గుర్తు పట్టలేం, మరీ వైల్డ్ గా మారిపోయిన మహేష్ బాబు..లుక్కు మాత్రం అరాచకం

సూపర్ స్టార్ మహేష్ బాబు నెక్స్ట్ మూవీ కోసం ఫ్యాన్స్ మొత్తం వెయిటింగ్. ఎందుకో ప్రత్యేకంగా చెప్పనవసరం లేదు. మహేష్ తదుపరి చిత్రం దర్శకధీరుడు రాజమౌళితో ఉండబోతోంది. అత్యంత భారీ బడ్జెట్ లో పాన్ వరల్డ్ మార్కెట్ ని టార్గెట్ చేసేలా ఈ చిత్రం ఉండబోతోందని ఆల్రెడీ హింట్స్ ఇచ్చేశారు. దీనితో ఈ చిత్రం ఎప్పుడెప్పుడు ప్రారంభం అవుతుందా అని అంతా ఎదురుచూస్తున్నారు. 

మహేష్ బాబు ఈ ఏడాది సంక్రాంతికి గుంటూరు కారం చిత్రంతో సందడి చేశారు. అయితే ఆ చిత్రం ఆశించిన స్థాయిలో సక్సెస్ కాలేదు. ప్రస్తుతం మహేష్ బాబు రాజమౌళి చిత్రం కోసం తన మేకోవర్ మార్చుకుంటున్నారు. కొన్ని నెలలుగా మహేష్ అదే పనిలో ఉన్నారు. 

మహేష్ ఎయిర్ పోర్ట్ లో కనిపిస్తున్న దృశ్యాలు సోషల్ మీడియాలో వైరల్ అవుతున్నాయి. గుబురు గడ్డంతో కనిపిస్తున్నారు. జుట్టు పొడవుగా పెంచుతున్నారు. అయితే తాజాగా మహేష్ బాబు తన ఫ్యామిలీ కలసి ఎయిర్ పోర్ట్ లో కనిపించారు. మహేష్ లేటెస్ట్ లుక్ గురించి ఒక్క మాటలో చెప్పాలంటే.. అరాచకం అని చెప్పొచ్చు. 

ఎవ్వరూ గుర్తుపట్టలేనంతగా మహేష్ బాబు మారిపోయాడు. మరీ వైల్డ్ లుక్ లో కనిపిస్తున్నాడు. జక్కన్న పెద్ద ప్లాన్ లోనే ఉన్నాడు అంటూ మహేష్ బాబు లుక్ పై కామెంట్స్ వినిపిస్తున్నాయి. అటవీ నేపథ్యంలో వరల్డ్ మొత్తం చుట్టివచ్చే వీరుడి కథ అంటూ ఆల్రెడీ హింట్స్ వచ్చాయి. వైల్డ్ లైఫ్ లో జరిగే కథ కాబట్టి లుక్ కూడా వైల్డ్ గా ఉండబోతోందా అనే అనుమానాలు వినిపిస్తున్నాయి. మహేష్ లేటెస్ట్ లుక్ మాత్రం ఎవ్వరూ ఊహించని విధంగా ఉంది.