ఒకే రోజు రిలీజ్ అయిన అమితాబ్ బచ్చన్ రెండు సినిమాలు

అమితాబ్ బచ్చన్ బాక్సాఫీస్ వద్ద అద్భుతమైన చిత్రాలను అందించారు. కానీ 18 సంవత్సరాల క్రితం ఆయన రెండు సినిమాలు ఒకే రోజున విడుదలైనాయని మీకు తెలుసా? ఆ రెండు సినిమాల  గురించి తెలుసుకుందాం...

అమితాబచ్చన్ హీరోగా ఒకే రోజు  విడుదలైన  రెండు చిత్రాల గురించి మీకు తెలుసా? ఈ రెండు సినిమాలు  బాక్సాఫీస్ వద్ద ప్లాప్ కాలేదు. కానీ హిట్ కూడా కాలేదు. యావరేజ్ గా ఆడిన ఆ రెండు సినిమాలు గురించి ఇప్పుడు చూద్దాం. 

వీటిలో ఒకటి 'చీనీ కమ్', దీనికి ఆర్. బాల్కీ దర్శకత్వం వహించారు. దర్శకుడిగా బాల్కీకి ఇది మొదటి సినిమా. కథ కూడా ఆయనే రాసుకున్నారు.  రొమాంటిక్ కామెడీ  సినిమా చీనీ కమ్'లో  ఒక వృద్ధుడు, యువతి మధ్య  ప్రేమ కథను అద్భుతంగా తెరకెక్కించారు. 

ఈ చిత్రంలో అమితాబ్ బచ్చన్ తన కంటే 29 ఏళ్లు చిన్నదైన  టబుతో ప్రేమలో పడతారు.  25 మే 2007న విడుదలైన ఈ చిత్రం నిర్మాణం సుమారు 11 కోట్ల రూపాయలతో జరిగింది, ఇది భారతదేశంలో సుమారు 17.30 కోట్ల రూపాయలను వసూలు చేసి యావరేజ్ గా నిలిచింది. 

25 మే 2007న విడుదలైన అమితాబ్ బచ్చన్ రెండవ చిత్రం 'షూటౌట్ ఎట్ లోఖండ్ వాలా'. ఈ సినిమాికి అపూర్వ లఖియా దర్శకత్వం వహించారు. 1991లో ముంబైలోని లోఖండ్ వాలా కాంప్లెక్స్ లో ముంబై పోలీసులు, గ్యాంగ్ స్టర్ల మధ్య జరిగిన నిజమైన కాల్పుల ఆధారంగా ఈ సినిమా రూపొందించబడింది.

'షూటౌట్ ఎట్ లోఖండ్ వాలా'లో అమితాబ్ బచ్చన్ మాజీ ప్రధాన న్యాయమూర్తి ఢీంగ్రా పాత్ర పోషించారు. ఈ చిత్రంలో ఆయనతో పాటు సంజయ్ దత్, సునీల్ శెట్టి, వివేక్ ఒబెరాయ్, అర్బాజ్ ఖాన్, తుషార్ కపూర్, రోహిత్ రాయ్, అభిషేక్ బచ్చన్, షబ్బీర్ అహ్లுవాలియాతో సహా అనేక మంది బాలీవుడ్ తారలు నటించారు. సుమారు 18 కోట్లతో నిర్మించిన ఈ సినిమా  ఇండియాలో సుమారు 29.73 కోట్ల రూపాయలు వసూలు చేసింది.