథ అందరికీ తెలిసిందే. విజువల్స్ ప్రధానంగా మూవీ తెరకెక్కించారు. షూటింగ్ మొత్తం సెట్స్ లో పూర్తి చేశారు. చిత్రీకరణకు ఎక్కువ సమయం పట్టలేదు. అయితే పోస్ట్ ప్రొడక్షన్ కోసం బాగా కష్టపడుతున్నారు. ప్రోమోలు చూశాక అర్థమైంది ఏంటంటే.. ప్రతి సన్నివేశానికి విజువల్ ఎఫెక్ట్స్ వాడారు. పౌరాణిక పాత్ర అయిన శకుంతలది ఎమోషనల్ జర్నీ. దుష్యంతుడితో ప్రేమలో పడిపిన కారణంగా ఆమె ఎన్ని కష్టాలు పడ్డారనేది ప్రధాన అంశం. 

ఒక విధంగా చెప్పాలంటే 60-70ల కాలంలో వచ్చిన ఎమోషనల్ ఫ్యామిలీ డ్రామా ఫార్మాట్ లో ఉంటుంది. ఈ సబ్జెక్ట్ ఈ తరం ప్రేక్షకులను  ఈ మేరకు ఆకట్టుకుంటుందో చూడాలి.  ఎంటర్టైన్మెంట్ బిజినెస్ లో వచ్చిన మార్పులు కారణంగా గతంతో పోల్చితే నిర్మాతలు ఒకింత సేఫ్ జోన్లో ఉంటున్నారు. థియేటర్స్ లో సినిమా ఆడకపోయినా డిజిటల్ రైట్స్ రూపంలో కొంత అమౌంట్ దక్కుతుంది. అలాగే శాటిలైట్ రైట్స్ ద్వారా మరికొంత డబ్బు వస్తుంది. 

Samantha

శాకుంతలం ఫిబ్రవరి 17న వరల్డ్ వైడ్ గ్రాండ్ గా విడుదల చేస్తున్నారు. ఐదు భాషల్లో శాకుంతలం విడుదల కానుంది. మలయాళ నటుడు మోహన్ దేవ్ సమంతకు జంటగా నటిస్తున్నాడు. మోహన్ బాబు ఓ కీలక రోల్ చేస్తున్నారు. మణిశర్మ సంగీతం అందిస్తున్నారు.