కెజియఫ్ హీరోయిన్ పరిస్థితి ఏంటి ఇలా అయ్యింది, అయినా అస్సలు తగ్గనంటున్న శ్రీనిథి శెట్టి

ఇండియన్ బాక్సాఫీస్ ను షేక్ చేసిన  సినిమాలో  హీరోయిన్ నటించినా.. ఎందుకో కన్నడ బ్యూటీ శ్రీనిథి శెట్టికి పెద్దగా అవకాశాలు లేవు.  ఈపాటికి స్టార్ హీరోయిన్ అయిపోతుంది అనుకున్న శ్రీనిథికి అవకాశాలు రాకపోవడానికి కారణం ఏంటీ..?   

హీరోకి ఎంత స్టార్ డమ్ ఉన్నప్పటికీ ఒక భాషకి చెందిన సినిమాలనే చేసుకుంటూ వెళ్లవలసి వస్తుంది. అదే హీరోయిన్స్ అయితే ఓ అరడజను భాషల్లో ప్రాజెక్టులను చుట్టబెట్టేస్తూ ఉంటారు.కెజియఫ్ బ్రాండ్ తో శ్రీనిథి శెట్టి కూడా అలానే చేయాలి అనుకుంది. అసలే కన్నడ ఇండస్ట్రీ హీరోయిన్ల ఫ్యాక్టరీలా మారిపోయింది. ఇలానే తను కూడా టాలీవుడ్ కి వచ్చి వెలుగు వెలగాలనిచూసింది. 

రీసెంట్ గా రిలీజ్ అయిన కెజియఫ్2 మూవీ ఎంతలా సక్సెస్ సాధించిందో అందరికి తెలిసిందే. సినిమాలో ఎంత మంది స్టార్లు ఉన్నా.. మూవీ మొత్తాన్ని వన్ మెన్ ఆర్మీలా.. యష్ ఒక్కడే హ్యాండిల్ చేశాడు. అయితే ఈమూవీలో హీరోయిన్ శ్రీనిథి శెట్టి బ్యూటిఫుల్ పెర్ఫామెన్స్ ఇచ్చింది. కాని ఆమెకు స్క్రీన్ స్పేస్ చాలా తక్కువ లభించింది. 

ఇప్పటికే కన్నడ నుంచి అరడజనుకు పైగా కొత్త తారలుటాలీవుడ్ లో ఊపేస్తున్నారు. సౌందర్య, అనుష్క, ప్రేమ లాంటి వారి గురించి ప్రత్యేకంగా చెప్పాల్సిన పని లేదు. ఇక ఈ లిస్ట్ లో చేయాలని ప్రయత్నం చేసిందిశ్రీనిథి శెట్టి. కాని ఆమె అనుకున్న ఆశలకు ఆమె నిర్ణయమే గండి కొట్టినట్టు తెలుస్తోంది. 

 శ్రీనిధి శెట్టి కెజియఫ్  సినిమా తరువాత పారితోషికం పెంచింది.  కేజీఎఫ్ 2 కూడా సంచలన విజయాన్ని సాధించడంతో పారితోషికాన్ని మరింత పెంచిందట. ఇంత వరకూ ఆమె చేసిన సినిమాలు చాలా తక్కువ. కెజియఫ్  హిట్ లో ఆమె పాత్ర కూడా చాలా తక్కువే. అయినా ఆమె తన పారితోషికాన్ని ఒక రేంజ్ లో పెంచడంతో నిర్మాతలు వెనకడుగు వేస్తున్నారట. 

కొత్త ప్రాజెక్టులలో ఆమె కనిపించకపోవడానికి కారణం ఇదేననే శాండల్ ఉడ్ లో టాక్  వినిపిస్తోంది. శ్రీనిధి శెట్టి మంచి పొడగరి .. ఆకర్షణీయమైన రూపం తో ఉంటుంది. ఒక రకంగా ఆమె ప్రయత్నంచేస్తే.. అనుష్కలా టాలీవుడ్ ను ఏలేయోచ్చు.. అయితే ఆమె పెర్పామెన్స్  చూపించేలా సినిమా ఒక్కటి కూడా పడలేదు. కెజియఫ్ బ్రాండ్ పెట్టుకుని రేటుపెంచేసరికి నిర్మాతలు ఆమెను సినిమాలు అడగటమే మానేశారట. 

అసలు ఆమె హైట్, బ్యూటీకి..  ప్రభాస్ .. మహేశ్ వంటి హీరోల సరసన ఆమెను చూడాలని అభిమానులు ఆశపడుతుంటే,  ఆమె మాత్రం పారితోషికం విషయంలో దిగిరావడం లేదనే టాక్ వినిపిస్తోంది. చూడాలి ముందు ముందు శ్రీనిథి టైమ్ ఏమన్నామారి స్టార్ డమ్ వస్తుందో..? లేదో..?