Peddi: తొలి 3 రోజులు కావాలనే పెద్దిపై నెగిటివిటీ పెంచారు..ఓ పెద్ద డైరెక్టర్ ఇదేం కర్మ అని ఫోన్ చేశాడు

పెద్ది సినిమాపై జగపతి బాబు మరోసారి సంచలన వ్యాఖ్యలు చేశారు. తాను పోషించిన అప్పలసూరి పాత్ర గురించి చెప్పడానికి ఓ పెద్ద డైరెక్టర్ ఫోన్ చేశారట. ఆ డైరెక్టర్ జగపతి బాబు గురించి ఏమన్నారో ఈ కథనంలో తెలుసుకోండి. 

పెద్ది మూవీ

మెగా పవర్ స్టార్ రాంచరణ్ నటించిన తాజా చిత్రం పెద్ది. థియేటర్స్ లో విజయవంతంగా ప్రదర్శించబడుతూ మంచి వసూళ్లు రాబడుతోంది. ఇప్పటికీ ఈ చిత్రం 300 కోట్లకు పైగా గ్రాస్ వసూలు చేసినట్లు చిత్ర యూనిట్ పేర్కొంది. రాంచరణ్ కెరీర్ లో అత్యధిక వసూళ్లు సాధించిన చిత్రంగా పెద్ది రికార్డ్ సృష్టించింది. అయితే ఈ సినిమాపై కొంత నెగిటివిటీ కూడా ఉంది.

రాంచరణ్ నటనకు ప్రశంసలు

కానీ కలెక్షన్స్ కి నెగిటివిటీ అడ్డు కాలేదు. జాన్వీ కపూర్ పాత్రపై విమర్శలు వచ్చాయి. ఇది రెగ్యులర్ కమర్షియల్ సినిమా కాకపోవడంతో ఎక్కువ అంచనాలు పెట్టుకున్న కొంత మంది నిరాశ చెందారు. కానీ రాంచరణ్ నటనకి మాత్రం యునానిమస్ అందరూ జై కొడుతున్నారు. తన కెరీర్ లోనే చరణ్ బెస్ట్ పెర్ఫార్మెన్స్ ఇచ్చాడు అంటూ ప్రశంసలు కురిపిస్తున్నారు. ఈ చిత్రంలో ప్రముఖ నటుడు జగపతి బాబు అప్పల సూరి పాత్రలో నటించారు.

రాంచరణ్ ఆట ఆడి గెలిచాడు

జగపతి బాబు పాత్ర చాలా ఎమోషనల్ గా ఉంటుంది. జగ్గుభాయ్ తన కెరీర్ లోనే ఇది బెస్ట్ రోల్ అని చెప్పారు. అయితే తాజాగా జరిగిన ఇంటర్వ్యూలో జగపతి బాబు పెద్ది మూవీ గురించి తన పాత్ర గురించి ఆసక్తికర వ్యాఖ్యలు చేశారు. ఈ సినిమాలో రాంచరణ్ ఆట ఆడాడు, పోరాడాడు.. గెలిచాడు.

ఇండస్ట్రీలో గెలిచాక కూడా పోరాడాలి

కానీ ఇండస్ట్రీలో ఇప్పుడు పరిస్థితి ఎలా ఉందంటే సినిమా గెలిచాక కూడా పోరాడాల్సి వస్తోంది. తొలి మూడు రోజులు అసలైన ఆడియన్స్ థియేటర్స్ కి రావడం లేదు. రాంచరణ్ అభిమానులు వస్తారు. మిగిలిన వాళ్ళు సినిమా పోవాలని కోరుకునే వ్యతిరేకులు వస్తారు. పెద్ది సినిమాకు తొలి మూడురోజులు విపరీతంగా నెగిటివిటీ పెంచారు.

ఏంటండీ ఈ కర్మ

అలా నెగిటివిటీ పెంచే గ్యాంగ్స్ ఇండస్ట్రీలో ఉన్నాయి అని నాకు ఇప్పుడే అర్థం అయింది. కానీ పెద్ది చిత్రానికి వచ్చిన రెస్పాన్స్ చూసి నేను డిసప్పాయింట్ అయ్యాను. ఇప్పుడిప్పుడే ఫ్యామిలీ ఆడియన్స్ మూవీ చూస్తూ నిజమైన రియాక్షన్స్ ఇస్తున్నారు. సినిమా అద్భుతంగా ఉందని చెబుతున్నారు. నాకు ఇండస్ట్రీలో ఒక పెద్ద డైరెక్టర్ ఫోన్ చేశారు. మన తెలుగు ఇండస్ట్రీలో ఏంటండీ ఈ కర్మ.. మీరు చేసిన అప్పలసూరి పాత్రని ఏ తమిళ నటుడో, మలయాళీ నటుడో చేసి ఉంటే.. అతడిని ఆకాశానికి ఎత్తేసేవారు. మీరు తెలుగు వారు కావడం మీ దురదృష్టం అని ఆ డైరెక్టర్ చెప్పినట్లు జగపతి బాబు అన్నారు.