అందాల చందమామ కాజల్‌ భర్తపై ప్రేమని పంచుకుంటోంది. గౌతమ్‌ కిచ్లు సందర్భంగా లేటెస్ట్ గా ఓ ఎమోషనల్‌ పోస్ట్ ని షేర్‌ చేసింది. భర్తని క్రైమ్‌ పార్టనర్‌గా చేయడం విశేషం.
కాజల్‌(Kajal) రెండేళ్ల క్రితం ముంబయికి చెందిన వ్యాపారవేత్త గౌతమ్‌ కిచ్లు(Gautam Kitchlu)ని వివాహం చేసుకున్న విషయం తెలిసిందే. మ్యారేజ్‌ తర్వాత భర్త గౌతమ్‌ కిచ్లు రెండో బర్త్ డే జరుపుకుంటున్నారు. ఈ సందర్భంగా భర్తతో కలిసి దిగిన ఫోటోని పంచుకుంది కాజల్‌. ఇద్దరు ఒకరినొకరు చూసుకుంటూ ఆనందంలో మునిగి తేలుతున్నారు.
భర్త మెడపై చెయ్యేసి ఆయన్ని చూస్తూ నవ్వులు పూయించారు. ఎంతో రొమాంటిక్‌గా ఉన్న ఫోటోని షేర్‌ చేసింది కాజల్‌. ఈ సందర్భంగా ఆయన బర్త్ డే (Gautam Birthday)విషెస్‌ తెలిపింది. ఎమోషనల్‌ నోట్‌ని పంచుకుంది. భర్తని తన క్రైమ్‌ పార్టనర్‌గా వర్ణించడం విశేషం.
కాజల్‌ చెబుతూ, `నేరంలో నా భాగస్వామి, నా బీఎఫ్‌ఎఫ్‌, ఉదయం మూడు గంటలకు, అర్థరాత్రి 12గంటలు, ఇప్పుడు,ఎప్పటికీ మీ హృదయం కోరుకునే ప్రతి దానితో సంతోషకరమైన బర్త్ డే జరుపుకోండి హ్యాపీ బర్త్ డే గౌతమ్‌ కిచ్లు అని పేర్కొంది కాజల్‌. ఈ సందర్బంగా లవ్‌ ఎమోజీని పంచుకుంది.
ఇందులో స్లీవ్‌ లెస్‌ పింక్‌ ఫ్రాక్‌లో మెరిసిపోతుంది కాజల్‌. కాస్త బొద్దుగా ఎంతో అందంగా ఉంది. నిజం చెప్పాలంటే ఆమె అందం రెట్టింపయ్యిందని చెప్పొచ్చు. ఈ సందర్భంగా దిగిన ఆమె ఫోటోలు నెట్టింట వైరల్ అవుతున్నాయి. పిచ్చెక్కించే పోజులతో కనువిందు చేస్తుంది కాజల్‌.
అంతకు ముందు కాజల్‌ భర్తకి కిస్‌ ఇస్తూ పంచుకున్న ఫోటో వైరల్ అయిన విషయం తెలిసిందే. బర్త్ డే విషెస్‌ చెబుతూ, భర్త నుదురుపై ఓ బ్యూటీఫుల్‌ కిస్‌ ఇచ్చింది కాజల్‌. చేతిలో కుమారుడు నీల్‌ని పట్టుకుని దిగిన ఈ ఫోటో ట్రెండ్‌ అయ్యింది. ఇప్పుడు మరో పిక్‌తో ఆద్యంతం కట్టిపడేస్తుంది.
కాజల్‌ నీల్‌ కిచ్లుకి జన్మనిచ్చిన తర్వాత వెంటనే రెగ్యూలర్‌ లైఫ్‌లోకి వచ్చేసింది. ఫోటో షూట్లతో కనువిందు చేస్తుంది. తన అందం ఏమాత్రం తరగలేదనే విషయాన్ని నిరూపించుకుంటోంది. గ్లామర్‌ ఫోటో షూట్‌తో ఆకట్టుకుంటుంది. అంతేకాదు త్వరలో ఆమె `ఇండియన్‌ 2` షూటింగ్‌లోనూ పాల్గొనబోతుందని సమాచారం.