డార్లింగ్‌ ప్రభాస్‌కి ఎంతో మంది అమ్మాయిల ఫాలోయింగ్‌ ఉంది. ఆయన కటౌట్‌కి, లుకింగ్‌కి ఫిదా అయిన వారెందరో ఉన్నారు. కోట్లాది మంది డ్రీమ్‌ బాయ్‌. అలాంటిది హీరోయిన్లకి నచ్చడా.. కచ్చితంగా నచ్చుతాడు. కానీ కృతి సనన్‌కి మాత్రం ఆయన్ని వెనకేసుకొచ్చేంతగా నచ్చాడు.
ప్రభాస్, కృతి సనన్‌ కలిసి ప్రస్తుతం `ఆదిపురుష్‌` చిత్రంలో నటిస్తున్నారు. ఓం రౌత్‌ దర్శకత్వంలో రూపొందుతున్న చిత్రమిది. రామాయణం ఆధారంగా తెరకెక్కుతున్న చిత్రమిది. తెలుగు, హిందీలో పాన్‌ ఇండియా చిత్రంగా రూపొందుతుంది. ఇందులో రాముడిగా ప్రభాస్, సీతగా కృతి సనన్‌, రావణుడిగా సైఫ్‌ అలీ ఖాన్‌, లక్ష్మణుడిగా సన్నీసింగ్‌ నటిస్తున్నారు.
శరవేగంగా చిత్రీకరణ జరుపుకుంటోంది. ఈ సినిమా కోసం ప్రభాస్, కృతి సనన్‌ రిహార్సల్స్ లో పాల్గొంటున్నారు. ఈ సందర్భంగా కారులో వెళ్తున్న దృశ్యాలు ప్రస్తుతం సోషల్‌ మీడియాలో చక్కర్లు కొడుతున్నాయి.
తాజాగా ప్రభాస్‌తో కలిసి నటించడంపై కృతి సనన్‌ స్పందించింది. ఆయనతో వర్క్ అనుభవాలను పంచుకుంది. ఈ సందర్బంగా ప్రభాస్‌ని కృతి సనన్‌ వెనకేసుకుని రావడం విశేషం. చాలా కాలంగా ప్రభాస్‌తో వర్క్ చేయాలని అనుకుంటున్నట్లు, ఇప్పుడా కోరిక తీరిందని పేర్కొన్నారు.
`ప్రభాస్ చాలా పొడవుంటాడు. మేమిద్దరం ప్రొఫెషనల్‌ కాస్టూమ్స్‌లో ఉన్నప్పుడు మా జంట మరింత బాగుంటుంది. మొదటి షెడ్యూల్‌లో తొలిసారి ప్రభాస్‌తో షూటింగ్‌లో పాల్గొన్నాను. ఇప్పుడు అతనితో మరో షెడ్యూల్‌ చేయబోతున్నాను. అతను చాలా సరదా వ్యక్తి. మంచివాడు. ఎంతో వినయస్తుడు. భోజన ప్రియుడు` అని చెప్పింది.
అన్ని విషయాలు ఓపెన్‌గానే చెప్పిన కృతి ఆయనకు సంబంధించిన ఓ సీక్రెట్‌ బయపెట్టింది. `ప్రభాస్ చాలా బిడియస్తుడని, ఎవరితో ఎక్కువగా మాట్లాడడని అందరూ అనుకుంటారు. కానీ అది అస్సలు నిజమని నేను అనుకోను. అతను చాలా బాగా మాట్లాడతాడు. అతనితో నాకు మంచి సన్నిహిత్యం ఉంది` అని వెల్లడించింది కృతి.
`ఆదిపురుష్‌` వచ్చే ఏడాది ఆగస్ట్ 11న విడుదల కానుంది. దీంతోపాటు ప్రభాస్ ప్రస్తుతం `ఆదిపురుష్‌`తోపాటు `రాధేశ్యామ్‌` చిత్రంలో నటిస్తున్నారు. సంక్రాంతికి రాబోతుంది. మరోవైపు ప్రశాంత్‌ నీల్‌ దర్శకత్వంలో `సలార్‌`లో నటిస్తున్నారు ప్రభాస్.
అలాగే కృతి సనన్‌ `హమ్‌ దో హమారే దో`,`బచ్చన్‌ పాండే`, `భెడియా` చిత్రంలో నటిస్తూ బిజీగా ఉంది. డిఫరెంట్‌ జోనర్‌ చిత్రాలు చేస్తూ తనకంటూ సొంతంగా ఇమేజ్‌ని క్రియేట్‌ చేసుకుంటోంది.
కృతి సనన్‌ ఇటీవల `మిమి` చిత్రంలో నటించింది. ఈ సినిమాలో ఆమె గర్భవతిగా చేసిన సందడి అంతా ఇంతా కాదు. బాలీవుడ్‌ మొత్తం ఆమె నటనపై ప్రశంసలు కురిపించింది.
కమర్షియల్‌ హీరోగానే కాకుండా నటిగానూ తనని కొత్తగా ఆవిష్కరించుకునే ప్రయత్నం చేస్తుంది. అందుకే నటనకు ప్రయారిటీ కలిగిన పాత్రలు చేస్తుంది.