Prabhas:ఈ జనరేషన్ కి రాజు అంటే ప్రభాస్ ఒక్కడే.. ఆ మాట చెప్పగానే భయపడ్డాను, కళ్యాణ్ రామ్ షాకింగ్ కామెంట్స్

నందమూరి కళ్యాణ్ రామ్ నటించిన లేటెస్ట్ మూవీ 'బింబిసార'. కళ్యాణ్ రామ్ కెరీర్ లోనే ఈ చిత్రం అత్యంత భారీ బడ్జెట్ తెరకెక్కుతోంది. త్రిగర్తల సామ్రాజ్యానికి ఏకఛత్రాధిపత్యం వహించే బింబిసారుడిగా కళ్యాణ్ రామ్ కనిపిస్తున్నాడు. ఫాంటసీ ఎలిమెంట్స్, టైం ట్రావెల్ నేపథ్యంలో తెరకెక్కుతున్న ఈ చిత్రం ఆగష్టు 5న ప్రేక్షకుల ముందుకు రానుంది. దీనితో ప్రమోషన్స్ ఒక రేంజ్ లో సాగుతున్నాయి. 

Bimbisara teaser

కళ్యాణ్ రామ్ ఇంటర్వ్యూలలో ఈ చిత్ర విశేషాలు ఒక్కొక్కటిగా చెబుతున్నాడు. వసిస్ట్ దర్శకత్వంలో తెరకెక్కుతున్న ఈ చిత్రంపై నందమూరి అభిమానుల్లో భారీ అంచనాలే ఉన్నాయి. ఈ కథ వినగానే తనకు మొదట భయం వేసింది అని కళ్యాణ్ రామ్ తెలిపాడు. వసిస్ట్ తో పటాస్ అప్పటి నుంచి పరిచయం ఉంది. 

ఒకరోజు కథ చెబుతాను అంటే విన్నాను. బింబిసారుడు, త్రిగర్తల సామ్రాజ్యం, మహారాజు అంటూ చెబుతున్నాడు. ఈ జనరేషన్ కి రాజు అంటే ప్రభాస్ ఒక్కడే. బాహుబలిలో ప్రభాస్ ని ఒక రేంజ్ లో చూపించారు. ప్రభాస్ ఆరడుగుల హైట్ ఉంటాడు. మనం సెట్ అవుతామా అని భయం వేసింది అని కళ్యాణ్ రామ్ అన్నారు. 

కళ్యాణ్ రామ్ చేసిన ఈ కామెంట్స్ ప్రస్తుతం సోషల్ మీడియాలో వైరల్ గా మారాయి. బింబిసారుడి కాలానికి.. ప్రజెంట్ టైం కి లింక్ పెడుతూ దర్శకుడు ఈ చిత్రాన్ని తెరకెక్కించారు. సో ఈ చిత్రంలో కళ్యాణ్ రామ్ మోడ్రన్ యువకుడిగా కూడా కనిపిస్తాడు. అయితే బింబిసారుడు కాలంలో ప్రయాణించి ప్రజెంట్ జనరేషన్ లో తన రూపంతో ఉన్న వ్యక్తిని ఎలా ఆవహించాడు.. అసలు బింబిసారుడు ఎందుకు రావలసి వచ్చింది.. అప్పట్లో బింబిసారుడు చేసిన యుద్దాలు ఏంటి ఇవన్నీ ఈ చిత్రంలో కీలక అంశాలు కానున్నాయి. 

విభిన్నమైన కథా నేపథ్యంతో బింబిసార చిత్రం ఆసక్తి పెంచుతోంది. ఒకరకంగా తాను ఈ చిత్రంతో రిస్క్ చేశానని కళ్యాణ్ రామ్ అన్నారు. కళ్యాణ్ రామ్ చేసిన రిస్క్ ఎలాంటి ఫలితాన్ని ఇచ్చింది అనేది సినిమా విడుదలయ్యాకే తేలనుంది. 

ఇక ఈ నెల 29న హైదరాబాద్ శిల్పకళావేదికలో బింబిసార ప్రీ రిలీజ్ ఈవెంట్ జరగనుంది. ఎన్టీఆర్ స్పీచ్ కోసం ఫ్యాన్స్ ఎంతగానో ఎదురుచూస్తున్నారు. స్పెషల్ స్క్రీనింగ్ లో ఎన్టీఆర్ ఆల్రెడీ బింబిసార చిత్రం చూసేసినట్లు తెలుస్తోంది.