Jaat Collections: సన్నీ డియోల్‌ నటించిన 'జాట్` సినిమా వీక్ డేస్‌లో కాస్త వెనకబడింది. వారాంతంలో భారీ వసూళ్లు సాధించిన తర్వాత, వరుసగా మూడు రోజులుగా దాని వసూళ్లు తగ్గుముఖం పడుతున్నాయి. సినిమా తాజా బాక్స్ ఆఫీస్ రిపోర్ట్ ఇక్కడ చూడండి...
దర్శకుడు గోపీచంద్ మలినేని దర్శకత్వం వహించిన సన్నీ డియోల్‌ 'జాట్' సినిమా విడుదలైన ఏడవ రోజు అంటే బుధవారం నాడు అతి తక్కువ వసూళ్లు సాధించింది.
ట్రేడ్ ట్రాకర్ వెబ్‌సైట్ sacnilk.com నివేదిక ప్రకారం, బుధవారం 'జాట్' సుమారు 4 కోట్ల రూపాయలు వసూలు చేసింది. సినిమా విడుదలైనప్పటి నుండి ఇంత తక్కువ వసూళ్లు ఏ రోజూ రాలేదు.
వీక్ డేస్ కావడంతో ఐదవ రోజు నుంచే సినిమా వసూళ్లలో భారీ పతనం మొదలైంది. సోమవారం ఈ సినిమా ఆదివారం కంటే 48.21 శాతం తక్కువగా 7.25 కోట్ల రూపాయలు వసూలు చేసింది, అయితే మంగళవారం దాని వసూళ్లు 6 కోట్ల రూపాయలు, ఇది సోమవారం కంటే 17.24 శాతం తక్కువ. ఓవరాల్‌గా ఇప్పటి వరకు ఏడు రోజులకు ఈ మూవీ 58కోట్లు వసూళు చేసింది. ఇవి సన్నీ డియోల్‌ గత చిత్రం `గదర్2` సినిమా ఒక్క రోజు కలెక్షన్లతో సమానం.
సన్నీ డియోల్‌ గత చిత్రం `గదర్ 2` దీనికి పూర్తి భిన్నంగా ఉంది. ప్రారంభం రోజే అది దుమ్మురేపింది. క్రమంలో పెరుగుతూవచ్చింది. ఈ చిత్రం గురువారం (ఆగస్టు 11) అంటే విడుదలైన రోజు 40 కోట్ల రూపాయలు వసూలు చేసింది. శుక్రవారం (రెండవ రోజు) దాని వసూళ్లు 43 కోట్ల రూపాయలు. శనివారం (మూడవ రోజు) ఆదివారం (నాల్గవ రోజు) వరుసగా 55 కోట్లు , 38 కోట్ల రూపాయల వసూళ్లు సాధించింది.
`గదర్ 2` సినిమా మొత్తం వసూళ్ల గురించి మాట్లాడితే, 7 రోజుల్లో ఇది భారతదేశంలో 228.98 కోట్ల రూపాయలు వసూలు చేసింది. ప్రపంచవ్యాప్తంగా సినిమా వసూళ్లు 283.35 కోట్ల రూపాయలు దాటాయి.
`గదర్ 2` సినిమా బడ్జెట్ దాదాపు 60 కోట్ల రూపాయలు అని చెబుతున్నారు. ఇతర తారాగణం గురించి మాట్లాడితే, సన్నీ డియోల్‌ కాకుండా, ఈ చిత్రంలో అమీషా పటేల్, ఉత్కర్ష్ శర్మ, మనీష్ వాధ్వా, సిమ్రత్ కౌర్, గౌరవ చోప్రా, లవ్ సిన్హా కూడా ముఖ్యమైన పాత్రలు పోషించారు.
అనిల్‌ శర్మ దర్శకత్వం వహించిన ఈ మూవీ రెండేళ్ల క్రితం వచ్చి ఏకంగా 691కోట్ల వసూళ్లని రాబట్టింది. కానీ ఇప్పుడు `జాట్` మూవీ లైఫ్‌ టైమ్‌ మొత్తం కనీసం వంద కోట్లకు కూడా రీచ్అయ్యే పరిస్థితి కనిపించడం లేదు.
read more: చిరంజీవి, బాలకృష్ణతో ఇక లైఫ్‌లో సినిమా చేయను, విజయశాంతి సంచలన స్టేట్‌మెంట్‌.. కారణం ఏంటంటే?
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి