ప్రభాస్ బాటలో మరో హీరో.... పెళ్లి, పిల్లలు వద్దంటూ షాకింగ్ కామెంట్స్! కారణం?

పెళ్లి వద్దనే వారి సంఖ్య అంతకంతకు పెరిగిపోతుంది. సోలో లైఫ్ సో బెటర్ అంటున్నారు. నలభై ఏళ్ళు పైబడిన చాలా మంది హీరోలు, హీరోయిన్స్ ఇంకా పెళ్లి చేసుకోలేదు. ప్రభాస్ మాదిరి పెళ్లి వద్దంటున్నాడు మరో యంగ్ హీరో..   

Prabhas

సల్మాన్ ఖాన్, విశాల్, ప్రభాస్, టబు, అనుష్క శెట్టి, శోభన... వీరందరి వయసు 40 ప్లస్. ఎవరికీ వివాహాలు కాలేదు. కొందరు అసలు చేసుకోమని తేల్చేశారు. ప్రభాస్ ని మీ పెళ్లి ఎప్పుడని అడిగితే...  నవ్వేసి ఊరుకుంటాడు. లేదంటే సమాధానం దాటేస్తాడు. ఈ ప్రశ్న ఫేస్ చేయడం ప్రభాస్ కి అతి పెద్ద సవాల్. అందుకే మీడియా ముందుకు కూడా పెద్దగా రాడు. 

ప్రభాస్ పెళ్లి పై పలుమార్లు పుకార్లు వచ్చాయి. అనుష్కతో పెళ్లి రూమర్ గట్టిగా వినిపించింది. తాము స్నేహితులం మాత్రమే అన్న... ప్రభాస్, అనుష్క పుకార్లను ఖండించారు. కాగా ప్రభాస్ కి పెళ్లి ఇష్టం లేదనే ఓ వాదన ఉంది. పెద్దవాళ్ళు ఎంతగా బ్రతిమిలాడినా ప్రభాస్ పెళ్లి చేసుకోవడానికి ఇష్టపడటం లేదట. 

బాలయ్య హోస్ట్ గా ఉన్న అన్ స్టాపబుల్ షోకి ప్రభాస్ గెస్ట్ గా వచ్చాడు. బాలయ్య ఇదే విషయం పై ప్రశ్న అడిగారు. నాకు పెళ్లి యోగం లేదనుకుంటా, కావడం లేదని డిప్లమాటిక్ ఆన్సర్ చెప్పి ప్రభాస్ తప్పించుకున్నాడు. ఎంత గట్టిగా అడిగినా మనసులో మాట బయటపెట్టలేదు. 

సల్మాన్ తర్వాత నా పెళ్లి అని చెప్పి తప్పించుకున్నాడు. ప్రభాస్ మాదిరే టాలీవుడ్ లో మరో హీరో పెళ్లి చేసుకోకూడదని ఫిక్స్ అయ్యాడు. యంగ్ హీరో రాజ్ తరుణ్ ఈ మేరకు ఓపెన్ కామెంట్స్ చేశాడు. నేను వివాహం చేసుకోనని ఇంట్లో చెప్పేశాను. అమ్మ మొదట్లో ఒప్పుకోలేదు. ఇప్పుడు ఆమె కూడా అర్థం చేసుకుందని అన్నాడు. 

సింగిల్ గా నా లైఫ్ హ్యాపీగా ఉంది. పెళ్లి, పిల్లలు వంటి విషయాలు నాకు ఇష్టం లేదు. వివాహం చేసుకోను అని అన్నాడు. రాజ్ తరుణ్ కామెంట్స్ వైరల్ అవుతున్నాయి. కెరీర్ బిగినింగ్ లో రాజ్ తరుణ్ షార్ట్ ఫిలిమ్స్ లో నటించాడు. 

అన్నపూర్ణ స్టూడియోస్ బ్యానర్ లో తెరకెక్కిన ఉయ్యాలా జంపాలా చిత్రంతో హీరోగా ఎంట్రీ ఇచ్చాడు. ఈ మూవీ సూపర్ హిట్ అయ్యింది. సినిమా చూపిస్త మామ, కుమారి 21 ఎఫ్ రాజ్ తరుణ్ కి ఫాలోయింగ్ తెచ్చిపెట్టాయి. రాజ్ తరుణ్ స్టార్ కావడం ఖాయం అనుకుంటుండగా వరుస ప్లాప్స్ పడ్డాయి. 

రేసులో వెనుకబడ్డ రాజ్ తరుణ్ ఇటీవల నా సామిరంగ చిత్రంతో ప్రేక్షకులను పలకరించాడు. నాగార్జున హీరోగా తెరకెక్కిన ఈ చిత్రంలో అల్లరి నరేష్, రాజ్ తరుణ్ కీలక రోల్స్ చేశారు. నా సామిరంగ హిట్ టాక్ తెచ్చుకుంది. రాజ్ తరుణ్ హీరోగా కొన్ని చిత్రాలు తెరకెక్కుతున్నాయి.