Krishna Mukunda Murari: కోడలికి షాకిచ్చిన భవాని.. మురారి గురించి నిజం తెలుసుకొని కన్నీరు పెట్టుకున్న కృష్ణ!

Krishna Mukunda Murari: స్టార్ మా లో ప్రసారమవుతున్న కృష్ణ ముకుంద మురారి సీరియల్ మంచి కంటెంట్ తో ప్రేక్షకుల హృదయాలని గెలుచుకుంటుంది. తను ప్రేమించిన వ్యక్తి మరొక స్త్రీని పెళ్లి చేసుకోవటం భరించలేకపోతున్న ఒక ప్రేమికురాలి కథ ఈ సీరియల్. ఇక ఈరోజు మే 3 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో మాట్లాడితే పెంచుకున్నాను.. పెంచుకున్నాను అంటారు ఏం పెంచుకున్నారు ద్వేషం పెంచుకున్నారు. ఇదే విషయాన్ని వెళ్లి అడిగేస్తాను అంటుంది కృష్ణ. వెళ్లి నీకేం అడగాలి అనిపిస్తే అది అడుగు అంటాడు మురారి. మీరు కూడా తోడు రావచ్చు కదా అంటుంది కృష్ణ. కొంగు బిగించి మరీ వెళ్తున్నావ్ కదా నువ్వు వెళ్ళు అని వెటకారంగా అంటాడు మురారి.

వెళ్తాను నాకేం భయమా అంటూ గుమ్మం వరకు వెళ్లి తుపాకీ గురిపెట్టిన భవాని గుర్తుకొచ్చి భయంతో వెళ్లి మురారి ఒడిలో పడుతుంది కృష్ణ. వెళ్తాను అన్నావ్ అని నవ్వుతూ అడుగుతాడు మురారి. ఆవిడ దగ్గర గన్ను ఉందని మర్చిపోయాను నన్ను షూట్ చేసేస్తుందేమో అంటుంది కృష్ణ. పెద్ద శివంగిలాగా బయలుదేరింది. అక్కడ ఒకటి ఇస్తే ఇక్కడికి వచ్చి పడతావ్ అంటాడు మురారి.

ఏమి ఇవ్వకుండానే ఇక్కడికి వచ్చి పడ్డాను అని నవ్వుతుంది కృష్ణ. మురారి కూడా ఆమెతో పాటు నవ్వుతాడు. అది చూసిన ముకుంద అసూయతో రగిలిపోతుంది. వాళ్ళిద్దరి మధ్య ఉన్న అగ్రిమెంట్ పేపర్ కృష్ణ చింపేసినట్టు.. వాళ్ళిద్దరి మధ్య బంధం శాశ్వతమైనట్లు కలగంటుంది. అలా జరగకూడదు పని గట్టిగా అరుస్తుంది ముకుంద. మళ్లీ వాళ్ళిద్దరూ ఏం చేస్తున్నారో చూడటానికి వస్తుంది.

కృష్ణ మురారి తలకి మసాజ్ చేయడం చూసి ఏడుస్తూ అక్కడ నుంచి వెళ్ళిపోతుంది ముకుంద. మరోవైపు ఇంట్లో వాళ్ళు ఎవరు మనతో మాట్లాడటం లేదు..ఇంట్లో బోర్ కొడుతుంది కాబట్టి మనం ఒక పని చేద్దాం అంటుంది కృష్ణ. ఏదైనా టూర్ ప్లాన్ చేద్దాం అంటాడు మురారి. అలాంటిది ఏమీ వద్దు ఒక కుక్కని పెంచుకుందాము దాన్ని వాకింగ్ కి తీసుకెళదాం..  టైం పాస్ అవుతుంది అంటుంది కృష్ణ.

అమాయకులు కుక్కల్ని వాకింగ్ కి తీసుకు వెళ్తున్నాం అనుకుంటారు కానీ నిజానికి అవే వాటి యజమానుల్ని వాకింగ్ కి తీసుకెళుతున్నాయి అంటాడు మురారి. అలా డిస్క్రైజ్ చేయకండి మనుషులకి మంచి మనస్తత్వంతో పాటు సునక తత్వం కూడా రావాలి అంటుంది కృష్ణ. అదేంటి అన్నట్లు మొహం పెడతాడు మురారి. అదేనండి విశ్వాసం అంటూ నవ్వుతుంది కృష్ణ.

ఆమె మాటలకు మురారి కూడా నవ్వుతాడు. మరోవైపు మాట్లాడకుండా తనకి సేవలు చేస్తున్న భార్యని మనకి నచ్చిన మనుషులు మనతో మాట్లాడకపోతే ఎంత బాధగా ఉంటుందో తెలుసా.. ఎదిగిన కొడుకు మాట వినకపోతే ఎంత బాధగా ఉంటుందో తెలుసా.. అవన్నీ నాకు తెలుసు తప్పు చేసిన బిడ్డకి శిక్ష విధించాము అంటాడు ఈశ్వర్. మీకు కోపం వచ్చి శిక్ష వేస్తే.. శిక్ష వాడితో పాటు మనం కూడా అనుభవిస్తున్నాము అది మీకు అర్థం అవ్వట్లేదు అంటుంది రేవతి. ఏది మంచో ఏది చెడో మాకు తెలుసు అంటాడు ఈశ్వర్. 

 నిజమే కానీ ఎవరు మంచో ఎవరు చెడో అర్థం చేసుకోలేకపోతున్నారు అంటుంది రేవతి. కోపంతో అక్కడినుంచి వెళ్ళిపోతాడు ఈశ్వర్. మరోవైపు నందిని పెళ్లికి పేమెంట్స్ ఇవ్వవలసిన వాళ్ళందరినీ ఇంటికి రమ్మంటుంది కృష్ణ. ఆన్లైన్లో  పే చేసే వాడిని కదా ఇదంతా ఎందుకు అంటాడు మురారి. డబ్బులు ఇవ్వవలసింది మీ పెద్దమ్మ కదా ఆ వంకతో అయినా మీతో మాట్లాడతారేమో  అందుకే ఈ ప్లాన్ వేసాను అంటుంది కృష్ణ. కృష్ణ ఫోన్ చేసిన వాళ్ళందరూ ఇంటికి వస్తారు. ఎంతయిందో ఏంటో అని భవాని, మురారితో మాట్లాడుతుందేమో అనుకుంటుంది ముకుంద. కానీ అందుకు విరుద్ధంగా డబ్బు తీసుకొచ్చి ముకుంద చేతిలో పెట్టి లెక్కలు సెటిల్ చేయమంటుంది భవాని.

వాళ్లందరూ వెళ్లిపోయిన తర్వాత నాకు కూతురే లేదు ఆ పెళ్లి నా చేతులు మీదుగా జరగలేదు. అందుకని పేమెంట్ ఇవ్వవలసిన అవసరం నాకు లేదు జీతం వచ్చిన తర్వాత అడుగు నాకు రిటన్ చేయమని చెప్పు అని రేవతికి చెప్తుంది భవాని. తన ప్లాన్ వర్క్ అవుట్ అవ్వలేనందుకు బాధపడుతుంది కావ్య. తరువాయి భాగంలో హాస్పిటల్ కి వచ్చిన తమ ఊరి వ్యక్తి ద్వారా తన తండ్రిని హత్య చేసిన విషయంలో మురారి తప్పులేదని తెలుసుకున్న కృష్ణ అవాక్కవుతుంది. బాధతో కన్నీరు పెట్టుకుంటుంది.