Lokesh Kanagaraj: సోషల్ మీడియాకి గుడ్ బై చెప్పిన లోకేష్ కనకరాజ్.. దిల్ రాజు హీరోకి షాక్ తప్పదా ?

లోకేష్ కనకరాజ్ ఇప్పుడు ఇండియా వ్యాప్తంగా మోస్ట్ వాంటెడ్ డైరెక్టర్. స్టార్ హీరోలంతా అతడితో సినిమా చేసేందుకు ఎప్పుడంటే అప్పుడు రెడీగా ఉన్నారు. లోకేష్ కనకరాజ్ తీస్తున్న సినిమాలు అలాంటివి. కథతో సంబంధం లేకుండా తన స్క్రీన్ ప్లే అండ్ యాక్షన్ తో ప్రేక్షకులని అరెస్ట్ చేసి పారేస్తున్నాడు. 

ఇటీవల లోకేష్ కనకరాజ్, లోకనాయకుడు కమల్ హాసన్ కాంబోలో వచ్చిన విక్రమ్ చిత్రంలో రీ సౌండింగ్ విక్టరీ అందుకుంది. తమిళ సినిమా హిస్టరీలోనే బిగ్గెస్ట్ హిట్ చిత్రాలలో ఒకటిగా నిలిచింది. కమల్ హాసన్ మునుపటి జోరు అందుకుంటారా అనే అనుమానాలు కలుగుతున్న నేపథ్యంలో విక్రమ్ చిత్రం విజృంభించింది. కమల్ హాసన్ స్టార్ పవర్ ని మరోసారి చూపించింది. 

సినిమా బిగినింగ్ నుంచి ఎండింగ్ వరకు ప్రేక్షకులకు విక్రమ్ అద్భుతమైన థ్రిల్లింగ్ అనుభూతి ఇచ్చింది. దీనితో లోకేష్ కనకరాజ్ తదుపరి చిత్రం ఏంటనే చర్చ జోరుగా సాగుతోంది. ఇలాంటి తరుణంలో అభిమానులకు లోకేష్ కనకరాజ్ స్వీట్ షాక్ ఇచ్చాడు. తాను సోషల్ మీడియాకి దూరం అవుతున్నట్లు లోకేష్ ప్రకటించాడు. అయితే అది తాత్కాలికంగానే అని చెప్పడం ఫ్యాన్స్ కి ఊరట కలిగించే అంశం. 

హాయ్ నేను నా అన్ని సోషల్ మీడియా ఫ్లాట్ ఫామ్స్ నుంచి బ్రేక్ తీసుకుంటున్నాను. న అతదుపరి చిత్ర ప్రకటనతో మీ ముందుకు వస్తాను.అప్పటి వరకు టేక్ కేర్ అంటూ లోకేష్ ట్వీట్ చేశారు. విక్రమ్ తర్వాత లోకేష్ చేయబోయే చిత్రం దళపతి విజయ్ తో అని ఇప్పటికే ఓ సమాచారం ఉంది. మళ్ళి ఇప్పుడు లోకేష్ నా తదుపరి చిత్ర ప్రకటన ఉంటుందని చెప్పడంతో అనుమానాలు మొదలయ్యాయి. 

ప్రస్తుతం విజయ్.. దిల్ రాజు నిర్మాణంలో వంశీ పైడిపల్లి దర్శకత్వంలో 'వారసుడు' అనే చిత్రంలో నటిస్తున్నాడు. ఈ చిత్రం పూర్తి కావడానికి ఇంకా టైం పడుతుంది. ఈ లోపు లోకేష్ మరో ప్రాజెక్టు చేయాలనుకుంటున్నారా అనే చర్చ జరుగుతోంది. లేక విజయ్ చిత్రాన్ని తాత్కాలికంగా పక్కన పెట్టారా  అని కూడా ఫ్యాన్స్ చర్చించుకుంటున్నారు. 

లోకేష్ నెక్స్ట్ మూవీపై ఎలాంటి అధికారిక సమాచారం లేదు. మరి లోకేష్ ఎలాంటి సర్ప్రైజ్ ఇస్తాడో చూడాలి. లోకేష్ ఏ హీరోతో నెక్స్ట్ సినిమా చేసినా అది సౌత్ లో క్రేజీ ప్రాజెక్టు కావడం ఖాయం. లోకేష్ గురించి బాలీవుడ్ లో కూడా చర్చ జరుగుతోంది.