Samantha: సమంత మళ్లీ తెలుగబ్బాయినే పెళ్లి చేసుకోనుందా.? ఇంతకీ ఎవరా వ్యక్తి, ఆయన బ్యాగ్రౌండ్ ఏంటి..

సమంత.. ఈ పేరును ప్రత్యేకంగా పరిచయం చేయాల్సిన పనిలేదు. వ్యక్తిగత జీవితంలోపాటు కెరీర్ పరంగా నిత్యం వార్తల్లో ఉంటుంది సామ్‌. ఈ నేపథ్యంలోనే తాజాగా మరోసారి సమంత టాక్‌ ఆఫ్‌ ది ఇండస్ట్రీగా మారింది. ఇంతకీ సామ్‌ మళ్లీ హెడ్ లైన్స్‌లోకి రావడానికి కారణం ఏంటంటే..   

Samantha

2010లో 'ఏం మాయ చేశావే' సినిమాతో ఇండస్ట్రీకి పరిచయైన అందాల తార సమంత. కొన్నేళ్ల పాటు ఇండస్ట్రీని ఏలిందని చెప్పాలి. సౌత్‌లో దాదాపు అందరు అగ్ర హీరోల సరసన నటించిందీ చిన్నది. ఈ సినిమాలో స్క్రీన్‌ షేర్‌ చేసుకున్న నాగచైతన్యతో లైఫ్‌ షేర్‌ చేసుకున్న సామ్‌ అక్కినేని కోడలిగా మారింది. అయితే ఆ తర్వాత విడాకులతో ఒక్కసారిగా అభిమానులకు షాక్‌కి గురి చేసింది. తాము విడిపోతున్నామని సోషల్‌ మీడియాలో పోస్ట్‌ చేసి సంచలనం సృష్టించారు. 

అనంతరం మయోసైటిస్‌ బారిన పడడం, సినిమాలకు దూరమయ్యారు. అయితే మయోసైటిస్‌ నుంచి విజయవంతంగా బయటపడ్డ సమంత ప్రస్తుతం మళ్లీ కెరీర్‌పై దృష్టిసారించారు. ఇప్పుడిప్పుడే సినిమాల్లో నటించేందుకు సిద్ధమవుతున్నారు. ఇదిలా ఉంటే తాజాగా సమంత వ్యక్తిగత జీవితానికి సంబంధించి కీలక నిర్ణయం తీసుకున్నట్లు పెద్ద ఎత్తున చర్చ నడుస్తోంది. ఫ్యామిలీమ్యాన్‌, సిటాడెల్‌లో పనిచేసిన దర్శకుడు రాజ్‌ నిడిమోరుతో సమంత ప్రేమలో ఉందని వార్తలు వస్తున్న విషయం తెలిసిందే. 

ఈ క్రమంలోనే తాజాగా ప్రేమికుల దినోత్సవం రోజున సమంత ఇన్‌స్టాగ్రామ్‌లో చేసిన ఓ పోస్ట్‌ ఈ వార్తలకు బలం చేకూర్చింది. సమంత ఓ వ్యక్తితో ఉన్నట్లు స్పష్టమవుతోంది. దీంతో సామ్‌ నిజంగానే ప్రేమలో ఉందని, త్వరలోనే పెళ్లి పీటలెక్కబోతందని పెద్ద ఎత్తున చర్చ నడుస్తోంది. ఈ క్రమంలోనే రాజ్‌ నిడిమోరు ఎవరనే చర్చ కూడా తెరపైకి వచ్చింది. ఇంతకీ సమంతకు రాల్‌ ఎలా పరిచయమయ్యారు.? అసలు అతని బ్యాక్‌గ్రౌండ్ ఏంటి.? రాజ్‌ నిడిమోరుకు సంబంధించిన పూర్తి వివరాల గురించి ఇప్పుడు తెలుసుకుందాం.. 

మన తెలుగువాడే.. 

రాజ్ నిడిమోరు మన తెలుగు వ్యక్తే అని మీలో ఎంత మందికి తెలుసు. రాజ్‌ ఆంధ్రప్రదేశ్‌లోని చిత్తూరులో జన్మించారు. ఇంజనీరింగ్‌ పూర్తి చేసిన తర్వాత ఉన్నత చదువుల కోసం అమెరికా వెళ్లారు. చదువు పూర్తయ్యాక అక్కడే కొన్నేళ్లపాటు సాఫ్ట్‌వేర్‌ ఉద్యోగం చేశారు. అయితే ఆ తర్వాత సినిమాలపై ఉన్న ఆసక్తితో భారత్‌కు వచ్చిన రాజ్‌ నిడిమోరు స్నేహితుడు కృష్ణ డీకేతో కలిసి డీ2ఆర్‌ ఫిల్స్మ్‌ అనే బ్యానర్‌ను స్థాపించారు. ఇందులో భాగంగా మొదట షాదీ అనే షార్ట్‌ ఫిలింను తెరకెక్కించారు.

ఆ తర్వాత నిర్మించిన ది ఫ్యామిలీ మ్యాన్‌ వెబ్ సిరీస్‌తో ఫేమస్ అయ్యారు. ఆ తర్వాత సిటాడెల్‌ వెబ్‌ సిరీస్‌తో ప్రేక్షకులను ఆకట్టుకున్నారు. ఈ రెండు సిరీస్‌లకు మంచి ఆదరణ లభించింది. ఫ్యామిలీ మ్యాన్‌ సిరీస్‌ సమయంలోనే సమంతకు రాజ్‌కు పరిచయం ఏర్పడింది. ఈ సమయంలో మొదలైన స్నేహమే ప్రేమకు దారి తీసిందని అంటున్నారు. ఇదిలా ఉంటే రాజ్‌ నిడిమోరుకు ఇప్పటికే వివాహం జరిగినట్లు తెలుస్తోంది. మరి సమంత నిజంగానే రాజ్‌ నిడిమోరుతో ఏడు అడుగులు నడవనుందా.? సోషల్‌ మీడియాలో జరుగుతోన్న ఈ చర్చలో ఎంత వరకు నిజం ఉందో తెలియాలంటే అటు సమంత కానీ, ఇటు రాజ్‌ కానీ అధికారికంగా స్పందించాల్సిందే.