`కుర్చీ తాత` మరోసారి రెచ్చిపోయాడు. ఆయన బాలకృష్ణ సినిమాకి భారీ హైప్‌ ఇచ్చాడు. ఈ క్రమంలో రామ్‌ చరణ్‌, `గేమ్‌ ఛేంజర్‌`పై ఆయన క్రేజీగా కామెంట్ చేశారు.
కుర్చీ తాత(Sheikh Ahmed Shasha).. `ఆ కుర్చీని మడత పెట్టి` అనే డైలాగ్‌తో పాపులర్‌ అయ్యారు. సోషల్‌ మీడియా పుణ్యామా అని సెలబ్రిటీ అయిపోయాడు కుర్చీ తాత. ఆయనకు వచ్చిన క్రేజ్‌ అంతా ఇంతా కాదు. ఓవర్‌ నైట్‌లో పాపులర్‌ అయిపోయాడు. ఆ పాపులారిటీని మరింత పెంచారు మహేష్‌ బాబు, త్రివిక్రమ్.
`గుంటూరు కారం` సినిమాలో ఏకంగా `ఆ కుర్చీని మడత పెట్టి` అంటూ పాటనే పెట్టారు. మహేష్‌ బాబు, శ్రీలీల మీద వచ్చే ఈ పాట ఉర్రూతలూగించింది. అత్యధిక వ్యూస్ సాధించిన పాటగా నిలిచింది. ఈ దెబ్బతో కుర్చీతాత కూడా సెలబ్రిటీ అయిపోయాడు.
ఆ మూవీ తర్వాత కుర్చీ తాతని ఎవరూ పట్టించుకోలేదు. అడపాదడపా యూట్యూబ్‌ ఛానెల్స్ ఆయన బైట్లు తీసుకుంటూ హడావుడి చేశాయి. అయితే `గుంటూరు కారం` తర్వాత కుర్చీతాతకి సినిమా ఆఫర్లు వస్తాయని భావించారు. కానీ ఎవరూ పెద్దగా ఎంకరేజ్‌ చేయడం లేదు. ఇప్పటికీ అదే పేదరికంలో ఉన్నాడు. డబ్బుల కోసం దొంగతనాలు చేశాడనే వార్తలు కూడా వచ్చాయి.
ఈ నేపథ్యంలో ఇప్పుడు చాలా రోజుల తర్వాత మరోసారి వార్తల్లో నిలుస్తున్నారు. బాలయ్య నటించిన `డాకు మహారాజ్‌`, రామ్‌ చరణ్‌ నటించిన `గేమ్‌ ఛేంజర్‌`సినిమాలపై ఆయన స్పందించారు. ఓ రేంజ్‌లో రెచ్చిపోయాడు. బాలకృష్ణపై తన అభిమానాన్ని చాటుకున్నారు కుర్చీతాత.
`డాకు మహారాజ్‌`కి ఓ రేంజ్‌లో హైప్‌ ఇచ్చాడు. ఈ క్రమంలో రామ్‌ చరణ్‌ `గేమ్‌ ఛేంజర్‌`పై విమర్శలు చేశారు. తనదైన స్టయిల్‌లో బూతు డైలాగులతో రెచ్చిపోయాడు.
`గేమ్‌ ఛేంజర్‌ గేమ్‌ ఛేంజర్‌` అంటున్నరు వాడేమన్నా ఆకాశం నుంచి పుట్టిండా. బాలకృష్ణ సినిమా ముందట బొ.. పీ అంటూ హాట్‌ కామెంట్ చేశాడు. బాలకృష్ణ డైలాగ్‌ కొడితే ఉ.. పడుతది` అంటూ రెచ్చిపోయాడు కుర్చీతాత. మీసాలు తిప్పుతూ తనదైన స్టయిల్‌లో మాస్‌గా రియాక్ట్ అయ్యారు. ప్రస్తుతం ఈ వీడియో వైరల్‌ అవుతుంది. అయితే దీన్ని అంతా ఫన్నీ వేలో తీసుకోవడం విశేషం.
రామ్‌ చరణ్‌ నటించిన `గేమ్‌ ఛేంజర్‌` చిత్రం ఈ నెల 10న విడుదల కాబోతుంది. శంకర్‌ దర్శకత్వం వహించిన ఈ చిత్రాన్ని దిల్ రాజు నిర్మించారు. కియారా అద్వానీ, అంజలి హీరోయిన్లు. ఎస్‌ జే సూర్య, శ్రీకాంత్‌, సునీల్‌, సముద్రఖని ముఖ్య పాత్రలు పోషించారు.
మరోవైపు బాలయ్య నటించిన `డాకు మహారాజ్‌`కి బాబీ దర్శకుడు. ప్రగ్యా జైశ్వాల్‌, శ్రద్ధా శ్రీనాథ్‌ హీరోయిన్లు. బాబీ డియోల్‌ విలన్‌. నాగవంశీ, సాయి సౌజన్య నిర్మాతు. ఈ మూవీ జనవరి 12న విడుదల కానుంది.
read more: `డాకు మహారాజ్‌` థియేట్రికల్‌ ప్రీ రిలీజ్‌ బిజినెస్‌ లెక్కలు, బాలయ్య కెరీర్‌లోనే హైయ్యెస్ట్
also read: ‘గేమ్‌ ఛేంజర్‌’: తెలంగాణలో టికెట్‌ రేట్లు పెంపు పై దిల్ రాజు కామెంట్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి