తమిళ స్టార్ సూర్య పుట్టిన రోజు సందర్భంగా ‘కంగువా’ మూవీ నుంచి పవర్ ఫుల్ ఫస్ట్ లుక్ విడుదలవడంతో పాటు.. సండే రోజున మూవీ లవర్స్ కు కిక్కిచ్చే అప్డేట్స్ అందాయి. డిటేయిల్స్ ఇంట్రెస్టింగ్ గా ఉన్నాయి.
తమిళ స్టార్ హీరో సూర్య (Suriya) ప్రస్తుతం భారీ పీరియాడికల్ మూవీ చేస్తున్న విషయం తెలిసిందే. Kanguva టైటిల్ తో డైరెక్టర్ శివ దర్శకత్వంలో రూపుదిద్దుకుంటోంది. పాన్ ఇండియా స్థాయిలో భార్కీ స్కేల్లో నిర్మిస్తున్నారు. అయితే ఈరోజు సూర్య పుట్టన రోజు కావడంతో అర్ధరాత్రి 12 గంటలకు పవర్ ఫుల్ గ్లింప్స్ విడుదల చేశారు. మాసీవ్ రెస్పాన్స్ ను సొంతం చేసుకుంది. యూట్యూబ్ లో దూసుకుపోతోంది.
ఇక తాజాగా సూర్యకు బర్త్ డే విషెస్ తెలుపుతూ ఫస్ట్ లుక్ పోస్టర్ ను విడుదల చేశారు. ఆదివాసి వీరుడిగా సూర్య కనిపించబోతున్నారని పోస్టర్, గ్లింప్స్ ద్వారా అర్థమైంది. ఇక చేతిలో ఖడ్గాన్ని ఎత్తి చూపుతూ.. గుర్రంపై వస్తున్న సూర్య లుక్ గూస్ బంప్స్ తెప్పిస్తోంది. ఈ అప్డేట్ ఫ్యాన్స్ కు దిల్ ఖుష్ చేసిందనే చెప్పాలి. చిత్రానికి దేవీశ్రీ ప్రసాద్ సంగీతం అందిస్తున్నారు.
చిన్న సినిమాగా వచ్చి సంచలనం సృష్టించిన ‘బేబీ’ (Baby) మూవీ గురించి కూడా ఇంట్రెస్టింగ్ అప్డేట్స్ అందాయి. హీరో ఆనంద్ దేవరకొండ, విరాజ్ అశ్విన్, వైష్ణవి చైతన్య (Vaishnavi Chaitanya) కలిసి నటించారు. సాయి రాజేశ్ దర్శకత్వం వహించారు. మాస్ మూవీ మేకర్స్ పతాకంపై ఎస్కేఎన్, దర్శకుడు మారుతి సంయుక్తంగా నిర్మించారు. జూలై 14న థియేటర్లలో విడుదలై బ్రహ్మండమైన రెస్పాన్స్ ను సొంతం చేసుకుంది. ఎనిమిది రోజుల్లోనే ఏకంగా రూ.54కోట్లు వసూలు చేసి సంచలనంగా మారింది.
Baby Movie సినిమా గ్రాండ్ సక్సెస్ అవ్వడంతో యూనిట్ తాజాగా తిరుమలను సందర్శించుకున్నారు. ఆనంద్ దేవరకొండ, వైష్ణవి చైతన్య తోపాటు యూనిట్ శ్రీవారిని దర్శించుకున్నారు. ఈ సందర్భంగా ఆలయంలో దిగిన ఫొటోలను పంచుకున్నారు. సినిమా సక్సెస్ కావడం పట్ల సంతోషం వ్యక్తం చేశారు. ఇక ఈచిత్రం ఇటు ప్రేక్షకుల్లో అటు బాక్సాఫీస్ వద్ద మంచి రెస్పాన్స్ ను సొంతం చేసుకోవడంతో ఓటీటీ రిలీజ్ కాస్తా ఆలస్యం కానుందని తెలుస్తోంది. సాధారంగా నాలుగు వారాల్లో చిన్న సినిమాలు OTTలోకి రావాల్సి ఉంటుంది. కానీ ‘బేబీ’ సక్సెస్ సాధించడంతో ఆగస్టు చివరల్లో లేదంటే.. సెప్టెంబర్ మొదటి వారంలో రానుందని తెలుస్తోంది. దీనిపై అధికారిక ప్రకటన రావాల్సి ఉంది.
ఈ ఆదివారం అందిన అప్డేట్స్ లో మరో ఇంట్రెస్టింగ్ న్యూస్ ఉంది. స్టార్ నటుడు మోహన్ లాల్ (Mohanlal) ప్రధాన పాత్రలో పాన్ ఇండియా చిత్రం రూపుదిద్దుకోనుంది. ‘వృషభ’ అనే టైటిల్ ను కూడా ఫిక్స్ చేశారు. ఈ చిత్ర షూటింగ్ నిన్న గ్రాండ్ గా ప్రారంభమైందని యూనిట్ అధికారికంగా ప్రకటించింది. ఎపిక్ యాక్షన్ ఎంటర్‌టైనర్ గా రాబోతోంది. 2024లో మలయాళం, తెలుగు, కన్నడ, తమిళం మరియు హిందీ భాషల్లో ప్రపంచవ్యాప్తంగా 4500 స్క్రీన్‌లలో ఈ లార్జర్ దెన్ లైఫ్ గా విడుదల కాబోతోంది. చిత్రంలో రాగిణి ద్వివేది, శ్రీకాంత్, రోషన్, శరణ్య కపూర్, జరా ఖాన్ కీలక పాత్రలు పోషిస్తున్నారు.
హీరో నవదీప్ సి- స్పేస్ సమర్పణలో.. రవితేజ మహాదాస్యం, విషిక కోట నూతన నటి నటులు జంట గా రాజశేఖర్ సుద్మూన్ దర్శకత్వం లో తెరకెక్కించబడిన చిత్రం 'సగిలేటి కథ'. అశోక్ ఆర్ట్స్, షేడ్ ఎంటర్టైన్మెంట్ సంయుక్తంగా కలిసి ఈ చిత్రాన్ని నిర్మించారు. ఈ చిత్రం నిర్మాణాంతర కార్యక్రమాలు పూర్తి చేసుకుని విడుదలకు సిద్ధమైంది. తాజాగా ఈ చిత్రం ట్రైలర్ ను రెడీ చేశారు. ఈనెల31న రిలీజ్ చేయబోతున్నట్టు యూనిట్ ప్రకటించింది. గతంలో షేడ్ స్టూడియోస్ వారు తమ షేడ్ ఎంటర్టైన్మెంట్ బ్యానర్ లో 'కనబడుటలేదు' చిత్రాన్ని నిర్మించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి