‘కళావతి’ జ్ఞాపకాల్లో కీర్తి సురేష్.. స్టైలిష్ లుక్ లో అదరగొట్టిన హోమ్లీ బ్యూటీ.. త్రో బ్యాక్ పిక్స్ తో రచ్చ!

హోమ్లీ బ్యూటీ, టాలీవుడ్ హీరోయిన్ కీర్తి సురేష్ స్టైలిష్ లుక్ లో అదరగొడుతోంది. ‘సర్కారు వారి పాట’లోని కళావతి సాంగ్ షూటింగ్ సమయంలో దిగిన స్టిల్స్ ను పంచుకుని అభిమానులకు సండే ట్రీట్ ఇచ్చింది. లేటెస్ట్ స్టిల్స్ వైరల్ గా మారాయి.  

మలయాళం, తమిళ, తెలుగు సినిమాల్లో ఎక్కువగా నటించింది హోమ్లీ బ్యూటీ కీర్తీ సురేష్ (Keerthy Suresh). నిర్మాత సురేష్ కుమార్, నటి మేనకల కుమార్తెగా కీర్తి 2000లో తొలిసారిగా బాలనటిగా తెరంగేట్రం చేశారు ఆమె. కొన్నాళ్ల తర్వాత ఫ్యాషన్ డిజైనింగ్ లోనూ డిగ్రీ పూర్తి చేసి, వెండితెరకు పరిచయం అయ్యారు. 

తెలుగు ఆడియెన్స్ కు మాత్రం ‘నేను శైలజా’ చిత్రంలో పరిచయం అయ్యింది. ఈ చిత్రంతోనే టాలీవుడ్ కు కూడా ఎంట్రీ ఇచ్చింది. ఆ తర్వాత ‘నేను లోకల్’,‘అజ్ఞాతవాసి’ చిత్రాలతో మరింత దగ్గరైంది. ఆ వెంటనే వచ్చిన ‘మహానటి’తో తెలుగు ప్రేక్షకుల్లో చెరగని ముద్ర వేసుకుంది. 

‘మహానటి’తో జాతీయ స్థాయి అవార్డును దక్కించుకుంది హీరోయిన్ కీర్తి సురేష్. అప్పటి నుంచి తెలుగు, తమిళం, మలయాళంలో బ్యాక్ టు బ్యాక్ సినిమా ఆఫర్లను అందుకుంది. స్టార్ హీరోల సరసన నటించే ఛాన్స్ దక్కించుకొని తనకంటూ స్పెషల్ ఇమేజ్ ను సొంతం చేసుకుంది.

అయితే, టాలీవుడ్ స్టార్ హీరోయిన్ గా కీర్తి సురేష్ ఈ ఏడాది ‘సర్కారు వారి పాట’తో మంచి హిట్ దక్కింది. చిత్రంలోని కీర్తి క్యారెక్టర్, సాంగ్స్ అభిమానులకు బాగా నచ్చాయి. ముఖ్యంగా ఇందులోని రొమాంటిక్ సాంగ్ ‘కళావతి’(Kalaavathi) సాంగ్ ఇప్పటికీ సంగీత ప్రియులకు ఫేవరెట్ గానే నిలిచింది.

తాజాగా కీర్తి సురేష్ కూడా ఆ సాంగ్ ను గుర్తు చేసుకుంది.  ‘కళావతి గ్యాంగ్ ను  మిస్ అవుతున్నానంటూ’ స్పెయిన్ లో వారితో దిగిన కొన్ని ఫొటోలను షేర్ చేసింది. ఈ పిక్స్ లో కీర్తి స్టైలిష్ లుక్ లో దర్శనమిచ్చింది. ట్రెండీ సూట్ పై బ్లాక్ జాకెట్ ధరించి అట్రాక్ట్ చేసింది.

సూపర్ స్టార్ మహేశ్ బాబు సరసన ‘సర్కారు వారి  పాట’లో నటించడంతో కీర్తికి అన్ని భాషల చిత్రాల నుంచి బోలెడన్ని ఆఫర్లు దక్కుతున్నాయి. చివరిగా మలయాళ చిత్రం ‘వాశీ’తో అలరించింది. ప్రస్తుతం తెలుగులో ‘దసరా’,‘భోళా శంకర్’.. తమిళంలో ‘మామ్నన్’,‘సైరెన్’ చిత్రాల్లో నటిస్తూ బిజీగా ఉంది.