మంచు విష్ణు చేస్తున్న `కన్నప్ప` మూవీ ముందు ప్రభాస్‌ చేయాల్సిందా? విష్ణు వద్దకు ఎలా వచ్చింది? మోహన్‌ బాబు, కృష్ణంరాజు ల మధ్య ఏం జరిగిందనేది చూస్తే,
మైథలాజికల్‌ అంశాలతో మంచు విష్ణు `కన్నప్ప` సినిమా చేస్తున్నాడు. ఇందులో తనే మెయిన్‌ లీడ్‌గా చేస్తున్నాడు. కన్పప్ప పాత్రలో కనిపించబోతున్నారు మంచు విష్ణు. ముఖేష్‌ కుమార్‌ సింగ్‌ దర్శకత్వం వహించారు. మోహన్‌బాబు నిర్మించిన ఈ మూవీ చిత్రీకరణ దశలో ఉంది. తాజాగా టీజర్‌ని విడుదల చేశారు. దీనికి మంచి స్పందన లభించింది. అదే సమయంలో అంచనాలను రీచ్‌ కాలేకపోయింది.
ఈ నేపథ్యంలో ఓ ఆసక్తికర విషయం బయటకు వచ్చింది. `కన్నప్ప` సినిమా ముందు ఎవరు చేయాల్సింది, ఎవరి వద్దకు వెళ్లింది? ఎలా వెళ్లింది, మంచు మోహన్‌ బాబు, కృష్ణంరాజు మధ్య జరిగిన డిస్కషన్‌ ఏంటనేది తాజాగా రివీల్‌ అయ్యింది. మోహన్‌ బాబు ఆసక్తికర విషయాలను పంచుకున్నారు. ఇదే ఇప్పుడు హాట్‌ టాపిక్‌అవుతుంది.
`కన్నప్ప` సినిమాని గతంలో కృష్ణంరాజు చేశారు. `భక్త కన్నప్ప` పేరుతో ఈ మూవీ చేశారు. బాపు దర్శకత్వం వహించిన ఈ మూవీ 1976లో వచ్చింది. ఆకట్టుకుంది. ఇందులో కృష్ణంరాజు కన్నప్ప, అర్జున, తిన్నడు పాత్రల్లో మెరిశారు. వాణిశ్రీ, రావు గోపాల్‌రావు, అల్లు రామలింగయ్య వంటి వారు నటించారు. సినిమా పెద్ద హిట్‌.
`భక్త కన్నప్ప` ఓపెన్‌ స్టోరీ. ఎవరైనా తీయోచ్చు. కానీ సినిమా పరంగా మాత్రం సినిమా హక్కులు ప్రభాస్‌ తండ్రి సూర్యనారాయణ వద్ద ఉన్నాయి. `భక్త కన్నప్ప`ని ఆయనే నిర్మించారు. ఈ నేపథ్యంలో మోహన్‌బాబు కి కూడా ఆ మధ్య `కన్నప్ప` సినిమా చేయాలని అనిపించిందట. దీంతో కృష్ణంరాజుతో ఈ విషయాన్ని చర్చించారట. ఇలా కన్నప్ప మూవీ విష్ణుతో చేయాలనుకుంటున్నాను, మీ వద్ద సినిమా రైట్స్ ఉన్నాయని అడిగాడట మోహన్‌బాబు.
అంతే మరో మాట లేకుండా ఇచ్చేశాడట కృష్ణంరాజు. తన వద్ద ఉన్న కంటెంట్‌ కూడా ఇస్తానని మొత్తం ఇచ్చేశాడట. అయితే ఈ సందర్భంగా ఓ షాకింగ్‌ విషయం వెల్లడించాడు కృష్ణంరాజు. ఈ మూవీని తాను ప్రభాస్‌తో చేయాలనుకున్నాను, దానికోసమే వెయిట్‌ చేస్తున్నానని అసలు విషయం రివీల్‌ చేశాట. అయితే ఆ సమయంలో మోహన్‌బాబు వెనక్కి తగ్గాలనే ఫీలింగ్‌ కలిగినా, లేదు, విష్ణు కూడా తనకు మరో కొడుకు లాంటి వాడు, అతని కోసం ఇచ్చేస్తానని తెలిపాడట కృష్ణంరాజు. అలా ఈ మూవీ విష్ణుతో సెట్‌ అయ్యిందని వెల్లడించాడు. ఆయన గొప్పతనం ఏంటో అంతకంటే ఏం చెప్పాలని వెల్లడించారు మోహన్‌బాబు. టీజర్‌ లాంచ్‌ ఈవెంట్‌లో ఈ విషయం చెప్పాడు.
ఇక `కన్నప్ప` చిత్రం భారీ కాస్టింగ్‌తో రూపొందుతుంది. మంచు విష్ణుతోపాటు ప్రభాస్‌, మోహన్‌లాల్‌, అక్షయ్ కుమార్‌, శరత్‌ కుమార్‌, మోహన్‌బాబు, కాజల్‌, మధుబాల, బ్రహ్మానందం వంటి వారు నటిస్తున్నారు. భారీ బడ్జెట్‌తో, భారీ కాస్టింగ్‌తో తెరకెక్కిస్తున్నారు. ఈ మూవీకి సంబంధించిన అప్‌డేట్లు ప్రతి సోమవారం వస్తుంటాయని తెలిపారు మంచు విష్ణు. వీక్‌ బై వీక్‌ అప్‌డేట్స్ వస్తాయని సోమవారంని `కన్నప్ప` మండేగా పిలవబోతున్నామని చెప్పారు విష్ణు.
ఇక ఇందులో ప్రభాస్‌ పాత్ర గురించి చెబుతూ, ఆయన ఏ పాత్రలో కనిపించబోతున్నారనేది మున్ముందు వెళ్లడిస్తామని, మరో రెండు నెలల్లో ఆయన లుక్‌, పాత్ర డిటెయిల్స్ తో కూడా అప్‌ డేట్ వస్తుందన్నారు. ఆయన సినిమా మొత్తంలో కనిపిస్తారని వెల్లడించారు.