`కార్తీకదీపం` నిరుపమ్‌ నటించిన సినిమాలేంటో తెలుసా? ఏకంగా పాన్ ఇండియా స్టార్ మూవీలో

`కార్తీకదీపం` ఫేమ్‌ నిరుపమ్‌ పరిటాల సీరియల్స్ ద్వారా స్టార్ గా ఎదిగారు. కానీ ఆయన సినిమాల్లో కూడా నటించారు. అందులో ఒకటి పాన్‌ ఇండియా స్టార్‌ మూవీ కూడా ఉండటం విశేషం. 

`కార్తీకదీపం`తో స్టార్‌గా రాణిస్తున్న నిరుపమ్‌ పరిటాల

`కార్తీకదీపం` సీరియల్‌లో డాక్టర్‌ బాబుగా పాపులర్‌ అయి బుల్లితెర స్టార్‌గా రాణిస్తున్నాడు నటుడు నిరూపమ్‌ పరిటాల. ఆయన అనేక సీరియల్స్ లో నటించి మెప్పించాడు. సీరియల్‌ నటుడిగా స్టార్‌ ఇమేజ్‌ని సొంతం చేసుకున్నాడు. ఇంకా చెప్పాలంటే బుల్లితెర ద్వారా సూపర్‌ స్టార్‌ ఇమేజ్‌ తెచ్చుకున్న నటుడు కూడా ఆయనే అని చెప్పడంలో అతిశయోక్తి లేదు.

నిరుపమ్‌ కి మహిళల నుంచి లేఖలు

`కార్తీకదీపం` సీరియల్‌లోని సీన్లని చూసి చాలా మంది మహిళలు నిజంగానే ఆయన్ని నిలదీశారు. వంటలక్కని ఇబ్బంది పెట్టిన సీన్లు నిజమే అని భావించి ఏకంగా నిరుపమ్‌కి లెటర్స్ కూడా రాశారట. స్మాల్‌ స్క్రీన్‌ని శాషిస్తున్న నిరుపమ్‌ పరిటాల సినిమాల్లో కూడా నటించాడు. అందులో ఒకటి పాన్‌ ఇండియా హీరో సినిమా కూడా ఉండటం విశేషం.

నిరూపమ్‌ నటించిన సినిమాలివే

నిరూపమ్‌ నిజానికి హీరో కావాలనే సినిమాల్లోకి వచ్చాడు. మొదటి కొన్ని ప్రయత్నాలు చేశాడు. కానీ వర్కౌట్‌ కాలేదు. ఆఫర్లు రాలేదు. దీంతో ఒకటి రెండు సినిమాల్లో చిన్న పాత్రల్లో నటించాడు. అలా అల్లరి నరేష్‌ నటించిన `ఫిట్టింగ్‌ మాస్టర్`లో చిన్న పాత్రలో మెరిశాడు. ఇది 2009లో విడుదలైంది. ఇది బాగానే ఆడినా, నిరుపమ్‌కి పేరు రాలేదు.

ఎన్టీఆర్‌ `రభస`లో నిరుపమ్‌ నెగటివ్‌ రోల్‌

దీంతోపాటు ఓ వైపు సీరియల్స్ నటిస్తూనే ప్రస్తుతం పాన్‌ ఇండియా స్టార్‌గా రాణిస్తున్న ఎన్టీఆర్‌ హీరోగా వచ్చిన `రభస`లోనూ నటించే ఆఫర్‌ని అందుకున్నాడు. అయితే ఇందులో నిరుపమ్‌ది నెగటివ్‌ రోల్‌ కావడం విశేషం. ఈ మూవీ బాక్సాఫీసు వద్ద డిజాస్టర్‌గా నిలిచింది. దీంతో నిరూపమ్‌ కష్టం వృధా అయ్యింది. ఆ తర్వాత మళ్లీ ఆ వైపు సాహసం చేయలేదు నిరుపమ్‌. సీరియల్స్ ద్వారానే కావాల్సిన పేరు, ఇమేజ్‌ వస్తుండటంతో సినిమాలను లైట్‌ తీసుకున్నారు.

`కార్తీకదీపం2`తో నిరుపమ్‌ బిజీ

ప్రస్తుతం నిరూపమ్‌ వరుసగా సీరియల్స్ తో బిజీగా ఉన్నారు. అందులో భాగంగా ఇప్పుడు ఆయన `కార్తీకదీపం 2` సీరియల్‌తో బిజీగా ఉన్నారు. నిరుపమ్‌ `చంద్రముఖి` సీరియల్‌తో బుల్లితెరపైకి ఎంట్రీ ఇచ్చిన విషయం తెలిసిందే. ఈ సీరియల్‌ అప్పట్లో విశేష ఆదరణ పొందింది. ఆ తర్వాత `బ్రహ్మముడి`, `హిట్లర్‌గారి పెళ్ళాం`, `కుంకుమపువ్వు`, `మూగమనసులు`, `కార్తీకదీపం`, `అత్తారింటికి దారేది`, `కలవారి కోడళ్లు`, `కాంచనగంగ`, `ప్రేమ`, `రాధకు నీవెర ప్రాణం` వంటి సీరియల్స్ లో నటించి ఆకట్టుకున్నాడు నిరుపమ్‌.