సీనియర్ హీరోతో రామ్ పోతినేని మల్టీస్టారర్ మూవీ.. డైరెక్టర్ ప్రయోగం చేస్తున్నాడా ?

డబుల్ ఇస్మార్ట్ తర్వాత రామ్ పోతినేని ఓ యువ దర్శకుడి చిత్రానికి కమిటైన సంగతి తెలిసిందే. ఆ యువ డైరెక్టర్ ఎవరో కాదు.. మిస్ శెట్టి మిస్టర్ పోలిశెట్టి లాంటి సూపర్ హిట్ చిత్రం తెరకెక్కించిన మహేష్ బాబు పి.

హీరో రామ్ పోతినేని నటిస్తున్న డబుల్ ఇస్మార్ట్ చిత్రం ఆగష్టు 15న రిలీజ్ కి రెడీ అవుతోంది. డాషింగ్ డైరెక్టర్ పూరి జగన్నాధ్ ఇస్మార్ట్ శంకర్ చిత్రానికి సీక్వెల్ గా ఈ మూవీని తెరకెక్కిస్తున్నారు. దీనితో డబుల్ ఇస్మార్ట్ పై భారీ అంచనాలు ఉన్నాయి. కావ్య థాపర్ హీరోయిన్ గా నటిస్తోంది. 

డబుల్ ఇస్మార్ట్ తర్వాత రామ్ పోతినేని ఓ యువ దర్శకుడి చిత్రానికి కమిటైన సంగతి తెలిసిందే. ఆ యువ డైరెక్టర్ ఎవరో కాదు.. మిస్ శెట్టి మిస్టర్ పోలిశెట్టి లాంటి సూపర్ హిట్ చిత్రం తెరకెక్కించిన మహేష్ బాబు పి. నవీన్ పోలిశెట్టి, అనుష్క శెట్టి హీరో హీరోయిన్లుగా ఈ చిత్రం తెరకెక్కింది. ఎమోషనల్ అండ్ రొమాంటిక్ చిత్రంగా ఆడియన్స్ ని ఆకట్టుకుంది. 

రామ్ పోతినేని కోసం డైరెక్టర్ మహేష్ బాబు ఒక ఎమోషనల్ కథని సిద్ధం చేశారట. మైత్రి మూవీ మేకర్స్ సంస్థ ఈ చిత్రాన్ని నిర్మించబోతోంది. అయితే ఈ మూవీ గురించి ఒక ఆసక్తికర రూమర్ బలంగా వినిపిస్తోంది. ఈ మూవీలో ఒక సీనియర్ హీరో కీలక పాత్రలో నటించబోతున్నట్లు టాక్. 

సీనియర్ హీరో పాత్ర ఈ చిత్రంలో చాలా పవర్ ఫుల్ గా ఉంటుందట. ఒకరకంగా చెప్పాలంటే ఈ మూవీ మల్టీస్టారర్ అని అంటున్నారు. అయితే ఆ సీనియర్ హీరో ఎవరు అనే వివరాలు ఇంకా బయటకి రాలేదు. ప్రస్తుతం ఈ చిత్రానికి సంబంధించిన నటీనటుల ఎంపిక జరుగుతున్నట్లు తెలుస్తోంది. చూస్తుంటే మహేష్ బాబు.. రామ్ పోతినేనితో పెద్ద ప్రయోగమే చేస్తున్నాడు అనే కామెంట్స్ వినిపిస్తున్నాయి.