గుప్పెడంత మనసు జగతి యాక్షన్ అవతారం.. కిల్లర్ లేడీగా జ్యోతి పూర్వజ్

జ్యోతి పూర్వజ్, ‘యాక్షన్ సీన్స్ చాలా ఉన్నాయి. అందుకే శరీరాన్ని సిద్ధం చేసుకున్నాను. నాలుగైదు గెటప్‌లలో కనిపిస్తాను’ అంటున్నారు.

‘జోగుళ’, ’గజ్జెపూజ’ వంటి ధారావాహికల ద్వారా కన్నడిగుల మనసులు గెలుచుకున్న జ్యోతి పూర్వజ్ ‘కిల్లర్‌’ సినిమా ద్వారా ప్రేక్షకుల ముందుకు వస్తున్నారు. జ్యోతి రాయ్ అయిన ఆమె దర్శకుడు సుకు పూర్వజ్ తో సహజీవనం ప్రారంభించిన తర్వాత తన పేరుని జ్యోతి పూర్వజ్ గా మార్చుకున్నారు. ఆమె తెలుగులో గుప్పెడంత మనసు టివి సీరియల్ లో జగతి పాత్రలో నటించారు. 

ఆమె భర్త పూర్వజ్‌ రాసి, దర్శకత్వం వహించిన ఈ సినిమా కన్నడ, తెలుగు భాషల్లో విడుదల కానుంది. పూర్వజ్‌ కూడా ఒక ప్రత్యేక పాత్రలో నటించారు. 

ఇది లేడి ఓరియెంటెడ్ చిత్రం. జ్యోతి పూర్వజ్‌ నిర్మాణ బాధ్యతలు కూడా చేపట్టారు. ఆమెకు ప్రజయ్‌ కామత్, పద్మనాభ రెడ్డి నిర్మాణంలో సహకరించారు.

జ్యోతి పూర్వజ్ ఈ చిత్రం గురించి మాట్లాడుతూ.. యాక్షన్ సీన్స్ చాలా ఉన్నాయి. అందుకే శరీరాన్ని సిద్ధం చేసుకున్నాను. నాలుగైదు గెటప్‌లలో కనిపిస్తాను’ అంటున్నారు.

ఇప్పుడు విడుదలైన టీజర్‌లో జ్యోతి బోల్డ్‌గా నటించారు. రోబోట్ పాత్రలో కూడా కనిపించారు. నాయిక ఎందుకు రోబోట్‌గా మారుతుంది. 

దాని అసలు రూపం ఏమిటి, ఎందుకు అందరినీ ఆమె చంపుతుంది అనేది టీజర్‌లో ఆసక్తి కలిగించింది. కన్నడ, తెలుగు భాషల్లో సినిమా విడుదల కానుంది.

40 ఏళ్ల వయసున్న నటి జ్యోతి రై, మంగళూరులో పుట్టి కన్నడతో సహా పలు భాషల్లో నటించి, ఇప్పుడు తెలుగులో స్థిరపడ్డారు.