యశ్ సినిమా 'టాక్సిక్: ఎ ఫెయిరీ టేల్ ఫర్ గ్రోన్-అప్స్' కోసం అభిమానులు ఎంతో ఆసక్తిగా ఎదురుచూస్తున్నారు. ఈ సినిమా షూటింగ్ అనుభవాలను హీరోయిన్ కియారా అద్వానీ ఓ ఇంటర్వ్యూలో పంచుకున్నారు.
25
డైరెక్టర్ గీతూ మోహన్దాస్
ఇటీవల 'బాంబే టైమ్స్'కు ఇచ్చిన ఇంటర్వ్యూలో కియారా తన అనుభవాలను వివరించారు. 'టాక్సిక్' డైరెక్టర్ గీతూ మోహన్దాస్ సెట్లో తమకు ఓ కచ్చితమైన ఆదేశం ఇచ్చారని ఆమె చెప్పారు.
35
ఫార్మాలిటీస్ ఏవీ వద్దు
సెట్కి రాగానే అందరికీ 'హాయ్, హలో, గుడ్ మార్నింగ్' చెప్పడం నాకు అలవాటు. కానీ డైరెక్టర్ దాన్ని ఆపమన్నారు. 'రేపు సెట్కి వచ్చినప్పుడు నువ్వు క్యారెక్టర్లోనే ఉండాలి. ఈ హాయ్, హలో లాంటి ఫార్మాలిటీస్ ఏవీ వద్దు. నేరుగా నీ పాత్రలోకి వెళ్లిపోవాలి' అని గీతూ చెప్పినట్లు కియారా గుర్తుచేసుకున్నారు.
ఈ సినిమాలో నటించడం చాలా సవాలుగా అనిపించిందని కియారా అన్నారు. ముఖ్యంగా కన్నడలో షూటింగ్ చేయడం, ఆ భాషలో డైలాగ్స్ చెప్పడం తనకు కొత్త అనుభవం అని, అందుకే కాస్త కష్టపడాల్సి వచ్చిందని ఆమె తెలిపారు.
55
ముందు రోజు రాత్రే..
'టాక్సిక్' షూటింగ్ చాలా కష్టంగా అనిపించింది. ఎందుకంటే, ఒకే సీన్ను ఇంగ్లీష్, కన్నడ భాషల్లో చిత్రీకరించాం. పర్ఫెక్ట్ టేక్ వచ్చే వరకు ముందు ఇంగ్లీష్లో రిహార్సల్ చేసి, ఆ తర్వాత అదే సీన్ను కన్నడలో షూట్ చేసేవాళ్లం. కన్నడ నాకు కొత్త భాష కాబట్టి, ముందు రోజు రాత్రే డైలాగ్స్ అన్నీ బట్టీ పట్టాల్సి వచ్చేది" అని కియారా వివరించారు.
