హీరోయిన్ పూర్ణ పెళ్లి క్యాన్సిల్ అయినట్లు వార్తలు చక్కర్లు కొడుతున్నాయి. పెళ్ళి నిర్ణయం వెనక్కి తీసుకున్న పూర్ణ కెరీర్ పైనే ఫోకస్ పెట్టారట. ప్రస్తుతం టాలీవుడ్ లో ఈ వార్త హాట్ టాపిక్ గా ఉంది.
హీరోయిన్ పూర్ణ(Purana) జూన్ 1వ తేదీన కాబోయే భర్తను పరిచయం చేసింది. షానిద్ ఆసిఫ్ అలీ అనే వ్యాపారవేత్తతో తన పెళ్లంటూ స్పష్టత ఇచ్చింది. అనంతరం గ్రాండ్ గా ఎంగేజ్మెంట్ జరుపుకున్నారు. పూర్ణ ఎంగేజ్మెంట్ వీడియోలు, ఫోటోలు ఫ్యాన్స్ కోసం ఇంస్టాగ్రామ్ లో షేర్ చేశారు. ఖరీదైన డిజైనర్ వేర్ లో పూర్ణ మురిసిపోయారు.
ఈ ఏడాది చివర్లో షానిద్ ఆసిఫ్ అలీతో పూర్ణకు వివాహం అన్నట్లు సమాచారం అందింది. అయితే ఈ పెళ్లి క్యాన్సిల్ అయ్యిందనేది తాజా వార్త. కారణం తెలియదు కానీ... షానిద్ తో వివాహానికి పూర్ణ సుముఖంగా లేరట. ఆమె ఈ ఎంగేజ్మెంట్ రద్దు చేసే ఆలోచనలో ఉన్నారట. దీనిపై అధికారిక సమాచారం లేకున్నప్పటికీ ప్రముఖంగా ప్రచారం అవుతుంది.
మరోవైపు పూర్ణ తన ఎంగేజ్మెంట్ వీడియోలు, షానిద్ తో దిగిన ఫోటోలు సోషల్ మీడియా నుండి తొలగించలేదు. కాబట్టి ఇవన్నీ పుకార్లే, ఆమె పెళ్లి క్యాన్సిల్ అయ్యిందని వార్తల్లో నిజం లేదని కొందరి అభిప్రాయం. ఈ విషయంపై పూర్తి స్పష్టత రావాలంటే మరికొంత కాలం వేచి చూడాల్సి ఉంది.
తెలుగులో సీమటపాకాయ్, అవును, అవును 2 వంటి హిట్ చిత్రాలు ఆమెకు ఫేమ్ తెచ్చిపెట్టాయి. ఆరంభంలో విజయాలు లభించినా కెరీర్ స్ట్రాంగ్ గా ప్లాన్ చేసుకోవడంలో పూర్ణ ఫెయిల్ అయ్యారు. ప్రస్తుతం ఆమె ఫేడ్ అవుట్ దశకు చేరారు. స్టార్ హీరోల చిత్రాల్లో క్యారెక్టర్ రోల్స్ చేస్తున్నారు.
అఖండ మూవీలో గవర్నమెంట్ అధికారిణిగా చేసిన పూర్ణ, దృశ్యం 2 మూవీలో లాయర్ పాత్ర చేశారు. డిజిటల్ సిరీస్లు, చిత్రాలకు సై అంటున్నారు. బుల్లితెరపై కూడా ఆమె సందడి చేస్తున్నారు.
డాన్స్ రియాలిటీ షో ఢీ సీజన్ 13లో పూర్ణ జడ్జిగా వ్యవహరించారు. ఆ సీజన్లో పూర్ణ మెరుపులు మెరిపించారు. యాంకర్స్ తో రొమాన్స్, డాన్సర్స్ బుగ్గలు కొరకడం, ముద్దులు ఇవ్వడం వంటి క్రేజీ పనులు చేశారు. అయితే లేటెస్ట్ సీజన్ ఢీ 14 నుండి ఆమెను తప్పించారు. జబర్దస్త్, శ్రీదేవి డ్రామా కంపెనీ లాంటి కామెడీ షోస్ లో పూర్ణ అప్పుడప్పుడూ మెరుస్తూ ఉంటారు.