అతి తక్కువ ప్రాయంలోనే అనేక సామాజిక విషయాలపై ఆమెకు అవగాహన ఉంది. ఇక సితార సోషల్ మీడియాలో చాలా యాక్టీవ్. ఎప్పటికప్పుడు ఫ్యామిలీ టూర్స్, వెకేషన్స్ కి సంబంధించిన అప్డేట్స్ ఇస్తూ ఉంటుంది. తరచుగా ఆమె ఇంస్టాగ్రామ్ లో ఫోటోలు అప్లోడ్ చేస్తుంది.
సితార ఇంస్టాగ్రామ్ ఫాలోయర్స్ సంఖ్య తెలిస్తే మైండ్ బ్లాక్ కావాల్సిందే. ఏకంగా హాఫ్ మిలియన్ నెటిజెన్స్ ఆమెను ఫాలో అవుతున్నారు. ఒక చిన్నారికి ఐదు లక్షల మంది అనుచరులు ఉన్నారంటే అది మామూలు విషయం కాదు. ఇది ఒక రికార్డు కూడా. ఇండియాలో మహేష్ (Mahesh Babu)కూతురు సితారకు ఉన్నంత మంది ఇంస్టాగ్రామ్ ఫాలోవర్స్ మరో స్టార్ కిడ్ కి లేరు.
సితార పేరున ఓ యూట్యూబ్ ఛానల్ ఉంది. సదరు ఛానల్ లో పలు ట్రావెల్, సోషల్ అవేర్నెస్ వీడియోలు పోస్ట్ చేస్తుంది. సీతారకు దర్శకుడు వంశీ పైడిపల్లి కూతురు ఆద్య క్లోజ్ ఫ్రెండ్. వీరిద్దరూ కలిసి ఈ యూట్యూబ్ ఛానల్ నడుపుతున్నారు. మట్టి వినాయకుడిని పూజించాలి, పర్యావరణాన్ని కాపాడాలి అంటూ సోషల్ మెసేజ్ వీడియోలు అప్లోడ్ చేస్తూ ఉంటారు.
ఇక ఇంస్టాగ్రామ్ లో సితార పంచుకునే ఫోటోలు, వీడియోలు వైరల్ అవుతూ ఉంటాయి. మహేష్ సాంగ్స్ కి డాన్స్ చేస్తూ వీడియోలు చేయడం సీతారకు భలే సరదా. అప్పుడప్పుడు తన సింగింగ్ వీడియోలు కూడా అప్లోడ్ చేస్తూ ఉంటారు.
మహేష్ కొడుకు గౌతమ్ (Gautham) సితారకు పూర్తి విరుద్ధం. గౌతమ్ అసలు సోషల్ మీడియాను ఫాలో కాడు. అతడికి అకౌంట్స్ ఉన్నాయో లేవో కూడా తెలియదు. ఆ ఫ్యామిలీ లో నమ్రత, మహేష్, సితార సోషల్ మీడియాలో సూపర్ యాక్టీవ్ గా ఉంటారు. వాళ్ళ ఫోటోలలో గౌతమ్ కనిపిస్తూ ఉంటారు.
సితార పేరెంట్స్ తో పాటు దుబాయ్ వెళ్లారు. మహేష్ సితారతో కలిసి దుబాయ్ వీధుల్లో చక్కర్లు కొట్టారు. షాపింగ్స్ చేస్తూ, సినిమాలు చూస్తూ ఫుల్ ఎంజాయ్ చేశారు. వారి దుబాయ్ వెకేషన్ ఫోటోలు సోషల్ మీడియాలో పంచుకోగా వైరల్ కావడం జరిగింది.