రెబల్ గా కనిపించే కృష్ణంరాజు ఎంతో మంచి మనసున్న వ్యక్తి.రెబల్ స్టార్ కాబట్టి కృష్ణం రోజులో మాస్ యాంగిల్ మాత్రమే కాదు.. రొమాంటిక్ యాంగిల్ కూడా ఉందట.
రెబల్ స్టార్ గా దివంగత నటులు కృష్ణం రాజు అభిమానులని ఎంతగా అలరించారో తెలిసిందే. కృష్ణం రాజు అంతే ఆతిథ్యానికి మరోపేరు అని ఇండస్ట్రీలో టాక్ ఉంది. ఇప్పుడు అదే అలవాటు ప్రభాస్ కి వచ్చింది. తన తో నటించే నటీనటులకు ప్రభాస్ తరచుగా విందు ఏర్పాటు చేస్తుంటారు.
రెబల్ గా కనిపించే కృష్ణంరాజు ఎంతో మంచి మనసున్న వ్యక్తి.రెబల్ స్టార్ కాబట్టి కృష్ణం రోజులో మాస్ యాంగిల్ మాత్రమే కాదు.. రొమాంటిక్ యాంగిల్ కూడా ఉందట. హీరోయిన్లతో రొమాన్స్ చేయాల్సి వస్తే తప్పకుండా చేస్తా.. నటించడమే కదా.. దాంట్లో భయం ఏముంది అని కృష్ణంరాజు అన్నారు.
కృష్ణంరాజు 1966లో చిలుక గోరింకా అనే చిత్రంతో హీరోగా ఎంట్రీ ఇచ్చారు. ఆ చిత్రంలో జరిగిన ఆసక్తికర విషయాన్ని కృష్ణంరాజు ఓ ఇంటర్వ్యూలో వివరించారు. నా ఫస్ట్ మూవీలో హీరోయిన్ కృష్ణ కుమారి గారు. ఆమె నాకంటే 6 ఏళ్ళు వయసులో పెద్ద. ఎన్టీఆర్, ఏఎన్నార్ లతో అప్పటికే 40 సినిమాల వరకు చేసింది.
ఆమె సీనియర్ కాబట్టి సెట్స్ లో అంతా టెన్షన్ పడుతున్నారు. నేనేమో కొత్త. ఈ కుర్రాడు ఆమెతో ఎలా నటిస్తాడు, ఎలా రొమాంటిక్ గా ఉంటాడు అని అంతా టెన్షన్ పడ్డారట. కానీ తనకి అలాంటి టెన్షన్ లేదని కృష్ణంరాజు అన్నారు. నాకన్నా పెద్ద హీరోయిన్ అయినప్పటికీ రొమాంటిక్ గానే చేశాను కదా అని అన్నారు.
అమర దీపం మూవీ వరకు అమ్మాయిలు తనకి లవ్ లెటర్స్ పంపేవారు అని అన్నారు. అమరదీపం తర్వాత తనకి అన్నయ్య అనే ఇమేజ్ వచ్చినట్లు కృష్ణంరాజు తెలిపారు.
కృష్ణంరాజు చివరగా ప్రభాస్ రాధే శ్యామ్ చిత్రంలో నటించారు. ఆ తర్వాత 2022లో ఆయన అనారోగ్యంతో మరణించిన సంగతి తెలిసిందే. కృష్ణంరాజు వారసుడిగా ఎంట్రీ ఇచ్చిన ప్రభాస్ పాన్ ఇండియా స్టార్ గా ఎదిగారు.