జూనియర్ ఎన్టీఆర్ దెబ్బకు జాన్వీ కపూర్ కి చుక్కలు కనిపిస్తున్నాయట. ఆయన వేగాన్ని అందుకోలేకపోతుందట. ఈ మేరకు ఆమె చేసిన కామెంట్స్ వైరల్ అవుతున్నాయి.
జాన్వీ కపూర్ దేవర మూవీతో సౌత్ లో అడుగుపెట్టనుంది. ఎన్టీఆర్ హీరోగా దర్శకుడు కొరటాల శివ తెరకెక్కిస్తున్న దేవర చిత్రంలో జాన్వీ కపూర్ హీరోయిన్ గా నటిస్తున్న సంగతి తెలిసిందే. దేవర రెండు భాగాలుగా విడుదల కానుంది. దేవర పార్ట్ 1 దసరా కానుకగా అక్టోబర్ 10న విడుదల కానుంది. దేవర చిత్రంలో ఎన్టీఆర్ డ్యూయల్ రోల్ చేస్తున్నాడని టాక్.
బాలీవుడ్ కి మించి భారీ చిత్రాలు టాలీవుడ్ లో తెరకెక్కుతున్నాయి. సౌత్ లో జెండా పాతితే కెరీర్ కి ఢోకా ఉండదు. అందుకే జాన్వీ కపూర్ సౌత్ ఇండియా మీద దృష్టి పెట్టింది. దేవర విడుదల కాకుండానే మరో చిత్రంలో ఆమెకు ఆఫర్ వచ్చింది. ఆర్సీ 16లో జాన్వీ కపూర్ హీరో రామ్ చరణ్ కి జంటగా నటిస్తున్న సంగతి తెలిసిందే. ప్రీ ప్రొడక్షన్ జరుపుకుంటున్న ఆర్సీ 16 త్వరలో సెట్స్ పైకి వెళ్లనుంది.
జాన్వీ కపూర్ నటించిన ఉలజ్ ఆగస్టు 2న విడుదల కానుంది. ఈ చిత్ర ప్రమోషన్స్ లో పాల్గొంటున్న జాన్వీ కపూర్ దేవర మూవీ విశేషాలు పంచుకుంది. జూనియర్ ఎన్టీఆర్ తో ఆమె అనుభవాన్ని తెలియజేసింది. ఎన్టీఆర్ వేగాన్ని అందుకోవడం ఆమెకు చాలా కష్టంగా ఉందట. ఎన్టీఆర్ ఒక సెకనులో నేర్చుకునేది తనకు 10 రోజుల సమయం పడుతుందట. నెక్స్ట్ సాంగ్ కోసం ఇప్పటి నుండే ప్రాక్టీస్ చేస్తున్నానని జాన్వీ కపూర్ చెప్పుకొచ్చింది.
జాన్వీ కపూర్ మాటలను పరిశీలిస్తే... ఆమెకు ఎన్టీఆర్ చుక్కలు చూపిస్తున్నాడని అర్థం అవుతుంది. మరి దేశంలోనే నెంబర్ వన్ డాన్సర్స్ లో ఒకడిగా ఉన్న ఎన్టీఆర్ తో పోటీపడటం చాలా కష్టం. ఎన్టీఆర్ కి ఏకసంధాగ్రాహి అనే పేరుంది. ఎలాంటి ప్రాక్టీస్ లేకుండా నేరుగా డాన్స్ వేసే ఏకైక హీరో ఎన్టీఆర్ అని పలువురు కొరియోగ్రాఫర్స్ చెప్పారు.
ఇక సీనియర్ ఎన్టీఆర్, శ్రీదేవి వారసులైన జూనియర్ ఎన్టీఆర్, జాన్వీ కపూర్ కలిసి నటించడం మరొక విశేషం. జూనియర్ ఎన్టీఆర్ తాత, జాన్వీ కపూర్ తల్లి అనేక బ్లాక్ బస్టర్స్ నమోదు చేశారు. దేవర మూవీతో జూనియర్ ఎన్టీఆర్, జాన్వీ కపూర్ ఆ మ్యాజిక్ రిపీట్ చేస్తారేమో చూడాలి...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి