నెల్లూరు పెద్దారెడ్డి చేపల పులుసు వ్యాపారం వాళ్ళ బిక్షే అంటూ కిరాక్ ఆర్పీకి చురకలు అంటించారు రాకింగ్ రాకేష్. యాంకర్ ప్రశ్నలకు సమాధానంగా ఆర్పీపై జబర్దస్త్ పంచ్లు వేశాడు.
సీనియర్ జబర్దస్త్ కమెడియన్ రాకింగ్ రాకేష్ తాజాగా యూట్యూబ్ ఛానల్ ఇంటర్వ్యూలో పాల్గొన్నాడు . ఈ క్రమంలో కిరాక్ ఆర్పీ నెల్లూరు పెద్దారెడ్డి చేపల పులుసు వ్యాపారం చర్చకు వచ్చింది. నెల్లూరు పెద్దారెడ్డి చేపల పులుసు సక్సెస్ జబర్దస్త్ వలనే అంటారా? అని అడగడం జరిగింది. యాంకర్ ప్రశ్నకు సమాధానంగా... ఎవరు ఏం చేసినా అది జబర్దస్త్ బిక్షే. అది మల్లెమాల భిక్షే , అని రాకింగ్ రాకేష్ అన్నారు.
మరో ప్రశ్నగా... కిరాక్ ఆర్పీని మీరు ఎప్పుడైనా కలిశారా? అని అడగడం జరిగింది. కలవలేదు. మాకు అంత అదృష్టం లేదు. వాళ్ళు పెద్దోళ్ళు. మేమేదో చిన్న ఆర్టిస్టులం, అని రాకింగ్ రాకేష్ అన్నారు. ఈ మాట కిరాక్ ఆర్పీపై వేసిన వ్యంగ్యాస్త్రం అని క్లియర్ గా అర్థమవుతుంది. అలాగే కిరాక్ ఆర్పీ మల్లెమాలను ఉద్దేశిస్తూ గతంలో అనేక ఆరోపణలు చేశారు. దీనిపై మీ కామెంట్? ఏమిటని యాంకర్ అడిగారు.
నిజం ఏమిటనేది జనాలకు తెలుసు. దీనికి గురించి మాట్లాడటం అనవసరం. టైం వేస్ట్ టాపిక్ అని కొట్టిపారేశారు. ఆర్పీని ఉద్దేశించి రాకింగ్ రాకేష్ చేసిన మూడు కామెంట్స్ సెటైరికల్ గానే ఉన్నాయి. పరోక్షంగా కిరాక్ ఆర్పీ ఎంత సక్సెస్ అయినా అది జబర్దస్త్ పుణ్యమే. ఆ షో వలన వచ్చిన గుర్తింపుతో సమకూరిందే అని రాకింగ్ రాకేష్ చెప్పకనే చెప్పాడు.
గతంలో కిరాక్ ఆర్పీ-రాకింగ్ రాకేష్ కలిసి అనేక స్కిట్స్ చేశారు. వీరి మధ్య మంచి బాండింగ్ ఉండేది. 2019లో కిరాక్ ఆర్పీ జబర్దస్త్ కి దూరమయ్యాడు. అందుకు ప్రధాన కారణం నాగబాబు అని చెప్పొచ్చు. ఆ ఏడాది నాగబాబు మల్లెమాల సంస్థ మీద తీవ్ర విమర్శలు గుప్పించి షో నుండి బయటకు వెళ్ళిపోయాడు. పోతూ పోతూ జబర్దస్త్ డైరెక్టర్స్ తో పాటు కిరాక్ ఆర్పీ, చమ్మక్ చంద్రను, కొందరు కమెడియన్స్ ని తీసుకుపోయాడు.
మరి కిరాక్ ఆర్పీతో రాకింగ్ రాకేష్ కి లొల్లేమిటో తెలియదు కానీ అతడిపై అసహనం ప్రదర్శించాడు. అన్నం పెట్టిన మల్లెమాల మీద విమర్శలు చేశాడనే కోపం కూడా కావచ్చని కొందరి అంచనా. రాకింగ్ రాకేష్ సెటైర్స్ పై కిరాక్ ఆర్పీ స్పందిస్తాడో లేదో చూడాలి.
ఇటీవల కిరాక్ ఆర్పీ కొన్ని ఆసక్తికర ఆరోపణలు చేశారు. నెల్లూరు పెద్దారెడ్డి చేపల పులుసు వ్యాపారాన్ని దెబ్బతీసేందుకు కుట్ర జరుగుతుందని విమర్శలు గుప్పించాడు. నెల్లూరు పెద్దారెడ్డి చేపల పులుసు కర్రీ పాయింట్ పై కొందరు కక్ష కట్టారని. తన సక్సెస్ చూసి ఓర్వలేని ఓ బ్యాచ్ వ్యాపారాన్ని దెబ్బతీసే కుట్ర చేస్తున్నారని, కిరాక్ ఆర్పీ సంచలన ఆరోపణలు చేశారు. నా షాప్ లో చేపల పులుసు రుచిగా లేదంటూ కొందరు అసత్య ప్రచారం చేస్తున్నారు. ఇదంతా పెయిడ్ బ్యాచ్ పని.
నేను అనేక రకాల చేపల పులుసులు అందుబాటులోకి తెచ్చాను. ఒకసారి తిన్న వాళ్ళు బాగుందని పది మందికి చెబుతున్నారు. నా కిచెన్ ఎలా ఉంటుందో, అక్కడ చేపల పులుసు ఎంత శుభ్రంగా, క్వాలిటీగా తయారు చేస్తారో నేను చూపించాను. చేపల పులుసు రుచిగా లేకపోతే ఎవరూ కొనరు. నెగిటివ్ ప్రచారం చేసి నా వ్యాపారం కూలదోయాలని కొందరు ప్రయత్నం చేస్తున్నారు.వారు ఎంతగా తప్పుడు ప్రచారం చేస్తే నాకు అంత మంచింది. ఆ విధంగా నా వ్యాపారానికి ఎక్కువ పబ్లిసిటీ దక్కుతుందని, కిరాక్ ఆర్పీ వెల్లడించారు.