Mahesh babu-Ram Charan: మహేష్‌ బాబు చేయాల్సిన కథ రామ్‌ చరణ్‌కి.. ఇప్పటి వరకు చూడని యాక్షన్‌ మూవీ

Mahesh babu-Ram Charan: రామ్‌ చరణ్‌ ఓ భారీ యాక్షన్‌ మూవీకి గ్రీన్‌ సిగ్నల్‌ ఇచ్చారని, మహేష్‌ బాబు చేయాల్సిన మూవీని చరణ్‌ చేయబోతున్నట్టు సమాచారం.

maheshbabu, ram charan

Mahesh babu-Ram Charan: ఒక హీరో చేయాల్సిన కథని మరో హీరో చేయడం కామన్‌గానే జరుగుతుంది. ఆ హీరో ఒప్పుకోకపోవడంతో మరో హీరోని దర్శకులు అప్రోచ్‌ అవుతుంటారు. ఈ క్రమంలో తాజాగా మహేష్‌ బాబు చేయాల్సిన ఓ కథ ఇప్పుడు రామ్‌ చరణ్‌ వద్దకు వచ్చిందట. దీనికి ఆయన ఓకే చెప్పినట్టుగా తెలుస్తుంది. మరి ఆ కథేంటి? ఆ దర్శకుడు ఎవరు? అసలేం జరిగిందనేది చూస్తే. 

రామ్‌ చరణ్‌ ఇటీవలే `గేమ్‌ ఛేంజర్‌`తో ఆడియెన్స్ ముందుకు వచ్చారు. ఈ సినిమా బాక్సాఫీసు వద్ద డిజప్పాయింట్‌ చేసింది. ఇప్పుడు బుచ్చిబాబు దర్శకత్వంలో ఆర్‌సీ16 మూవీ చేస్తున్నారు. ప్రస్తుతం ఇది చిత్రీకరణ దశలో ఉంది. రెండు రోజుల క్రితమే తన కూతురు క్లీంకారతో సహా చరణ్‌ షూటింగ్‌లో పాల్గొన్నారు. మైత్రీ మూవీ మేకర్స్ నిర్మిస్తున్న ఈ చిత్రంలో జాన్వీ కపూర్‌ హీరోయిన్‌గా నటిస్తుంది. శివ రాజ్‌ కుమార్‌ కీలక పాత్ర పోషిస్తున్నారు. 

ఆ తర్వాత సుకుమార్‌ దర్శకత్వంలో సినిమా చేయనున్నారు చరణ్‌. ఇది వచ్చే ఏడాది ప్రారంభమయ్యే అవకాశం ఉంది. దీంతోపాటు సందీప్‌ రెడ్డి వంగాతోనూ మూవీ అంటూ రూమర్స్ వినిపిస్తున్నాయి. గత కొన్ని రోజులుగా ఈ రూమర్‌ నెట్టింట చక్కర్లు కొడుతుంది. దీనికితోడు సందీప్‌ రెడ్డి వంగా తన ఆఫీస్‌లో చిరంజీవి ఫోటో పెట్టుకోవడం, ఇటీవల మెగా ఫ్యామిలీని సందీప్‌ కలవడంతో ఆ రూమర్స్ బలంగా వినిపిస్తున్నాయి. 

Sandeep Reddy Vanga

ఇదిలా ఉంటే తాజాగా మరో ఆసక్తికర అప్‌ డేట్‌ వినిపిస్తుంది. ఆ మధ్య సందీప్‌ రెడ్డి వంగా మహేష్‌ బాబుతో సినిమా చేయాలని ప్లాన్‌ చేశారు. కానీ కథ విషయంలో సెట్ కాలేదు. ఆ కథనే రామ్‌ చరణ్‌కి చెప్పారని, చరణ్‌ చేయడానికి రెడీగానే ఉన్నట్టు తెలుస్తుంది. ఇది భారీ యాక్షన్‌ మూవీ అని, చరణ్‌ గతంలో ఎప్పుడూ చేయని విధంగా ఈ మూవీ ఉండబోతుందని తెలుస్తుంది. ప్రస్తుతం ఈ విషయమే హాట్‌ టాపిక్‌ అవుతుంది. మరి ఇందులో నిజమెంతా అనేది తెలియాల్సి ఉంది. ఇది కూడా రూమరేనా అనేది ఇంట్రెస్టింగ్‌గా మారింది. 

maheshbabu, ram charan

అయితే సందీప్‌ రెడ్డి వంగా త్వరలో ప్రభాస్‌తో `స్పిరిట్‌` మూవీ చేయాల్సి ఉంది. అనంతరం అల్లు అర్జున్‌తో సినిమా చేయాలి. ఆ తర్వాతనే రామ్‌చరణ్‌ మూవీ ఉండే అవకాశం ఉంది. దీనికి రెండుమూడేళ్లు పట్టినా ఆశ్చర్యం లేదు. ఏదేమైనా సందీప్‌ రెడ్డి వంగాతో రామ్‌ చరణ్‌ మూవీ అంటే ఫ్యాన్స్ కి ఫీస్ట్ అనే చెప్పాలి. ఈ రూమర్‌ అయితే మెగా ఫ్యాన్స్ ని హ్యాపీగా చేస్తుంది. నిజమైతే వారి సంతోషానికి అవదుల్లేవని చెప్పొచ్చు.