పెళ్ళికి ముందే గుడ్ న్యూస్ చెప్పిన వర్ష-ఇమ్మానియేల్... అందరూ షాక్!

టాలీవుడ్ క్రేజీ లవ్ బర్డ్స్ వర్ష-ఇమ్మానియేల్ పెళ్లి చేసుకోకుండానే గుడ్ న్యూస్ చెప్పారు. దీంతో అందరూ ఆశ్చర్యపోతున్నారు. ఇంతకీ ఏం జరిగిందో చూద్దాం..   

సీరియల్ నటిగా కెరీర్ మొదలు పెట్టింది వర్ష. పలు సీరియల్స్ లో నటించిన ఎలాంటి గుర్తింపు రాలేదు. దాంతో జబర్దస్త్ కి వెళ్లాలని ఫిక్స్ అయ్యింది. గొప్ప ప్లాన్ తో వచ్చిన వర్ష... సుధీర్-రష్మీ గౌతమ్ లను ఫాలో అయ్యింది. తనకో లవర్ ని సెట్ చేసుకుంది. 

జబర్దస్త్ సీనియర్ కమెడియన్స్ లో ఒకడైన ఇమ్మానియేల్ తో సన్నిహితంగా ఉంటుంది.  అతడి కాంబినేషన్ లో స్కిట్స్ చేస్తుంది. ఇమ్మానియేల్ నాకు దొరికిన అదృష్టం. ఎవరు ఏమన్నా అతడిని నేను వదిలేది లేదని వర్ష ఓపెన్ గానే చెప్పేది. 

ఇమ్మానియేల్ తో వర్ష ఆఫ్ స్క్రీన్ రొమాన్స్ బాగా క్లిక్ అయ్యింది. దాంతో అనతి కాలంలో గుర్తింపు తెచ్చుకుంది. ఒకటికి రెండుసార్లు ఉత్తుత్తి పెళ్లి కూడా చేసుకున్నారు. బుల్లితెర ఆడియన్స్ ని తాము నిజమైన ప్రేమికులం అని నమ్మించారు. దాంతో వారి కాంబినేషన్ స్కిట్స్ వర్క్ అవుట్ అయ్యాయి. 

Jabardasth Varsha

అప్పుడప్పుడు ఇద్దరూ తిట్టుకునేవారు. తాజాగా ఇద్దరూ గుడ్ న్యూస్ చెప్పారు. పెళ్లి కాకుండానే గుడ్ న్యూస్ ఏంటని మిగతా జబర్దస్త్ కమెడియన్స్ ఆశ్చర్యపోయారు. రాకింగ్ రాకేష్ వద్దకు వెళ్లిన వర్ష-ఇమ్మానియేల్... అన్న మీకు ఒక గుడ్ న్యూస్ చెప్పాలి అన్నారు. 

extra jabardsath promo

పెళ్ళైన మేమే ఇంకా గుడ్ న్యూస్ చెప్పలేదు... పెళ్లి కాకుండానే మీరు గుడ్ న్యూస్ చెబుతున్నారా..! అని రాకేష్ ఆశ్చర్య పోతాడు. ఇది మీరు అనుకున్న గుడ్ న్యూస్ కాదు. మేమిద్దరం టీమ్ లీడర్స్ అయ్యామని చెప్పారు. దాంతో రాకింగ్ రాకేష్ తో పాటు అందరూ కుదుట పడ్డారు. 

ఇప్పుడు జబర్దస్త్ లో ఉన్నవారందరూ కొత్తవారే. దాంతో సీనియర్స్ కి టీమ్ లీడర్స్ అయ్యే ఛాన్స్ వస్తుంది. హైపర్ ఆది, సుడిగాలి సుధీర్, చమ్మక్ చంద్ర, కిరాక్ ఆర్పీ, ముక్కు అవినాష్ వెళ్ళిపోయాక కొత్త టీమ్స్ జబర్దస్త్, ఎక్స్ట్రా జబర్దస్త్ లో కనిపిస్తున్నాయి. ఒకప్పటి హైప్ అయితే లేదు.